Filipenses 1:11 - Xochapa Mixteco

¹¹ Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Filipenses 1:11 Referans Kwoze

HEBREOS 12:11

Ya ndaa kua, tiempo ndóo yo vitin ta nda iin yo köo kúsini tá kivi sítixuꞌvi iva siꞌí yo na ivi yóꞌó mií yo ni tá sítixuꞌvi Ndioxi yoo nuu sínaꞌa ra yoo ta yo kúsuchi ini va ku yo, ta ndíkava ini yo tá ndóꞌó yo saa. Sundi ya vaꞌa ni mií va yo kua ndóꞌo yo saa, chi saa kua ikan yo ya vaꞌa ta taxi Iva yo Ndioxi ya koo vaꞌa ni ini yo, kusini ni yo.

San Juan 15:8

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

Filipenses 4:17

Süvi ya káꞌan i ya yóꞌó xiꞌin ndo ta kúni i chindee ndo yeꞌe, chi yeꞌe ya kúni i kua ná niꞌi ni ka ndo ya vaꞌa nuu Ndioxi xaꞌa ya vaꞌa ni ini ndo, tái ni ndo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

ROMANOS 6:22

Ta vitin ta xa ndi̱saña ndo ndaꞌa kuachi nuu xi̱ñuꞌu ndo. Xa ta̱xi ndo mií ndo xáa chiñu ndo nuu Ndioxi, saa ndu̱u ndo naꞌa na i̱í nuu ra, ta xaꞌa ya ñaa kua ndi̱niꞌi ndo nuu ra ya koo ndo xiꞌin ra ndiꞌi saa kivi ya vaxi.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.

2 Tesalonicenses 1:12

Ta saa ndikunuu sukun ni ya toꞌo Tata yo Jesucristo xaꞌa ndiꞌi ya íkan ndo, ni mií ra ta chinuu vaꞌa ni ra tuꞌun ndo nuu Ndioxi. Ndi̱xaꞌvi ni Ndioxi xaꞌa ya vaꞌa si̱niꞌi uun ra nuu yo xiꞌin mií Tata yo Jesucristo.

Efesios 5:9

Ta xaꞌa ya íyo Tachi I̱í Ndioxi xiꞌin ndo kua ndu̱u ndo naꞌa, na vaꞌa ni, na köo ka kuachi kúu mií nuu ra, na ndee ni íyo ya ndaa ini.

Efesios 1:14

Ta Tachi I̱í ra ya íyo xiꞌin yo kua xiꞌna ta̱xi ra ndaꞌa yo ya káꞌan ra xiꞌin yo ya niꞌi yo ya ki̱ndoo ra xiꞌin yo taxi ra ndaꞌa yo. Chi tixin Tachi I̱í ra kua taxi ra saña ndíka mií yo kúu na ñuu ra. Xaꞌa ya i̱kan Ndioxi saa xiꞌin yo kua xíniñuꞌu yo xaa kaꞌnu ni yo ra chi ndee ni kaꞌnu ra.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

1 Pedro 4:14

Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 1:12

Chi Ndioxi ta ku̱ni ra ya ná xaa kaꞌnu ni xiꞌna ndeꞌe ra, saa chi ndeꞌe ku nde xiꞌna ka̱na ra ya ndi̱kundikun nde Jesucristo chi xa yachi vi ndátun ñaꞌa nde.

2 Corintios 9:10

Saa chi mií Ndioxi ku ra táxi siꞌva chíꞌi naꞌa, ta suvi mií ra ku ra táxi ñaꞌa xíxi ndiꞌi na. Ta kuꞌva saa ikan Ndioxi xiꞌin ndo, taxi ra kuaꞌa ni ñaꞌa vaꞌa ndaꞌa ndo, saa kuchiñu ndo chindee taꞌan ndo xiꞌin inka na.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

ROMANOS 15:28

Tá ná sindiꞌi nditaꞌvi i xuꞌun xiꞌin na taꞌan yo, na ndóo ñuu Jerusalén, saa yaꞌa i ñuu Roma koto i ndóꞌo̱. Sindiꞌi ikán saa kee i kuꞌun i chí ñuu España.

Tito 3:14

Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.