Filipenses 1:13 - Xochapa Mixteco

¹³ Chi ndiꞌi nda lapa, nda ndáa veꞌe kàà yóꞌó xiꞌin ndiꞌi ka naꞌa, kúndaa ini na xaꞌa i ya núꞌni i xiꞌin cadena yóꞌó xaꞌa ya xáa chiñu i nuu Jesucristo.

Filipenses 1:13 Referans Kwoze

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Efesios 6:20

Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

Los Hechos 26:29

―¡Án siloꞌo án kuaꞌa sixinu i ini un, Ndioxi ná kachi ta ndikundikun un ichí ra saa tu ndiꞌi na ndóo xíni soꞌo ya káꞌan i, ta ná nduu na tá kuꞌva íyo yeꞌe, sundi süvi tá kuꞌva núꞌni i xiꞌin cadena yóꞌó! ―káchi ra Pablo xiꞌin na.

Filipenses 4:22

Ta ndiꞌi na ñani yo, na ndóo ñuu Roma yóꞌó, tíꞌvi ni tu na yóꞌó va tuꞌun mani xaa nuu ndo. Ta saa tu na taꞌan yo, na xáa chiñu nuu ra rey César veꞌe chiñu kaꞌnu yóꞌó, tíꞌvi tu na yóꞌó va tuꞌun mani xaa nuu ndo.

Los Hechos 28:30

Saa ndi̱xiyo ra Pablo uvi kuiya ñuu Roma, cha̱ꞌvi ra iin veꞌe nuu ndi̱xiyo ra. Ta ndiꞌi na xáꞌan veꞌe ra ndíkiꞌin vaꞌa ndiꞌi ra na.

Los Hechos 28:20

Xaꞌa ya ñaa kua ka̱na i ndóꞌo̱ ndi̱kitaꞌan yo yóꞌó, kaꞌan i xiꞌin ndo kundaa ini ndo ndá xaꞌa kua núꞌni i xiꞌin cadena yóꞌó. Xaꞌa ya ndíkun i ichí iin ta̱a ra xi̱ndatun ndiꞌi na taꞌan yo na Israel kixi sikaku yoo kua núꞌni i ―káchi ra Pablo xiꞌin na.

Los Hechos 28:17

Saa tá ndi̱xinu uni kivi ndi̱xaa nde ndóo nde ñuu Roma ta saa ka̱na ra nda naꞌnu nuu na judío ndóo mií ñuu ikán ya kuꞌun na nuu ra. Tá ndi̱xaa na saa xaá ra káꞌan ra xiꞌin na, káchi ra saa: ―Na taꞌan yo, ná kundaa ini ndo saa chi yeꞌe ta ni köo ya ndi̱kan i xiꞌin na judío taꞌan yo, ta ni xaꞌa kuꞌva íyo na köo ñaꞌa ndi̱kaꞌan i, ta ti̱in na yeꞌe ñuu Jerusalén, ndi̱taxi na kuachi xaꞌa i ndaꞌa na Roma.

Los Hechos 26:31

ka̱na koo na veꞌe chiñu kuaꞌan na ta káꞌan xiꞌin taꞌan mií na káchi na saa: ―Nda iin ya ndee köo ndi̱kan ra ya kuvi ra, ni veꞌe kàà köo xíniñuꞌu ra ndikaa ra ―káchi na xiꞌin taꞌan na.

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

Filipenses 1:30

Chi iin káchi tíxuꞌvi ni yo xaꞌa ra vitin. Xa xíni mií ndo ndá kuꞌva ndo̱ꞌo i yachi, ta saa tu xíni soꞌo ndo xaꞌa i ndá kuꞌva ndóꞌo i vitin va.