Efesios 3:20 - Xochapa Mixteco

²⁰ Ta xiꞌin ndee mií Ndioxi ya íyo xiꞌin yo kua kuchiñu ikan ra ya chee ni xiꞌin yo, chi ndee ni ndee kúu mií ra ta yáꞌa ni ka va kuaꞌa ñaꞌa kuchiñu ra ikan ra nuu ya ndákan yo nuu ra án ya ndíkani ini yo xaꞌa.

Efesios 3:20 Referans Kwoze

2 Corintios 9:8

Ta ndee ni ndee kúu mií Ndioxi ya kuchiñu chindee ra ndóꞌo̱, taxi ra kuaꞌa ni ya vaꞌa ndaꞌa ndo, ya ná koo ñaꞌa xíniñuꞌu ndo nuu ndo ndiꞌi saa ichí, ta nda ndoo ndoso ka ya nuu ndo ya kuchiñu ndo ikan ni ndo ndá ka ya vaꞌa ni xiꞌin naꞌa.

ROMANOS 4:21

Ta ndinuꞌu ni ini ra Abraham ka̱ndixa ra Ndioxi, ya kúu mií ra ndee sixinu ra ya ndi̱kaꞌan ra xiꞌin ra.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

1 Corintios 2:9

Ta ndaꞌa yóo kua ta̱xi Ndioxi ya, tá káꞌan tuꞌun ra ya ta̱a na xinaꞌa, káchi ya saa: Nda iin naꞌa täꞌan ndikani ini xaꞌa ya si̱kuaꞌa Ndioxi xaꞌa yoo kúꞌvi ni ini ra xíni ra, ni täꞌan kuni xiꞌin nuu na ya, ta ni täꞌan kuni soꞌo na ya.

Efesios 1:19

Ta saa kua vaꞌa kundaa ini ndo xaꞌa ndee ya chee, ya kaꞌnu ni táxi Ndioxi ndaꞌa ndiꞌi yo kándixa ñaꞌa. Ta suvi xiꞌin mií ndee Ndioxi ya chee ni kua xi̱niñuꞌu ra

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

Efesios 3:7

Ta yeꞌe, xaꞌa ya vaꞌa ni Ndioxi xiꞌin i, kúꞌvi ni ini ra xíni ra yeꞌe yakan i̱kan ra saa xiꞌin i, si̱niꞌi uun ra chiñu yóꞌó nuu i ya kaꞌan ndoso i tuꞌun vaꞌa xaꞌa ra xiꞌin naꞌa, ndá kuꞌva kua kaku na.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

San Juan 10:10

’Ta na kuiꞌna ta vaxi na kúni na sikuiꞌna na ri kaꞌni na ri tin sindiꞌi xaꞌa na ri. Sundi yeꞌe ta vaxi i ya taxi i kutaku na ndíkun yeꞌe, ta yáꞌa ni vaꞌa kundoo ndiꞌi na.

Santiago 4:12

Chi iindaa mií va Ndioxi ku ra chi̱nduꞌu ley ra, yakan iindaa mií ra ku ra kúu mií ichí ya xaa nani ra kuachi xiꞌin naꞌa, chi íyo ichí ra ya sikaku ra na, ta íyo ichí ra ya sindiꞌi xaꞌa ra na. Yakan ndóꞌo̱ ta köo ichí ndo kaꞌan ndo xaꞌa na taꞌan ndo ya íyo kuachi na.

1 Timoteo 1:14

Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.

HEBREOS 11:19

Ta ra Abraham, ta xi̱ndaa ni ini ra xi̱ni ra Ndioxi ya kúu mií ra ndee ya sitaku ra na ndíi. Xaꞌa ya ikán kua ndi̱xiyo ndúvi ra ya soko ra seꞌe ra nuu Ndioxi, köo ndi̱xaꞌni ka ra seꞌe ra. Ta xaꞌa ya i̱kan ra saa tá íyo ra xa ndi̱xiꞌi ta ndi̱taku ra, saa ndi̱xiyo seꞌe ra, ra Isaac.

2 Pedro 1:11

Ta saa kusini ni Ndioxi xiꞌin ndo saa kuna koꞌo ra yeꞌe nuu ndo kiꞌvi ndo koo ndo xiꞌin ra ndiꞌi saa tiempo nuu ndivi nuu koo Tata yo Jesucristo ra síkaku yoo kaꞌnda chiñu ra.

San Mateo 3:9

Ta ndïkani ini ndo sikaku Ndioxi ndóꞌo̱ xaꞌa ya kúu ndo seꞌe sikua ra Abraham, káꞌán ndo. Chi mií Ndioxi ta kúu mií ra ichí ndisama ra yu̱ú yóꞌó nduu ya seꞌe sikua ra Abraham.