Filipenses 1:7 - Xochapa Mixteco

⁷ Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Filipenses 1:7 Referans Kwoze

2 Corintios 7:3

Ya káꞌan i soꞌva xiꞌin ndo ta köo káꞌan i saa xiꞌin ndo ya táxi i kuachi xaꞌa ndo, saa chi ndee ni kúꞌvi ini nde xíni nde ndóꞌo̱, tá íyo ya xa ndi̱kaꞌan nde xiꞌin ndo, saa íyo ya. Ta nda iin ñaꞌa täꞌvi yoo xiꞌin taꞌan yo, ni ya táku yo vitin ni ya ná kuvi yo, köo ñaꞌa taꞌvi mií yo.

Filipenses 1:5

Saa chi ndóꞌo̱, ta nda kivi núnu̱ú iin saa nda kivi vitin köo ndíko koo ini ndo ya chíndee taꞌan ndo xiꞌin nde ya káꞌan ndoso nde tuꞌun vaꞌa xaꞌa Tata yo Jesucristo.

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

Colosenses 4:18

Ta yeꞌe, Pablo, ku i káꞌan ndioxi xiꞌin ndo, xiꞌin ndaꞌa mií i táa i ya káꞌan i xiꞌin ndo. Ta ndikaꞌán ini ndo xaꞌa i ya ndíkaa i veꞌe kàà yóꞌó. Ta mií Tata yo Jesucristo ná chikaa ni ya vaꞌa ndóꞌo̱. Saa ná koo.

Filipenses 4:14

Vani köo ndíꞌi ini i xaꞌa ñaꞌa ya xíniñuꞌu i, ta ndóꞌo̱, ta vaꞌa ni i̱kan ndo xiꞌin i, ti̱ꞌvi ndo ya xa̱a ya ndaꞌa i. Xiꞌin ya yóꞌó chi̱ndee ndo yeꞌe xaꞌa tindoꞌo ya ndóꞌo i vitin.

Efesios 6:20

Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Los Hechos 20:23

Sundi ndiꞌi saa ñuu nuu xa ndi̱xaꞌan i ta káꞌan Tachi I̱í Ndioxi xiꞌin i ndoꞌo ni i ta kuꞌun i veꞌe kàà, káchi ya xiꞌin i.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

2 Pedro 1:13

Chi nani táku i ta xíniñuꞌu i sindikaꞌán i ini ndo xaꞌa ya yóꞌó, tá íyo i xiꞌin ndo ñuu ivi yóꞌó.

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

2 Timoteo 1:8

Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

1 Tesalonicenses 5:5

Chi ndóꞌo̱ ta íyo ndo ichí nuu íyo ñu̱ꞌu̱ yéꞌe̱. Nda iin yo köo íyo nuu naá, ni nuu íyo ni ya väꞌa köo xíka yo.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

2 Corintios 3:2

Ta vaꞌa ná kundaa ini ndo, chi mií va ndo ku ndo íin tá íin tutu ya ndi̱kaꞌi nuu, saa íyo ndo nima nde, ndíkuiin ndo xaꞌa nde. Tá íyo tutu ya káꞌvi na ta kúndaa ini na xiꞌin ya, saa íyo ndóꞌo̱.

1 Corintios 13:7

Naꞌa, na íyo ni ya kúꞌvi ini táxi Ndioxi ndaꞌa na, ta xáꞌa ndee ndiꞌi ini na xiꞌin ndá ka ñaꞌa ndóꞌo na, ta ndee ni kándixa na ya sixinu Ndioxi ya ndi̱kaꞌan ra, saa ndee ni ndátun na ya ndikuiin Ndioxi yuꞌu na. Saa xáꞌa ndee ndiꞌi ini na xiꞌin ya väꞌa ndóꞌo na.

1 Corintios 9:23

Ndiꞌi ya yóꞌó íkan i xaꞌa ya kúni i ná kuita niꞌnu tuꞌun vaꞌa xaꞌa Tata yo Jesucristo, soꞌva xáa chiñu i nuu ra ya ná chindee taꞌan i xiꞌin naꞌa ya kundaa ini na xaꞌa ra.

Los Hechos 21:33

Saa ku̱yati mií ra ndíso chiñu xiꞌin nda lapa ikán ta xa̱ꞌnda ra chiñu ya katun nda ndaꞌa ra Pablo xiꞌin uvi cadena. Ñaa ndi̱ndakan tuꞌun ñaꞌa ra, káchi ra saa: ―¿Unku yóꞌo̱, ta unkua i̱kan un kua yakan xáa nduvaꞌa ni na xiꞌin un? ―káchi ra xiꞌin ra Pablo.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

Filipenses 1:12

Na taꞌan yo, kúni i ná kundaa ini ndo xaꞌa ya ndíkaa i veꞌe kàà yóꞌó. Chi xaꞌa ya chíndee taꞌan ya xiꞌin i xíta niꞌnu ka tuꞌun vaꞌa xaꞌa Tata yo Jesucristo va kua ndíkaa i yóꞌó.

Filipenses 1:13

Chi ndiꞌi nda lapa, nda ndáa veꞌe kàà yóꞌó xiꞌin ndiꞌi ka naꞌa, kúndaa ini na xaꞌa i ya núꞌni i xiꞌin cadena yóꞌó xaꞌa ya xáa chiñu i nuu Jesucristo.

Filipenses 1:14

Ta xaꞌa ya ndóꞌo i saa ndíkaa i veꞌe kàà yóꞌó kua chíndee taꞌan ya xiꞌin kuaꞌa ni na ñani yo ndúndee ka ini na, köo íꞌvi na kaꞌan ndoso na tuꞌun vaꞌa xaꞌa Tata yo Jesucristo.

Filipenses 2:22

Sundi ra Timoteo, ta xa xíni ndo ini ra, xáa chiñu ni ra xiꞌin i káꞌan ndoso nde tuꞌun vaꞌa xaꞌa Tata yo Jesucristo, nda tá káa seꞌe mií i saa káa ra, chíndee ni ra yeꞌe.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

Filipenses 4:15

Ndóꞌo̱, na ñuu Filipos, ta xa xíni vaꞌa ndo chi tá ke̱ta i ñuu ndo mií estado Macedonia ñaa kuaꞌan i, tá sikan xa̱á i ndítuꞌun i tuꞌun vaꞌa xaꞌa Tata yo xiꞌin naꞌa, ta ndisaa ndóꞌo̱, na veꞌe ñuꞌu, ndóo ñaa ku ndo chi̱ndee taꞌan ni xiꞌin i.

FILEMÓN 1:13

Chi yeꞌe, ta vani kúni ni va i ndoo ra koo ra xiꞌin i yóꞌó, ya chindee taꞌan ra xiꞌin i nuu yóꞌo̱ xaꞌa ya ndíkaa i veꞌe kàà yóꞌó xaꞌa tuꞌun vaꞌa xaꞌa Tata yo Jesucristo,