FILEMÓN 1:8 - Xochapa Mixteco

⁸ Ñani yo, yeꞌe, ta íyo ni va ichí i ya kaꞌnda i chiñu nuu un ya xaa súvi un ya kúni i, xaꞌa ya kúu i ra xíka káꞌan ndoso tuꞌun vaꞌa xaꞌa Tata yo Jesucristo,

FILEMÓN 1:8 Referans Kwoze

1 Tesalonicenses 2:6

Chi nda iin ichí köo ndi̱xaá naꞌnu nde mií nde nuu nda iin naꞌa, ni nuu ndóꞌo̱, ni nuu ndá ka inka naꞌa. Vani kúu mií nde ichí ya ikan ndo saa xiꞌin nde xaꞌa ya kúu nde nda xáa chiñu nuu Tata yo Jesucristo, ta köo ndi̱kan nde saa xiꞌin ndo.

2 Corintios 10:8

Án sana ndíkani ini ndo xaꞌa i ya yáꞌa ni ndee káꞌan i xiꞌin ndo, xaꞌa ya kúu mií i chiñu, ya ta̱xi Tata yo Jesucristo ndaꞌa i xáꞌnda chiñu i nuu ndo, kaꞌán ndo. Sundi yeꞌe, ta köo kúkáꞌán nuu i xiꞌin ya, chi mií ra ku ra ta̱xi ndee ndaꞌa nde ya kuchiñu nde chindee taꞌan nde xiꞌin ndo, ta süvi ya síndiꞌi xaꞌa nde ndóꞌo̱ kua.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

1 Tesalonicenses 2:2

Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

Efesios 5:4

Ni käꞌan kini ndo, ni ndá ka tuꞌun ya köo ndáa yaꞌvi käꞌan ndo, ni käꞌan siki ndo xaꞌa ndá ka ñaꞌa ya kini ni káa, ni käꞌan ndo ndá ka tuꞌun ya kini. Ta ya vaꞌa ni ikan ndo kua kaꞌan ndo tuꞌun vaꞌa ya táxi ndo tixaꞌvi ndaꞌa Ndioxi.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.