Efesios 1:1 - Xochapa Mixteco

¹ Yeꞌe Pablo, ra ndi̱kaxin mií Ndioxi xáa chiñu i nuu ra ku i táa tutu yóꞌó xaa ya nuu ndiꞌi ndóꞌo̱, ndóo ñuu Éfeso, chi na i̱í, na kúu ñuu Ndioxi ku ndo ta ndinuꞌu ni ini ndo kándixa ndo Jesucristo.

Efesios 1:1 Referans Kwoze

Colosenses 1:2

xaa ya nuu ndóꞌo̱, na i̱í, na kúu ñuu Ndioxi, na ndinuꞌu ni ndíkun Tata yo Jesucristo, na ndóo ñuu Colosas. Saa ná ikan ni ra ya vaꞌa xiꞌin ndo ná taxi ni ra koo vaꞌa ni ini ndo.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

ROMANOS 1:1

Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

Efesios 6:21

Ta ra ñani yo Tíquico ku ra vaꞌa ni ítaꞌan xiꞌin i xáa chiñu nde nuu Tata yo Jesucristo, ta ra ñaa ku ra ndituꞌun xiꞌin ndo xaꞌa i xiꞌin ndiꞌi ya ndóꞌo i.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

San Lucas 16:10

’Tá kúu iin ra ndaa ni ini, vani loꞌo ku ñaꞌa táxi na ndaꞌa ra kundaa ra ta ndáa vií ra ya, tá kuaꞌa ná koo ya taxi na ndaꞌa ra ta kundàà vií ra ya, chi vií ini ra. Sundi tá tu köo vií ini ra, vani loꞌo ku ñaꞌa ya táxi na ndaꞌa ra ta küchiñu ra kundaa ra ya, kachi ka vi tá kuaꞌa ná koo ya taxi na ndaꞌa ra, ni küchiñu mií vi ra kundàà ra ya.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 17:14

Ndiꞌi nda rey ikán kani taꞌan nda xiꞌin Levo loꞌo, sundi kiti Levo loꞌo ta kuchiñu ri nuu nda, chi Levo loꞌo ikán kúu Tata yo Jesucristo, ra kaꞌnu ni nuu ndiꞌi na naꞌnu, ta chee ni ka ra ikán, saa chi kúu mií ra rey ra chee ni xáꞌnda chiñu nuu ndiꞌi nda rey ñuu ivi yóꞌó. Ta na ítaꞌan xiꞌin ra ku na ka̱na ra, na ndi̱kaxin ra ndinuu ni ndíkun ñaꞌa na ―káchi tatun Ndioxi xiꞌin i.

Gálatas 3:9

Ya yóꞌó kúni kachi ya, ndiꞌi yo ndáa ni ini xíni Ndioxi tá kuꞌva xi̱ndaa ini ra Abraham xi̱ni ñaꞌa ra, ta niꞌi yo ya vaꞌa xaꞌa ya kándixa ni yo kuꞌva ka̱ndixa ni ra ikán Ndioxi.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

El Apocalipsis 2:13

Ta xíni ndiꞌi i ya íkan ndo, saa xíni i ya ndóo ndo ñuu nuu xáꞌnda chiñu kiti nǎꞌa náni Satanás. Ni saa va, sundi ndóꞌo̱, ta nda iin kivi köo síndoo ndo ichí i. Kándixa ni ndo yeꞌe. Ni tá xa̱ꞌni na ra Antipas taꞌan ndo, ra ndee ni xi̱ndikun yeꞌe, xaꞌa ya ikán kua xa̱ꞌni na ra. Chi ñuu nuu ndóo ndo ñaa, ta kiti nǎꞌa, kiti Satanás va ku ri xáꞌnda chiñu nuu ya.

1 Corintios 4:12

Ta ndee ni ndee xáa chiñu nde, ndakua kúnaa nde xiꞌin chiñu. Tá távi chiꞌña na ndeꞌe, ta chíkaa nde ya vaꞌa na. Saa tá sítixuꞌvi ni na ndeꞌe, ta xáꞌa ndee ndiꞌi ini nde xaꞌa ya íkan na xiꞌin nde.

Los Hechos 9:13

Saa ndi̱kuiin ra Ananiás ikán káꞌan ra xiꞌin Jesús, káchi ra saa: ―Tata, xa kuaꞌa ni naꞌa ndítuꞌun xaꞌa ra Saulo ya xáa nduvaꞌa ni ra xiꞌin na taꞌan i na ndíkun yóꞌo̱, na ndóo ñuu Jerusalén.

Los Hechos 18:19

Saa tá kuaꞌan na xiꞌin barco ta ndi̱xaa na ñuu Éfeso, ta ikán si̱ndoo ra Pablo yá Priscila xiꞌin ra Aquila. Ñaa ndi̱kiꞌin ra kuaꞌan mií ra veꞌe ñuꞌu sinagoga mi ñuu ikán. Saa ndíkani ra tuꞌun Ndioxi nuu na ndóo ikán.

Los Hechos 18:21

Saa nda̱i ra na, káchi ra saa: ―Xíniñuꞌu kuꞌun i ñuu Jerusalén viko ya vaxi, sundi ná kuꞌun i tá Ndioxi ndi̱kaꞌan, ta ndiko koo tuku i koto i ndóꞌo̱ ―káchi ra xiꞌin na. Saa keta ra ñuu Éfeso kuaꞌan ra xiꞌin barco.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Efesios 1:15

Xaꞌa ya ikán kua tá ku̱ndaa ini i xaꞌa ndo ya ndee ni ndáa ini ndo xíni ndo Tata yo Jesús, ta saa kúꞌvi ni ini ndo xíni ndo na ñuu ra,

Efesios 2:6

Ta si̱taku Ndioxi yoo xiꞌin Jesucristo tañu na ndíi, ñaa ta̱xi ra ichí ndaꞌa yo ya ndi̱kundoo yati yo xiꞌin ra nuu íyo ra ndivi.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 2:13

Ta vitin xaꞌa ya xa iin yuꞌu ndu̱u ndo xiꞌin Cristo yakan köo íyo xíka ka ndo nuu Ndioxi, chi Jesucristo ku ra ndi̱xiꞌi xaꞌa ndo yakan vaꞌa ku̱yati ndo nuu Ndioxi.