Filipenses 1:8 - Xochapa Mixteco

⁸ Ta mií Ndioxi ku ra ndíkuiin xaꞌa ya káꞌan i saa xiꞌin ndo ya kúꞌvi ni ini i xíni i ndóꞌo̱, chi mií Jesucristo ku ra ta̱xi ya kuꞌvi ini i kuni i ndóꞌo̱, tá kuꞌva kúꞌvi ni ini mií ra xíni ra ndóꞌo̱.

Filipenses 1:8 Referans Kwoze

Filipenses 4:1

Xaꞌa ya ñaa kua káꞌan ni i xiꞌin ndo ñani yo xiꞌin kuꞌva yo, tuun ni kundikun ndo Tata yo Jesucristo. Xa xíni mií ndo ndee ni kúꞌvi ini i xíni i ndóꞌo̱, ta kúni ni i kuni i ndóꞌo̱. Chi ndóꞌo̱ ku ndo xáa sií ni ini i, ta vaꞌa ni kée i xiꞌin ndo, kúsini ni i xiꞌin ndo, tá káa ñaꞌa ya níꞌi iin ra xínu, saa íyo ndo nuu i, ndáa yaꞌvi ni ndo.

ROMANOS 1:9

Ta mií Iva yo Ndioxi ndíkuiin xaꞌa i ya köo xíkuiin i káꞌan ni i xiꞌin ra xaꞌa ndo. Ndinuꞌu ni ini i xáa chiñu i nuu ra káꞌan ndoso i tuꞌun vaꞌa xaꞌa Jesucristo, ra kúu Seꞌe ra.

2 Timoteo 1:4

Tá ndíkaꞌán ini i xaꞌa un tá xa̱ku ni un xaꞌa i, ta kúni ka vi i kuni i yóꞌo̱. ¡Saa kusini ni i xiꞌin un!

1 Tesalonicenses 2:8

Ta kúꞌvi ni ini nde xíni nde ndóꞌo̱ xaꞌa ya ñaa kua kúsini ni nde ndítuꞌun nde tuꞌun vaꞌa xaꞌa Tata yo Jesucristo xiꞌin ndo. Ta nda ndi̱taxi nde mií nde ya kuvi nde xaꞌa ndo, saa chi yáꞌa ni kúꞌvi ini nde xíni nde ndóꞌo̱.

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

FILEMÓN 1:12

Ta tíꞌvi i ra ndiko koo ra xaa ra nuu un, ta ikan ni un ya mani ndikiꞌin loꞌo un ra, tá kuꞌva ndikiꞌin vií ni un yeꞌe, kuꞌva saa ndikiꞌin vií un ra.

Colosenses 2:1

Ta kúni i ná kundaa ini ndo ñani yo xiꞌin kuꞌva yo na ñuu Colosas, xiꞌin ndóꞌo̱ ñuu Laodicea, xiꞌin ndiꞌi ka ndóꞌo̱ täꞌan kuni xiꞌin nuu yeꞌe, kúni i ná kundaa ini ndo ya chíkaa ni i ndee xiꞌin ndo.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

Gálatas 1:20

Ta mií Iva yo Ndioxi xíni xaꞌa ya káꞌan i xiꞌin ndo, ya ndaa ni kua káꞌan i xiꞌin ndo.

2 Corintios 7:15

Ndee ni vaꞌa ndíkaꞌán ini ra xaꞌa ndo, ta kúꞌvi ni ka ini ra xíni ra ndóꞌo̱, chi vií ni ndi̱kiꞌin ndo ra, ta ndee ni vaꞌa xi̱ni soꞌo ndo ya ndi̱kaꞌan ra xiꞌin ndo.

2 Corintios 6:12

Ta ndeꞌe, köo ñaꞌa sási nuu nde ya kuyati nde nuu ndo, sundi nuu mií ndo ta íyo va ya sási nuu ndo ya kuyati ndo nuu nde.

San Lucas 1:78

Saa chi kúndaꞌvi ni ini Iva yo xíni ra yoo, 2 yakan ti̱ꞌvi ra seꞌe ra, ra ke̱e nuu ndivi, ta ra ikán ku ra káa tá káa nuu túvi inka kivi.

1 Juan 3:17

Tá ndá yo íyo ñaꞌa nuu, ta xíto yo na taꞌan yo köo ñaꞌa na, saa ndíkasi yo nima yo nuu na, köo xíin yo chindee yo na, ta ya yóꞌó kúni kachi ya: Köo kúꞌvi ini yo xíni yo Ndioxi.

FILEMÓN 1:20

Saa ñani yo, ikan ni un ya mani xiꞌin i xaꞌa ya ndúku i nuu un, chi tá íkan un saa xiꞌin i ta vaꞌa ni kuni i xiꞌin un, ta xaꞌa ni un ndee xiꞌin i xaꞌa ya ndíkun yo Tata yo Jesucristo.

1 Tesalonicenses 2:5

Xa xíni mií ndo nda iin ichí köo ndi̱kaꞌan vata nde xiꞌin ndo ya sixinu nde ini ndo, ni köo ndi̱sindaꞌvi nde ndóꞌo̱ ya taxi ndo xuꞌun ndaꞌa nde. Mií Ndioxi ku ra ndíkuiin xaꞌa ya káꞌan nde xiꞌin ndo.

Colosenses 3:12

Chi mií Ndioxi ku ra ndi̱kaxin ndóꞌo̱ xaꞌa ya kúꞌvi ni ini ra xíni ra ndóꞌo̱ ya nduu ndo na ñuu ra, na i̱í. Xaꞌa ya ñaa kua xíniñuꞌu ndo koo vií ndo xiꞌin taꞌan ndo, kundaꞌvi ini ndo kuni ndo naꞌa, saa ikan ndo ya vaꞌa xiꞌin na, xaa toꞌo taꞌan ndo, xaꞌa ndee ini ndo xiꞌin taꞌan ndo.

Filipenses 2:26

Tíꞌvi i ra xaa ra nuu ndo, chi kúni ni ra kuni ra ndóꞌo̱, saa ndíꞌi ni ini ra xaꞌa ndo chi ku̱ndaa ini ndo xaꞌa ra ya ndee ni ndo̱ꞌo ra ku̱ꞌvi ra.

Filipenses 2:1

Na taꞌan yo, xa ta̱xi Cristo ndee ndaꞌa yo ya xaꞌa yo tindee ini xiꞌin taꞌan yo, saa ta̱xi ra ndee ndaꞌa yo sindiko yo ini taꞌan yo, ta íyo Tachi Ndioxi xiꞌin yo táku ya ini yo, saa kúꞌvi ni ini yo xíni taꞌan yo xaꞌa ra, ta xaꞌa ra kua kúndaꞌvi ini yo xíni taꞌan yo.

2 Corintios 13:9

Yakan kúsini ni va nde tá vita ni ini nde, chi ndeꞌe, ta kúni nde ya ná nduu ndee ni ndóꞌo̱. Saa káꞌan ni nde xaꞌa ndo xiꞌin Ndioxi ya ná nduu xa̱á ka ndo, saa xinu ndo nduu ndo naꞌa, na vaꞌa ni.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.