2 Timoteo 1:8 - Xochapa Mixteco

⁸ Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

2 Timoteo 1:8 Referans Kwoze

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

San Marcos 8:38

Saa tu na ndíkuáa yeꞌe va, tá tu ndíkuáa na tuꞌun i nuu na ñuu ivi kuachi yóꞌó, ta saa ndikuaa tu yeꞌe, ra xa̱a ñuu ivi yóꞌó va na. Chi tá ná ndiko koo i, ta iin yeyeꞌe koo i kixi i xiꞌin ya yeꞌe Iva i Ndioxi tin na tatun ra ―káchi Jesús xiꞌin na.

2 Timoteo 4:5

Sundi yóꞌo̱, ta kaxin teꞌe ni koo ini un, saa xaꞌa ndee ndiꞌi ini un xiꞌin ya tíxuꞌvi ni un xaꞌa Tata yo Jesucristo, ta ku ïꞌvi un kaꞌan ndoso un tuꞌun vaꞌa xaꞌa ra, saa vívií xaa súvi un chiñu ya ta̱xi Iva yo Ndioxi ndaꞌa un.

El Apocalipsis 12:11

Sundi vitin ta xa ku̱chiñu na nuu ri. Saa chi kiti Levo loꞌo ikán ndi̱taxi ri mií ri xaꞌa na ta nií ri ikán ku rá ta̱xi ndee ndaꞌa na. Ta saa tu tuꞌun ya ndaa, ya ndíkuiin na xaꞌa Tata yo Jesucristo, ta̱xi ya ndee ndaꞌa na. Xaꞌa uvi ndee yóꞌó kua ku̱chiñu na ku̱ndee na nuu kiti nǎꞌa. Ta nda loꞌo köo ndi̱ndiꞌvi na kuvi na, ta̱xi ndiꞌi na mií na ya kuvi na xaꞌa ya kándixa na Ndioxi.

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

San Lucas 9:26

Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra.

2 Timoteo 1:16

Saa káꞌan ni i xiꞌin Iva yo Ndioxi ya ná kundaꞌvi ni ini ra kuni ra na veꞌe ra ñani yo, ra Onesíforo. Chi ndee ni kuaꞌa ichí ndi̱xaꞌa ra ndee xiꞌin i, ta köo ndi̱kukaꞌán nuu ra kuni ra yeꞌe xaꞌa ya ndíkaa i veꞌe kàà yóꞌó.

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.

2 Timoteo 2:3

Ta yóꞌo̱, ta nda tá kuꞌva íyo nda lapa nda köo íꞌvi tixuꞌvi xaꞌa chiñu ya íkan nda, iin kuꞌva saa xíniñuꞌu un koo ndúvi un tixuꞌvi un xaꞌa Tata yo Jesucristo.

1 Tesalonicenses 3:4

Chi tá kivi ndi̱xiyo nde xiꞌin ndo ta ndi̱kaꞌan ni nde xiꞌin ndo ya ndoꞌo ni ndo kivi vaxi, ka̱chi nde xiꞌin ndo, ta saa ndixa ndóꞌo ndo vitin.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Efesios 3:13

Xaꞌa ya ñaa kua xíkan ni i ya mani nuu ndo ya ná ndïko koo ini ndo xaꞌa tindoꞌo ya ndóꞌo i. Nda vaꞌa ka ná kuni ndo xaꞌa ya ndóꞌo i saa, ta ná koo vaꞌa ni ini ndo xaꞌa ya tíxuꞌvi ni i, chi ndóꞌo̱, ta níꞌi ka ndo ya toꞌo xaꞌa ya ndóꞌo i kuꞌva saa.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

Filipenses 4:13

Ta kúchiñu i xáꞌa ndee ini i xiꞌi ndiꞌi ni kúu va ya, chi Cristo ku ra táxi ndee ndaꞌa i yáꞌa i nuu iin iin ya.

