2 Timoteo 4:1 - Xochapa Mixteco

¹ Ta ya káꞌan i xiꞌin un ta nuu Iva yo Ndioxi xiꞌin Tata yo Jesucristo, ra kúu rey xáꞌnda chiñu nuu yo kua káꞌan i xiꞌin un, chi mií ra ku ra xaa nani kuachi xiꞌin na táku tin na ndíi. Xaꞌa ya ñaa kua káꞌan i xiꞌin un,

2 Timoteo 4:1 Referans Kwoze

Los Hechos 10:42

Ta ti̱ꞌvi ra ndeꞌe kaꞌan ndoso nde tuꞌun Ndioxi tin ndituꞌun nde xiꞌin na xaꞌa Jesús chi ndaꞌa ra ikán kua ta̱xi Ndioxi ichí ya taxi ra kuachi xaꞌa na íyo kuachi ta saña ra na köo kuachi, saa ikán ra xiꞌin na táku tin na ndíi.

2 Timoteo 4:8

Ta xíni i vaꞌa ni ini Ndioxi ta nina ya ndaa íkan ra xiꞌin naꞌa, chi mií ra ku ra xáa nani kuachi xiꞌin na. Ta saa ikan ra xiꞌin i taxi ra ya vaꞌa ndaꞌa i, tá kuꞌva íkan na xiꞌin naꞌa, na kéꞌe taꞌan níꞌi na ñaꞌa xaꞌa ya vaꞌa íkan na. Kuꞌva saa ikan Ndioxi xiꞌin i, taxi ra ya vaꞌa ndaꞌa i chi xa xa̱a súvi ndiꞌi i chiñu ya ta̱xi ra ndaꞌa i. Ta süvi ndisaa yeꞌe niꞌi ya vaꞌa ikan ra, ndiꞌi na ndíkun ichí ra ta ndátun na ndiko koo ra, na ikán ku na niꞌi ya vaꞌa.

1 Timoteo 5:21

Ta ya káꞌan i xiꞌin un yóꞌó, ta nuu Iva yo Ndioxi xiꞌin nuu Tata yo Jesucristo tin nuu na tatun ra, na ndi̱kaxin ra kua káꞌan i xiꞌin un: Xíkan ni i ya mani nuu un ya xaa súvi un ya káꞌan i xiꞌin un, ta kïꞌin un sata nda iin nda, iin káchi xaa súvi un kuachi xiꞌin ndiꞌi nda.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

Tito 2:13

Saa ná koo yo nani ndátun yo tindaa kivi ya ndee ni chee nuu ndiko koo Tata yo Jesucristo kixi ra ñuu ivi yóꞌó sikaku ra yoo. Chi mií ra ku Ndioxi ra chee ni, ta kusini ni yo xiꞌin ra tá ná ndiko koo ra xiꞌin ndee ya luvi ni yéꞌe̱ kúu mií ra.

1 Pedro 5:4

Saa chi tá ná ndiko koo Tata yo Jesucristo, ra ndáa yoo, ra chee nuu yo, ra íyo tá íyo nda ndáa levo, ta saa kua niꞌi yo iin corona ya ndee ni luvi ta nda iin ichí ndïꞌi xaꞌa ya.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

1 Pedro 4:5

Ta kündiꞌi ini ndo xaꞌa na, chi vaxi kivi ta ndikuaꞌa ndiꞌi na kuenta nuu Iva yo Ndioxi xaꞌa ya väꞌa íkan na, chi mií ra ku ra íyo ichí ndaꞌa, ta xa íyo ndúvi ra ya xaa nani ra kuachi xiꞌin ndiꞌi naꞌa, nuu taxi ra kuachi xaꞌa na táku tin na xa ndi̱xiꞌi.

1 Pedro 1:7

Chi ndiꞌi tindoꞌo ya vaxi nuu ndo, ta tá kuꞌva xíto ndoso na kàà ya oro xiꞌin ñu̱ꞌu̱ iꞌni ni, ya ná nduyéꞌe̱ luvi ya nduu latun ni ka ya. Ta kuꞌva saa íyo ya ndáa ni ini ndo Ndioxi, chi ya ikán kua ndáa yaꞌvi ni ka nuu oro ya ndíꞌi xaꞌa, yakan tá ndóꞌo̱ ndo saa, ta ndïkava ini ndo, chi tá ná ndiko koo Tata yo Jesucristo kixi ra ta vaꞌa ni kaꞌan ra xaꞌa ndo, chinuu vaꞌa ni ra tuꞌun ndo.

