FILEMÓN 1:9 - Xochapa Mixteco

⁹ sundi yeꞌe, ta köo kúni i ikan i saa xiꞌin un, xáku ndaꞌvi va i nuu un xaꞌa ya íyo ni ya kúꞌvi ini Ndioxi nima i. Ta xa xíni mií un, yeꞌe, ta xa ku̱chee va i vitin, ta síin tu ndíkaa i veꞌe kàà yóꞌó va xaꞌa ya ndíkun i Tata yo Jesucristo.

FILEMÓN 1:9 Referans Kwoze

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

ROMANOS 12:1

Ñani yo xiꞌin kuꞌva yo, xíkan ni i ya mani nuu ndo ya ná nditaxi táku ndo mií ndo ndaꞌa Ndioxi. Soko ndiꞌi ndo mií ndo nuu ra. Tá íin naꞌa na ií, na síkusini ni ini ra, saa koo ndo. Nditaxi ndiꞌi ndo mií ndo ndaꞌa ra xaꞌa ya kúndaꞌvi ni ini ra xíni ra ndóꞌo̱. Tá íkan ndo saa ta xáa kaꞌnu ni ndo ra, ta ya ñaa ku mií ya ndixa ni ka ndáa yaꞌvi nuu ra.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

HEBREOS 13:19

Ta xíkan ni i ya mani nuu ndo, kaꞌan ni ndo xaꞌa i xiꞌin Ndioxi ya ná taxi ra kama ni ndiko koo tuku i kuꞌun i koto i ndóꞌo̱.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Efesios 6:20

Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

1 Timoteo 1:12

Táxi ni i tixaꞌvi ndaꞌa Tata yo Jesucristo, taa ra ta̱xi ni ndee ndaꞌa i, saa chi ndáa ni ini ra xíni ra yeꞌe yakan ndi̱kaxin ra yeꞌe ya xaa súvi i chiñu nuu ra.

Tito 2:2

Saa sinaꞌa un nda ñani yo, nda xikuaꞌa, ya ná koo kaxin ni ini nda, ná koo ni ya toꞌo nda, ndá ya íkan nda ta xiꞌna ná ndikani vaꞌa ini nda saa ikan nda ya. Saa sinaꞌa un nda ndee ni ná kundaa ini nda kuni nda Tata yo Jesucristo ya taxi ra ndee ndaꞌa nda, saa ná kuꞌvi ni ini nda kuni taꞌan nda, ta káꞌnu ni ná koo ini nda xiꞌin taꞌan nda.