Filipenses 1:21 - Xochapa Mixteco

²¹ Chi tá tu táku i, ta xaꞌa ya xaa súvi i chiñu nuu mií Cristo kua táku i, án tá yeꞌe ndi̱xiꞌi ku i, ta vaꞌa ni ka kée va i.

Filipenses 1:21 Referans Kwoze

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

2 Corintios 5:8

Chi yoo ta xaꞌa ya ndáa ni ini yo xíni yo ra yakan kúni ni yo kana koo yo ini ikin kuñu yo ya kúu mií yo vitin, ta ndikiꞌin yo kuꞌun yo koo yo xiꞌin ra nuu íyo mií ra.

2 Corintios 5:1

Ta xa kúndaa vaꞌa ini yo chi ikin kuñu yo ya kúu mií yo ñuu ivi yóꞌó, ta tá íyo veꞌe manta ya ndíꞌi xaꞌa va saa íyo ya. Sundi tá ná ndiꞌi xaꞌa ya yóꞌó, ta xa íyo inka veꞌe ikin kuñu yo ya xa̱á si̱kuaꞌa Ndioxi nuu ndivi. Ta ya ikán ta köo ndíꞌi xaꞌa ya, ndiꞌi saa ichí koo ya chi süvi na ñuu ivi yóꞌó ku na ndi̱sikuaꞌa ya.

Filipenses 1:23

Ni köo xíni i unkua vaꞌa ikan i, ¿án vaꞌa ka ya kuvi i, án vaꞌa ka ya kutaku i? Sundi ya ndíkani ini i kua: vaꞌa ni ka kua ná kuvi i, túvi i, chi koo i xiꞌin Cristo.

Colosenses 3:4

Tá ná ndiko koo Jesucristo, ra táxi táku ndo, ta iin káchi nduu ndo xiꞌin ra, saa ndikundixi níí ndo ya vaꞌa, ya luvi ni xiꞌin ra.

2 Corintios 5:6

Xaꞌa ya ñaa kua ndee ni ndáa ini yo Ndioxi ndiꞌi saa kivi. Ta xa kúndaa ini yo tá kivi táku yo ini ikin kuñu yo ya kúu mií yo vitin, ta täꞌan tindaa yo koo yo xiꞌin Tata yo Jesucristo.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

El Apocalipsis 14:13

Saa xi̱ni soꞌo i tuꞌun ya ke̱ta nuu ndivi, ndi̱kaꞌan ya xiꞌin i káchi ya saa: ―Taa tuꞌun káꞌan i xiꞌin un: “Kivi vitin xiꞌin ndiꞌi saa kivi ya vaxi, ndiꞌi naꞌa na ndíkun Tata yo Jesucristo, tá ná kuvi na xaꞌa ya kándixa na ra, ta taxi Ndioxi koo vaꞌa ni na xiꞌin ra, nuu kusini ni na” ―káchi tuꞌun ya xi̱ni soꞌo i. Saa ndi̱kaꞌan Tachi i̱í Ndioxi, káchi ya saa: ―Saa ndi̱xa íyo ya, tá ná xaa na nuu ndivi, ta ndixa kua ndikundee na, chi xa si̱xinu na chiñu i̱kan na ñuu ivi yóꞌó. Ni Ndioxi ta ndi̱kaꞌán ini ra xaꞌa ya vaꞌa i̱kan na, ta nuu ndivi ikán ndichaꞌvi ra na xaꞌa chiñu ya i̱kan na ñuu ivi yóꞌó ―Soꞌva káchi Tachi Ndioxi xi̱ni soꞌo i.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.

1 Corintios 3:22

Tá kúu yeꞌe Pablo xiꞌin ra Apolos, xiꞌin ra Pedro tin ñuu ivi yóꞌó, saa tu ya táku yo, xiꞌin ya xáꞌni yoo, saa tu tiempo ya ndóo yo vitin, xiꞌin ya kuu tiempo ya vaxi. Ndiꞌi ya yóꞌó ta xaꞌa mií ndo íyo ndiꞌi ya.

Filipenses 1:22

Ya ndíkani ini i kua, tá tu táku ka i ñuu ivi yóꞌó ta kuchiñu xaa chiñu ka i nuu Tata yo Jesucristo, túvi i. Sundi yeꞌe ta ni köo xíni i unkua kúni i ikan i.