Filipenses 1:25 - Xochapa Mixteco

²⁵ Ta ya túvi yeꞌe kua taxi ka Ndioxi ichí ndaꞌa i ya koo i xiꞌin ndo ñuu ivi yóꞌó, ya kuchiñu chindee taꞌan i xiꞌin ndo, ta saa kusini ni ka ndo ya ndáa ni ini ndo xíni ndo Tata yo Jesucristo.

Filipenses 1:25 Referans Kwoze

Filipenses 2:24

Ni mií i ta ndáa ni ini i xíni i Ndioxi, ya kama ni taxi ra ichí ndaꞌa i xaa i nuu ndo koto i ndóꞌo̱.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

Los Hechos 20:25

’Ta vitin káꞌan i xiꞌin ndo chi xiꞌin ndóꞌo̱ kua ndi̱xiyo i saa ndi̱xika i ndi̱kaꞌan ndoso i xiꞌin ndo xaꞌa kuꞌva xáꞌnda chiñu Ndioxi, chi vitin ta küni ka ndo nuu i.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

ROMANOS 15:29

Ta ya ndaa kua, tá ná xaa i nuu ndo ñuu Roma, saa ndi̱tuꞌun ni i xiꞌin ndo xaꞌa ya vaꞌa, ya ndi̱niꞌi yo nuu Jesucristo.

ROMANOS 15:18

Süvi xaꞌa ya íkan mií i kua ndítuꞌun i xaꞌa xiꞌin ndo, chi xaꞌa ya íkan Jesucristo chíndee ra yeꞌe ndítuꞌun i xaꞌa ra xiꞌin naꞌa, na köo kúu judío, ya ná kuni soꞌo na tuꞌun ra, ta xaa súvi na ya kúni Ndioxi. Ta xa xáa súvi na ya káꞌan i xiꞌin na, ta süvi ndisaa ya káꞌan i xiꞌin na kua íkan na saa, chi xíto tu na ya íkan i xiꞌin va na, yakan vaꞌa xáa súvi na ya káꞌan Ndioxi.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

Filipenses 1:24

Ta inka ñaꞌñu ku tu ya kúni i kutaku i, chi xíniñuꞌu i chindee taꞌan i xiꞌin ndo.

FILEMÓN 1:22

Saa xa káꞌan kuée tu i xiꞌin un, ya xaa súvi loꞌo un veꞌe un nuu ndoo loꞌo i koo i, chi xa káꞌan ni ndo xiꞌin Ndioxi xaꞌa i, ta mií ra ná kachi ta kama ni xaa i koto i ndóꞌo̱.