Efesios 3:5 - Xochapa Mixteco

⁵ Ta ya íyo sěꞌe taꞌan ya káꞌan i xaꞌa xiꞌin ndo yóꞌó yachi, ta nda iin naꞌa köo ndi̱kundaa ini xaꞌa ya, sundi vitin ta Ndioxi si̱naꞌa ra ya nuu nda i̱í, nda kúu apóstol xiꞌin nda profeta. Saa i̱kan ra si̱naꞌa ra ya nuu nda tixin Tachi I̱í ra.

Efesios 3:5 Referans Kwoze

Judas 1:17

Sundi ndóꞌo̱ ñani yo, ta ndikaꞌán ni ini ndo xaꞌa tuꞌun ya ndi̱kaꞌan nda xa̱a chiñu nuu Tata yo Jesucristo tá yachi.

2 Pedro 3:2

Chi yeꞌe ta kúni i ná ndïndoso ini ndo xaꞌa tuꞌun ya ndi̱kaꞌan ndoso nda i̱í, nda ndi̱kaꞌan tuꞌun yuꞌu Ndioxi xinaꞌa. Ta saa ndïndoso tu ini ndo xaꞌa tuꞌun ya xa̱ꞌnda chiñu Tata yo Jesucristo ra síkaku yoo, ya ta̱xi ra ndaꞌa ndeꞌe ndi̱xika chiñu nuu ra si̱naꞌa nde.

Efesios 2:20

Ta ndóꞌo̱ kándixa Jesucristo tá káa iin veꞌe ya síkuaꞌa Ndioxi saa íin ndo. Chi tuꞌun ya sínaꞌa nda profeta ndóꞌo̱, án ya sínaꞌa nda apóstol ndóꞌo̱, ta tá iin xaꞌa veꞌe ya táva na saa íin tuꞌun ya sínaꞌa nda ndóꞌo̱. Ta tá káa iin yu̱ú ya ndíkunduꞌu tutun veꞌe ya ndee ni xíniñuꞌu, saa káa Cristo xiꞌin ndo.

Efesios 3:9

Ta̱xi Ndioxi chiñu ndaꞌa i ya kuchiñu i ndituꞌun i xiꞌin naꞌa xaꞌa ñaꞌa ya chi̱tuni mií ra ndi̱xiyo sěꞌe yachi, chi mií ra ku ra si̱kuaꞌa ndiꞌi ni kúu ñaꞌa ya íyo, ta nda yachi vi ndi̱xiyo sěꞌe ñaꞌa ya chi̱tuni mií ra, nda tá si̱kuaꞌa ra ñuu ivi yoꞌo vi kua i̱kan ra saa.

Los Hechos 10:28

Ñaa ndi̱kaꞌan ra xiꞌin na, káchi ra saa: ―Xíni mií ndo, ndeꞌe raza na judío ta küvi ndi̱kitaꞌan nde xiꞌin na án kuyati nde nuu na köo kúu judío, chi na yakua ku na nuu nde, káꞌán nde. Sundi Ndioxi ta si̱tuvi ra nuu i ndi̱kaꞌan ra xiꞌin i: küvi kaꞌan nde xiꞌin nda iin naꞌa ya yakua na.

San Lucas 10:24

Ndisaa vi nda ndi̱kaꞌan ndoso tuꞌun yuꞌu Ndioxi xiꞌin nda rey nda ku̱u mií chiñu ndee xinaꞌa, ku̱ni nda kuni nda ya xíto ndo xiꞌin ya xíni soꞌo ndo tiempo vitin, sundi köo ndi̱xini nda ya, ni köo ndi̱xini soꞌo nda ya ―káchi Jesús xiꞌin nda.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Mateo 13:17

Ya ndaa káꞌan i xiꞌin ndo, xinaꞌa ndi̱xiyo kuaꞌa ni nda profeta nda ndi̱kaꞌan ndoso tuꞌun yuꞌu Ndioxi saa tu nda ndi̱xika ndaku ni nuu Ndioxi va, nda ikán ta ku̱too ni nda koto nda ya xíto ndo vitin, ta köo ndi̱kuvi kuni nda ya, saa ni ku̱too ni nda kuni soꞌo nda ya xíni soꞌo ndo, ta köo ndi̱kuvi kuni soꞌo nda ya ―káchi Jesús xiꞌin nda ítaꞌan xiꞌin ra.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

San Mateo 23:34

Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu.

San Lucas 11:49

Yakan kua ndi̱kaꞌan Ndioxi tuꞌun ndíchi xaꞌa ndo, káchi ra saa: “Tiꞌvi i nda káꞌan ndoso tuꞌun yuꞌu i kuꞌun nda kaꞌan ndoso nda tuꞌun i xiꞌin na Israel. Tiꞌvi i nda ndi̱kaxin i xíka chiñu nuu i kuꞌun nda ndituꞌun nda xiꞌin na, ta sava nda kaꞌni ñaꞌa na, inka nda xaa nduvaꞌa ni na xiꞌin nda”, káchi Ndioxi xaꞌa ndo.

1 Corintios 2:10

Sundi mií Ndioxi ku ra ndi̱naꞌa ya yóꞌó nuu yo tixin Tachi ra ya kuchiñu yo kundaa ini yo xaꞌa ya. Saa chi ndisaa mií Tachi ra kua xíto ndoso ndiꞌi ni kúu ñaꞌa. Nda ñaꞌa ya küvi kundaa ini yo xiꞌin, saa tu ndiꞌi ya ndíchi ni, ya íyo sěꞌe, ta ndisaa mií Tachi ra kua kúndaa ini xaꞌa ndiꞌi ya kúu mií Ndioxi.

San Mateo 20:7

Saa ndi̱kaꞌan na xiꞌin ra, káchi na: “Nda iin naꞌa köo ndúku ndeꞌe xaa chiñu nde xiꞌin na”, káchi na. Saa ndi̱kaꞌan ra xiꞌin na: “Vaꞌa kuꞌun tu ndóꞌo̱ va xaa chiñu ndo nuu ñuꞌú i, nuu íyo kiti uva i, ta saa chaꞌvi i ndóꞌo̱ tá yaꞌvi ndo”, káchi ra xiꞌin na.