Efesios 1:20 - Xochapa Mixteco

²⁰ si̱taku ra Cristo tañu na ndíi, saa ta̱xi ra ichí ndaꞌa ra ya koo ra xiꞌin ra ñaꞌñu kuáꞌá ra nuu ndivi.

Efesios 1:20 Referans Kwoze

HEBREOS 10:12

Sundi Jesucristo ta iin ichí va i̱kan ra saa, iin ichí va ndi̱taxi ra mií ra xaꞌa kuachi yo, ta ya i̱kan ra saa ta köo xíniñuꞌu ra ikán tuku ra saa. Tá sindiꞌi i̱kan ra saa ta ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

Colosenses 3:1

Ta ndóꞌo̱, ta xa ndi̱taku ndo xiꞌin Jesucristo tá ndi̱xiꞌi ra, yakan vitin ta xíniñuꞌu ndo nduku ndo ya vaꞌa, ya ndáa yaꞌvi ni, ya íyo nuu ndivi nuu índuꞌu ra nuu tai toꞌo ñaꞌñu kuáꞌá Ndioxi.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

San Marcos 14:62

Saa ndi̱kuiin Jesús káꞌan ra: ―Ikán kuu i. Ta kuni ndo yeꞌe, Taa ra xa̱a ñuu ivi yóꞌó, kuni ndo kunduꞌu i ñaꞌñu kuaꞌá Ndioxi ra kaꞌnu, saa kuni ndo yeꞌe ndiko koo i kixi i tañu viko nuu ndivi ni̱nù ―káchi ra xiꞌin nda.

San Mateo 26:64

Saa ndi̱kuiin Jesús káꞌan ra: ―Tá íyo ya ndi̱kaꞌan un saa íyo ya, ikán ku i. Ta káꞌan tuku i xiꞌin ndo, vaxi kivi ta kuni ndo yeꞌe, Taa ra xa̱a ñuu ivi yóꞌó koo i nuu tai toꞌo, itun íyo ñaꞌñu kuáꞌá Ndioxi, ta ndee ni ndee kúu mií ra. Saa kuni ndo yeꞌe ndiko koo i kixi i tañu viko nuu ndivi ―káchi Jesús xiꞌin nda.

El Apocalipsis 1:17

Tá xi̱ni i ra, ta ndakua kuaꞌan nima i, iin saa ndi̱kava i kuaꞌan i xaꞌa ra. Tá káa ra ndi̱xiꞌi saa ndu̱u i. Ñaa chi̱nuu ndaꞌa ra sata i, ta ndi̱kaꞌan ra xiꞌin i, káchi ra saa: ―Ku ïꞌvi un, saa chi yeꞌe, ta táku i nda kivi núnu̱ú, iin saa kutaku i nda kivi sindiꞌi.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

HEBREOS 13:20

Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

Los Hechos 26:8

Ta ndiꞌi ndóꞌo̱ ndi̱kitaꞌan ndóo yóꞌó ta ¿ndachu ndíkani ini ndo ndíchi ni saa sitaku Ndioxi na ndíi xa ndi̱xiꞌi, káꞌán ndo? ―káchi ra Pablo.

Los Hechos 10:40

Sundi Ndioxi ta si̱nditaku ñaꞌa ra, ndi̱taku ra kivi uni. Si̱tuvi Ndioxi ra nuu nde.

Los Hechos 4:10

ta vaꞌa kundaa va ini ndo, vitin kaꞌan nde xiꞌin ndo ya ná kundaa ini ndiꞌi na ñuu yo na Israel ya ndee ni ndee kúu mií Jesucristo, ra ñuu Nazaret, chi ndóꞌo̱ ta chi̱nuu ndo ra nuu cruzin ndi̱xiꞌi ra, sundi Ndioxi ta si̱taku ñaꞌa ra, ta ra ikán ku ra sindaꞌa ra yóꞌó ndu̱vaꞌa ra ndíchi ra nuu ndo vitin.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 10:18

Nda iin naꞌa küchiñu kindaa ya táku i ndaꞌa i, chi kúu mií i ichí ya taxi i kutaku i. Chi yeꞌe ta íyo ndee ndaꞌa i ya taxi i mií i kuvi i, ta íyo tu ndee ndaꞌa i ya sitaku i mií va i. Ta ichí yóꞌó kua ta̱xi Iva i ndaꞌa i ―káchi Jesús xiꞌin na.

Colosenses 1:16

Xiꞌin ndee mií ra kua ndi̱kuaꞌa ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Ndiꞌi ñaꞌa ya xíto yo íyo xiꞌin ya täꞌan ka kuni yo, ta mií ra ku ra si̱kuaꞌa ya. Saa si̱kuaꞌa tu ra ndiꞌi nuu tatun ya íyo nuu ndivi, xiꞌin ndiꞌi ndee naꞌnu ya xáꞌnda chiñu ndiꞌi ñaꞌñu xiꞌin ka inka nuu ndiꞌi ndee ya íyo. Ndiꞌi ya ndi̱kuaꞌa ta mií ra ku ra si̱kuaꞌa ndiꞌi ya, xaꞌa mií ra kua ndi̱kuaꞌa ndiꞌi ya.