Efesios 4:26 - Xochapa Mixteco

²⁶ Yakan tá xáa ndo sáa ini ndo xiꞌin taꞌan ndo, ta vaꞌa kama sindiko ndo ini ndo, ta säa ndo inii nduvi ndaa xiꞌin taꞌan ndo.

Efesios 4:26 Referans Kwoze

Santiago 1:19

Ñani yo xiꞌin kuꞌva yo, yeꞌe ta kúni i ndituꞌun i xiꞌin ndo ya ná kundaa ini ndo ya xíniñuꞌu ni ndo sikuaꞌá ndo kuni soꞌo ndo ya káꞌan inka naꞌa xiꞌin ndo, xiꞌna kuni soꞌo ndo ya káꞌan na xiꞌin ndo, saa ndi̱kuiin ndo yuꞌu na. Ta säa kama ni ndo.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

San Marcos 10:14

Ñaa xi̱ni Jesús ya íkan nda, ta ndi̱saa ra xiꞌin nda, saa ndi̱kaꞌan ra xiꞌin nda, káchi ra saa: ―Taxi ndo na vali ná kixi na nuu i, ta käsi ndo nuu na, chi ndiꞌi na táxi xáꞌnda chiñu Ndioxi nima na, tá íin na vali yóꞌó saa íin na.

Santiago 1:20

Chi ndiꞌi naꞌa, na ndee ni sáa ta küvi ikan na ya vaꞌa kúni Ndioxi.