2 Timoteo 1:5 - Xochapa Mixteco

⁵ Ndíkaꞌán ini i xaꞌa un ya ndee ni ndinuꞌu ini un ndáa ini un xíni un Tata yo Jesucristo. Ta xiꞌna nána chee un yá Loida ku yá ndee ni xi̱ndaa ini xíni ra, saa tu nána un yá Eunice va, ta saa tu yóꞌo̱ va.

2 Timoteo 1:5 Referans Kwoze

1 Timoteo 1:5

Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

2 Timoteo 3:15

Ta nda tá loꞌo ví un xa xíni un tuꞌun Ndioxi ya ta̱a na xinaꞌa, ta ya ikán kua kuchiñu xaa ndíchi ni yóꞌo̱. Ta ya ndíchi vaxi nuu Ndioxi kua kuniꞌi yóꞌo̱ kuꞌun un ichí nuu kaku un xaꞌa ya ndáa ni ini un xíni un Tata yo Jesucristo.

ROMANOS 15:14

Ñani yo xiꞌin kuꞌva yo, xíni i ya ndee ni vaꞌa ini ndo, ta xa xíni ni ndo ya ndaa, yakan vaꞌa ni táxi ndo nuu taꞌan ndo.

HEBREOS 6:9

Ñani yo, ndóꞌo̱ ku ndo kúꞌvi ni ini nde xíni nde. Vani ndee ni uꞌvi tuꞌun ya káꞌan nde xiꞌin ndo yóꞌó, sundi ndeꞌe ta xíni nde ya ndee ni vaꞌa ndíkun ndo ichí nuu sikaku ndo mií ndo, chindee ndo mií ndo.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

2 Corintios 6:6

Xaꞌa ya vaꞌa ni íyo nde nuu naꞌa kua sínaꞌa nde mií nde nuu na ya kúu nde taa, nda xáa chiñu nuu Ndioxi, chi íyo ni ya xínituni nde xaꞌa ya xíni nde ya ndaa, ta xáꞌa ndee ni ini nde nuu ndiꞌi ya, ni köo ndíko koo ini nde, vaꞌa ni ini nde xiꞌin naꞌa. Íkan nde saa xaꞌa ya íyo Tachi I̱í Ndioxi xiꞌin nde, ta ndinuꞌu ni ini nde kúꞌvi ini nde xíni nde na,

ROMANOS 8:38

Xíni teꞌe i, ya ndixa kua köo nda iin naꞌa, ni köo nda iin ndee ya kuchiñu xaa xíka yo nuu ya kúꞌvi ni ini Ndioxi xíni ra yoo. Ni ndee ya xáꞌni yoo, ni ya táku yo, ni ndee ya kúu mií na tatun Ndioxi, ni ndee kiti nǎꞌa, nda iin ndee yóꞌó küchiñu ya xaa xíka ya yoo nuu ya kúꞌvi ni ini Ndioxi xíni ra yoo, ni ya uꞌvi ni íyo nuu yo vitin, ni ya uꞌvi ni vaxi nuu yo,

ROMANOS 4:21

Ta ndinuꞌu ni ini ra Abraham ka̱ndixa ra Ndioxi, ya kúu mií ra ndee sixinu ra ya ndi̱kaꞌan ra xiꞌin ra.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

ROMANOS 14:14

Tá kúu yeꞌe, ta xíni i köo ñaꞌa xíxi yo yakua nuu Ndioxi, ya vaꞌa ku ndiꞌi ya. Ta yeꞌe ndíkun Tata yo Jesús ku i ta kúndaa vaꞌa ini i vaꞌa kuxi yo ndiꞌi ya. Sundi tá íyo naꞌa káꞌan, küvi kuxi yo sava ñaꞌa chi ya väꞌa ku ya nuu Ndioxi, káchi na, ta vaꞌa ná küxi na ya, tá tu saa ndíkani ini na.

ROMANOS 14:5

Ta saa ná ndituꞌun tuku i xiꞌin ndo ya kundaa ini ndo: Sava ndóꞌo̱, na taꞌan yo, káꞌan íyo kivi i̱í ni ka ta sava kivi köo i̱í ni ya, káchi ndo. Ta sava tuku ndo káꞌan iin káchi íin ndiꞌi saa kivi, káchi ndo. Xaꞌa ya ikán kua vaꞌa ndikani ini iin iin ndo xaꞌa ya xíniñuꞌu ndo ikan ndo.

Los Hechos 26:26

Yóꞌó íin ra rey Agripa ta kúndaa vaꞌa ini ra xaꞌa ya káꞌan i. Chi köo íyo sêꞌe ya káꞌan i xaꞌa xiꞌin ndo, yakan vaꞌa ndinuꞌu ni ini i káꞌan i xiꞌin ndo ―káchi ra Pablo xiꞌin ra Festo.

San Juan 1:47

Tá xi̱ni Jesús kúyati ra Natanael xaa ra nuu ra, ta saa ndi̱kaꞌan ra xaꞌa ra, káchi ra saa: ―¡Ra vaxi yóꞌo̱ ta mií ra ñuu Israel, ra ndaa ni ini ku ra, ta ni köo ya síki íyo ini ra! ―káchi Jesús xaꞌa ra.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.