2 Timoteo 1:6 - Xochapa Mixteco

⁶ Xaꞌa ya ñaa kua káꞌan i xiꞌin un ya ná kuniñuꞌu ni un ndee vaꞌa ya ta̱xi Tachi I̱í Ndioxi ndaꞌa un tá kivi chi̱nuu ndaꞌa i xi̱ní un. Täxi un ndiꞌi xaꞌa ya.

2 Timoteo 1:6 Referans Kwoze

1 Timoteo 4:14

Ta kuenta ni koo un, ndïndoso ini un xaꞌa ndee vaꞌa ni ta̱xi Ndioxi ndaꞌa un, tá kivi síndikaꞌán mií Tachi ra ini nda ñani yo, nda xikuaꞌa veꞌe ñuꞌu nuu chi̱nuu ndaꞌa nda xi̱ní un.

1 Tesalonicenses 5:19

Käsi ndo nuu Tachi I̱í Ndioxi.

2 Pedro 3:1

Ñani yo xiꞌin kuꞌva yo, ya yóꞌó ku tutu ya uvi táa i xaa ndaꞌa ndo. Ta̱a i uvi saa ya xaa ya ndaꞌa ndo ya ndíkani i nuu ndo ya ná koo vaꞌa ni ya xínituni ndo saa ndikani ndaku ni ini ndo.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.

2 Pedro 1:12

Ta ndóꞌo̱, ta xa xíni ndiꞌi ndo ya yóꞌo̱, ta tuun ni ndíkun ndo ya ndaa ya xa si̱naꞌa na ndóꞌo̱, ni yeꞌe ta ndiꞌi saa ichí síndikaꞌán i ini ndo ya ná ndïndoso ini ndo xaꞌa ya yóꞌó.

Los Hechos 19:6

Ñaa chi̱nuu ndaꞌa ra Pablo xiní nda ikán. Tá i̱kan ra saa xiꞌin nda ta xa̱a Tachi I̱í Ndioxi íyo ya xiꞌin nda. Saa xa̱á nda káꞌan nda inka nuu tuꞌun. Ta káꞌan tu nda tuꞌun yuꞌu Ndioxi va.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

San Lucas 19:13

Tá xa ku̱yati kee ra kuꞌun ra ta ka̱na ra uxi nda xáa chiñu xiꞌin ra. Ta̱xi ra iin xuꞌun nani mina ndaꞌa iin iin nda ta kuaꞌa ni ndáka ya. Ñaa ndi̱kaꞌan ra xiꞌin nda, káchi ra saa: “Ná ndoo xuꞌun yóꞌó xiꞌin ndo ikan ndo lucha xiꞌin ya, ná ndiko koo i saa ndikiꞌin i ya ndaꞌa ndo”, káchi ra xiꞌin nda.

Judas 1:5

Ta yeꞌe ra kúni i sindikaꞌán i ini ndo xaꞌa ya xa xíni vaꞌa ndo xaꞌa: Chi Iva yo Ndioxi ta si̱kaku ra na Israel ñuu Egipto, ta sindiꞌi saa si̱ndiꞌi xaꞌa yaa ra naꞌa, na köo ndi̱xiin kandixa ñaꞌa.

HEBREOS 6:2

Ta saa si̱naꞌa tu na yo ya xíniñuꞌu yo kuchi yo, xiꞌin ya chinuu ndaꞌa yo xi̱ní naꞌa ya kaꞌan yo xaꞌa na xiꞌin Ndioxi, saa si̱naꞌa na yo xaꞌa ya ndítaku naꞌa, na xa ndi̱xiꞌi. Ta si̱naꞌa tu na yo xaꞌa kivi sindiꞌi ya taxi Ndioxi kuachi xaꞌa naꞌa, na köo ndi̱xiin kandixa ñaꞌa.

Los Hechos 6:6

Tá ndiꞌi ndi̱kaxin na nda ikán, ta ndi̱kundaka na nda ndi̱xaa nda xiꞌin na nuu nda apóstol. Saa chi̱nuu ndaꞌa nda sata uxa saa nda, ñaa ndi̱kaꞌan nda xiꞌin Ndioxi xaꞌa nda.