Biblia Todo Logo
Bib sou entènèt

- Piblisite -




2 Timoteo 1:1 - Xochapa Mixteco

1 Yeꞌe Pablo, ra ndi̱kaxin Ndioxi xáa chiñu nuu Tata yo Jesucristo ku i, saa chi saa chi̱tuni mií ra ta̱xi ra chiñu yóꞌó ndaꞌa i ya káꞌan ndoso i xiꞌin naꞌa xaꞌa ya ki̱ndoo ra xiꞌin na taxi ra kutaku na tixin Tata yo Jesucristo.

Gade chapit la Kopi




2 Timoteo 1:1
29 Referans Kwoze  

Xaꞌa ya yóꞌó kua ndi̱xiꞌi Jesucristo xaꞌa yo, ta si̱kitaꞌan mani ra yoo ivi yóꞌó xiꞌin Ndioxi, nuu ki̱ndoo ra iin trato ya vaꞌa ni, ya xa̱á xiꞌin yo, ta ikán ku nuu ndo̱o kuachi yo ya i̱kan yo tixin trato ya yata ki̱ndoo Ndioxi xiꞌin yo tá núnu̱ú. Ta vitin kuchiñu niꞌi ndiꞌi yo ya vaꞌa ki̱ndoo Ndioxi taxi ra ndaꞌa yo ka̱na ra kundikun ñaꞌa.


Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.


Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.


Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.


Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.


Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.


Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.


Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.


Tá tu íkan nda saa, ta saa kua ndixa niꞌi nda ya koo nda kutaku nda xiꞌin Ndioxi kivi vaxi, chi ikán kua chívaꞌa nda ya kuika kúu mií nda.


Saa chi mií ra ku ra síxinu ndiꞌi ya ndi̱kaꞌan Ndioxi taxi ra ndaꞌa yo. Xaꞌa ya ñaa kua tá xáa kaꞌnu yo Ndioxi ta káꞌan yo soꞌva: “Saa ná koo”, káchi yo, chi tixin mií Jesucristo kua káꞌan yo saa.


Yeꞌe Pablo xiꞌin ra ñani yo ra Sóstenes, uvi saa nde táa tutu yóꞌó xaa ya nuu ndo. Ta yeꞌe kúu i apóstol, ra ka̱na Tata yo Jesucristo xáa chiñu nuu ra, chi xa saa chi̱tuni mií Ndioxi ikan ra xiꞌin i.


Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.


Tá täꞌan ka kixi Jesucristo, ta ndee ya kúu mií kuachi na ku ya xa̱ꞌnda chiñu nuu na ta xa̱á ya xáꞌni ya na. Sundi vitin ta ndee ni ka ndee ya vaꞌa ta̱xi Ndioxi xáꞌnda chiñu nuu ndiꞌi yo kándixa Jesucristo xaꞌa ya kúꞌvi ni ini ra xíni ra yoo. Nda̱sa vaꞌa Ndioxi yo nuu ra, ndu̱u yo tá íin naꞌa, na köo ka kuachi kúu mií nuu ra, ta saa ta̱xi ra ya kutaku yo xiꞌin ra ndiꞌi saa kivi ya vaxi.


Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.


Chi na yáxi kuñu i tin xíꞌi na nií i ta kuchiñu na kutaku na ndiꞌi saa kivi, ta kivi sindiꞌi sitaku i na ikán.


’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.


Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.


Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.


Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.


Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.


Ta yóꞌo̱, ta xíniñuꞌu un xaa súvi un tuꞌun vaꞌa ya xa si̱naꞌa i yóꞌo̱, tá íyo ya i̱kan i, saa koo ya ikan un, vií koo un, ndǎku koo un. Ta sïndoo un ya ndáa ni un xíni un Ndioxi ni sïndikoo un ya kúꞌvi ni ini un xíni un inka na taꞌan yo xaꞌa ya ndíkun na Tata yo Jesucristo.


Ñani yo Timoteo, yóꞌo̱, ta nda tá íyo seꞌe mií i saa íyo un, yakan káꞌan i xiꞌin un chikaa ni un ndee chi kúꞌvi ni ini Ndioxi xíni ra yóꞌo̱ xaꞌa ya kúu un kuenta Tata yo Jesucristo.


Ta yóꞌo̱, ta nda tá kuꞌva íyo nda lapa nda köo íꞌvi tixuꞌvi xaꞌa chiñu ya íkan nda, iin kuꞌva saa xíniñuꞌu un koo ndúvi un tixuꞌvi un xaꞌa Tata yo Jesucristo.


Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.


Ta nda tá loꞌo ví un xa xíni un tuꞌun Ndioxi ya ta̱a na xinaꞌa, ta ya ikán kua kuchiñu xaa ndíchi ni yóꞌo̱. Ta ya ndíchi vaxi nuu Ndioxi kua kuniꞌi yóꞌo̱ kuꞌun un ichí nuu kaku un xaꞌa ya ndáa ni ini un xíni un Tata yo Jesucristo.


Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.


Swiv nou:

Piblisite


Piblisite