2 Tesalonicenses 2:8

saa kua keta túvi taa ra ndee ni nduvaꞌa ikán, ta xáa ra ikan ni ra ya väꞌa. Sundi tá ná ndiko koo Tata yo Jesucristo kixi ra ñuu ivi yóꞌó xiꞌin ndee chee ni kúu mií ra, ta ndisaa xiꞌin loꞌo paꞌa tachi yuꞌu ra kua kaꞌni ra taa nduvaꞌa ikán, sindiꞌi xaꞌa ñaꞌa ra.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

2 Pedro 1:11

Ta saa kusini ni Ndioxi xiꞌin ndo saa kuna koꞌo ra yeꞌe nuu ndo kiꞌvi ndo koo ndo xiꞌin ra ndiꞌi saa tiempo nuu ndivi nuu koo Tata yo Jesucristo ra síkaku yoo kaꞌnda chiñu ra.

San Lucas 23:42

Saa ndi̱kaꞌan ra xiꞌin Jesús, káchi ra saa: ―Tata, ndikaꞌán ini un xaꞌa i tá ná xáa un kaꞌnda chiñu un ―káchi ra xiꞌin Jesús.

San Lucas 19:15

ta saa ni ndi̱niꞌi ra chiñu kuu ra rey, ñaa ndi̱ko koo ra ñuu ra. Tá ndi̱ko koo ra ndi̱xaa ra, ta saa ti̱ꞌvi ra chiñu kuaꞌan nuu nda moso ra ya kuꞌun nda nuu ra. Tá ndi̱xaa nda nuu ra, saa ndi̱ndakan tuꞌun ra nda ndisaa xuꞌun iin nda ndi̱niꞌi nda sata xuꞌun ya si̱ndoo ra xiꞌin nda.

San Lucas 19:12

Ta saa xa̱á Jesús ndítuꞌun ra xiꞌin na káchi ra: ―Saa ndo̱ꞌo iin taa ra kúu mií chiñu ndee ni. Ke̱e ra kuaꞌan ra inka ñuu nuu taꞌnda xaꞌa ra niꞌi ra chiñu nduu ra rey, ta saa ndiko koo ra kaꞌnda chiñu ra nuu na ñuu ra.

El Apocalipsis 1:7

Vaxi kivi ta ndiko koo Tata yo Jesucristo ñuu ivi yóꞌó, kixi ra tañu vi̱kó. Ndiꞌi saa naꞌa kuni xiꞌin nuu na ra kixi ra. Nda naꞌa, na tu̱vi itun íyo kàà xi̱ín nuu, na xa̱a ndu̱vaꞌa ni xiꞌin ra, si̱tikueꞌe ni na ra, ta nda na ikán kuni kixi ra. Ta naꞌa, na ndóo ndiꞌi ni kúu ñaꞌñu ñuu ivi, na köo ndi̱xiin kandixa ñaꞌa, nda na ikán kusuchi ni ini, kuaku ni na tá ná kuni na ra. Saa ná koo.

2 Pedro 1:17

Tá ndi̱kaꞌan Iva yo Ndioxi xiꞌin ra, saa kua ta̱xi ra ya chee ni xiꞌin ya toꞌo ni ndaꞌa ra, ke̱e ya nuu luvi ni káa nuu mií Iva yo Ndioxi, káchi ra saa: “Ra yóꞌó ku Seꞌe mani mií i, ra kúꞌvi ni ini i xíni i, kúsini ni i xiꞌin ra”, káchi Ndioxi.

Colosenses 3:4

Tá ná ndiko koo Jesucristo, ra táxi táku ndo, ta iin káchi nduu ndo xiꞌin ra, saa ndikundixi níí ndo ya vaꞌa, ya luvi ni xiꞌin ra.

2 Timoteo 1:10

Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.

2 Timoteo 4:18

Ta mií Iva yo ku ra sikaku yeꞌe nuu ndiꞌi ñaꞌa väꞌa, saa kuniꞌi ra yeꞌe kuꞌun i xiꞌin ra nuu ndivi nuu xáꞌnda chiñu ra. ¡Saa ná kunuu sukun ni ya toꞌo ra, ndiꞌi saa kivi ya vaxi! Saa ná koo.