ROMANOS 9:33

Tuꞌun Ndioxi ya ta̱a na xinaꞌa, káchi ya saa: Koto ndo chi tiꞌvi i iin taa xaa ra ñuu Jerusalén. Tá íyo yu̱ú ya kákiꞌi xaꞌa naꞌa, saa koo ra. Ta na kóyo nuu yu̱ú ikán, ta ndee ni tixuꞌvi na. Sundi naꞌa na kándixa ra ta ndïko koo ini na xaꞌa ya kándixa na ra, káchi Ndioxi xaꞌa ra.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.

El Apocalipsis 1:2

Ta vitin ndítuꞌun i xiꞌin ndo tuꞌun ya ndaa ya ndíkuíin xaꞌa ndiꞌi ya si̱naꞌa tatun Ndioxi nuu i, ta tuꞌun yóꞌó ku tuꞌun Ndioxi ya ndi̱tuꞌun Tata yo Jesucristo xiꞌin i.

1 Corintios 1:6

Ta ya yóꞌó ku ya vaꞌa ni káꞌan xaꞌa ndo, chi ndee ni vaꞌa ku̱ndaa teꞌe ini ndo xiꞌin tuꞌun ya ndi̱kaꞌan nde xiꞌin ndo xaꞌa Tata yo Jesucristo.

San Juan 19:35

Ta ra ndítuꞌun ya yóꞌó ku iin ra xi̱ni xiꞌin nuu ya, ta ndíkuiin ra xaꞌa ya káꞌan ra ya kúu ya ndaa ni ya ná kandixa tu ndóꞌo̱ va ya káꞌan ra.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

2 Corintios 6:7

ta ndítuꞌun nde tuꞌun ya ndaa xiꞌin na, saa íyo ni mií ndee Ndioxi xiꞌin nde. Ta saa ndee ni vií íyo nde, ta ya yóꞌó kua chíndee ndeꞌe, nda tá káa ndaꞌa chiñu ndíso nde saa káa ya yóꞌó, chi ndáa ni ya ñaꞌñu kuáꞌá nde xiꞌin ñaꞌñu itin nde.

ROMANOS 8:36

Nda tuꞌun Ndioxi ya ta̱a na xinaꞌa, káchi ya saa: Xaꞌa ya kándixa nde yóꞌo̱, Iva yo Ndioxi, ta kúni na kaꞌni na ndeꞌe ndiꞌi saa kivi. Íkan na saa xiꞌin nde tá kuꞌva íkan na xiꞌin iin kiti levo loꞌo, tá ku̱aꞌan ri nuu kuvi ri, káchi tuꞌun Ndioxi.

San Juan 15:27

Ta saa tu ndóꞌo̱ va, ndikuiin ndo xaꞌa i nuu naꞌa, chi ndóꞌo̱ ta nda núnu̱ú xa̱á ndo íyo ndo xiꞌin i ―káchi ra xiꞌin nda.

1 Timoteo 2:6

Saa ta̱xi ra mií ra ndi̱xiꞌi ra xaꞌa kuachi ndiꞌi yo. Ta xaꞌa ya i̱kan ra saa kua cha̱ꞌvi ra xaꞌa yo, ya vaꞌa ku̱chiñu yo ndi̱saña ndika yo nuu kuachi yo. Ta ya yóꞌó ku tuꞌun vaꞌa ya ta̱xi Iva yo Ndioxi ndaꞌa na ñuu ivi yóꞌó, tá kivi chi̱tuni mií ra.

Colosenses 1:11

Ta ná taxi ni ra ndee chee ni ya kúu mií ra ndaꞌa ndo ya ná kuchiñu ndo xaꞌa ndee ni ini ndo xiꞌin ndiꞌi ya uꞌvi ni vaxi nuu ndo.

2 Timoteo 1:10

Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.

2 Timoteo 2:8

Ta nda iin ichí ndi̱ndoso ini un xaꞌa Tata yo Jesucristo, ra ndi̱xiꞌi, ta ndi̱taku ra tañu na ndíi, ra kúu seꞌe sikua ra rey David. Chi xaꞌa mií Tata yo Jesucristo kua káꞌan tuꞌun vaꞌa ya si̱naꞌa i ndiꞌi naꞌa.