2 Pedro 2:2 - Xochapa Mixteco

² Ta kuaꞌa ni naꞌa ikan taꞌan ñaꞌa väꞌa ya íkan nda ikán, ta xaꞌa ya ikán kua ndikunuu väꞌa ni tuꞌun xaꞌa ichí Ndioxi ya ndaa ni.

2 Pedro 2:2 Referans Kwoze

ROMANOS 2:24

Ndaa ni ndixa káꞌan tuꞌun Ndioxi ya ta̱a na xaꞌa ndo xinaꞌa, chi káꞌan ya: “Xaꞌa ya väꞌa íkan ndóꞌo̱ judío kua, kánaꞌa inka naꞌa, na köo kúu judío xaꞌa Ndioxi”, káchi tuꞌun Ndioxi.

Judas 1:10

Ta saa íkan nda vata ñaa, nda sínaꞌa tuꞌun Ndioxi, chi ni köo íꞌvi nda káꞌan ndikuu nda xaꞌa ñaꞌa ya köo kúndaa ini nda xiꞌin. Tá íkan kiti köo ya xínituni va saa íkan nda chi síndiꞌi xaꞌa nda mií va nda.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

Judas 1:15

ta vaxi ra ya xaa nani ra kuachi xiꞌin ndiꞌi ni kúu na, saa sitixuꞌvi ni ra na xaꞌa ndiꞌi ni kúu ya väꞌa íkan na xiꞌin ndiꞌi ni kúu tuꞌun väꞌa ya ndi̱kaꞌan na xaꞌa Ndioxi”.

2 Pedro 2:15

Chi si̱ndoo nda ichí vaꞌa ya ndaa, ta nda̱ñuꞌu nda kuaꞌan nda ichí taꞌan ya ndi̱xika ra profeta Balam seꞌe ra Beor, chi ra ikán ta ku̱too ni ra chaꞌvi naꞌa ra xaꞌa ya i̱kan ra ya väꞌa.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.

Los Hechos 24:14

Sundi ya ndíkuiin i xaꞌa ku ya yóꞌó: ya ndaa kua ndíkun i ichí Jesús, ta nda yóꞌó táxi nda kuachi xaꞌa i xaꞌa ya ñaa, chi ya vata ku ya, káchi nda. Ta yeꞌe káñuꞌu i Ndioxi tá kuꞌva ka̱ñuꞌu xii sikua i. Saa chi kándixa ndiꞌi i ya káꞌan ley xiꞌin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

Los Hechos 16:17

Saa ndi̱kundikun yá sata nde ta xa̱á yá ndáꞌi koꞌo yá, káchi yá saa: ―Nda xáa chiñu nuu Ndioxi, ra chee, ku nda yóꞌó, ta ndítuꞌun nda xiꞌin ndo ichí xaꞌa Ndioxi nuu kaku ndo ―káchi yá xiꞌin na.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

2 Pedro 2:21

Vaꞌa ni ka va kua tá tu nda iin ichí köo ndi̱kundaa ini na xaꞌa ichí ya ndaa, ndíkuu. Süvi ka vi ya ku̱ndaa ini na xaꞌa ichí ya ndaa, ya i̱í ta̱xi Ndioxi ndaꞌa na, ta ku̱xika na nuu ya.

Tito 2:5

ta ná ndikani vaꞌa ini ná unkua vaꞌa ikan ná, ta ná kuu mií ná nima vaꞌa, saa ná kundàà vií ná veꞌe ná, ta vaꞌa ná koo ini ná, saa ná koo ndúvi ná ikan ná ya vaꞌa xiꞌin i̱í ná, ya ná nïꞌi nda iin naꞌa, na köo kándixa tuꞌun Ndioxi ya kaꞌan väꞌa na xaꞌa tuꞌun ra.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.

Los Hechos 19:9

Ta sava na köo ndi̱xiin kandixa ya káꞌan ra xaꞌa Jesús. Ñaa xa̱á na távi chiꞌña na ichí Jesús nuu ndiꞌi na ñúꞌu ini veꞌe ñuꞌu sinagoga ikán. Saa si̱ndoo ra na ta ndi̱kundaka ra na kándixa Jesús kuaꞌan na xiꞌin ra nda veꞌe escuela iin ra náni Tirano, ta ikán sínaꞌa ra na ndiꞌi saa kivi.

Los Hechos 18:26

Ta ni köo íꞌvi ra káꞌan ra, ndi̱kiꞌvi ra ini veꞌe ñuꞌu sinagoga ñuu Éfeso ikán, ta ndinuni loꞌo káꞌan ra xiꞌin na. Saa xi̱ni soꞌo ra Aquila xiꞌin yá Priscila síꞌi ra ya káꞌan ra Apolos ikán. Ta ñaa ta̱va síin na ra ndi̱kani vaꞌa ka na ichí xaꞌa Ndioxi nuu ra.

Los Hechos 14:2

Ta na judío, na xïin kandixa tuꞌun xaꞌa Jesús ta si̱saa na ini sava na köo kúu judío, ñaa ndi̱saa na xiꞌin na ndíkun ichí Jesús.

Los Hechos 13:10

Ta ndi̱kaꞌan ra xiꞌin ra, káchi ra saa: ―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

San Marcos 12:14

Saa ndi̱xaa nda ndi̱kaꞌan nda xiꞌin ra, káchi nda saa: ―Tata Maestro, xíni nde yóꞌo̱ ta nina ya ndaa káꞌan un, ta köo kíꞌin un kuenta xaꞌa ya káꞌan naꞌa xaꞌa ya sínaꞌa un, ta ni köo ndíkaxin un naꞌa, iin káchi káꞌan un xiꞌin ndiꞌi na. Ta ya ndixa ni kua káꞌan un, chi káꞌan un xiꞌin na ná ikan na ndisaa ya kúni Ndioxi. Ta kaꞌan un xiꞌin nde, ¿án xíniñuꞌu nde kakuꞌun nde xaꞌa xuꞌun ya kuaꞌan ndaꞌa ra rey César ra chiñu ñuu Roma án täxi nde ya? ¿Án vaꞌa chaꞌvi nde ya án chäꞌvi nde ya? ―káchi nda xiꞌin ra.

San Mateo 22:16

Ñaa ti̱ꞌvi nda ikán nda taꞌan nda, nda ítaꞌan xiꞌin nda ñúꞌu xiꞌin partido ra Herodes, saa ndi̱xaa nda nuu Jesús ndi̱kaꞌan nda xiꞌin ra, káchi nda saa: ―Tata Maestro, xíni nde ya káꞌan un ya ndaa. Ta ndinuꞌu ni ini un sínaꞌa un naꞌa xiꞌin ya ndaa xaꞌa ichí Ndioxi. Ta köo xáꞌni un mií un ya káꞌan naꞌa xaꞌa ya sínaꞌa un na, saa chi köo kíꞌin un kuꞌva xiꞌin na tá kuꞌva íin na, iin káchi íkan un xiꞌin ndiꞌi va na.

San Mateo 7:14

Ta táñu ni yeꞌe xiꞌin ichí kuiín ya kuaꞌan nuu kuchiñu koo naꞌa kutaku na xiꞌin Ndioxi, ta loꞌo ni naꞌa níꞌi ichí táñu yóꞌó, ta ndíkun na ya ―káchi Jesús.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

Los Hechos 22:4

Chi̱kaa ni ini i sindiꞌi xaꞌa ndiꞌi i na ndíkun Jesús. Ta xaꞌa ya ikán kua, xa̱á i xáa ndikuu i xiꞌin na. Kuaꞌan i iin iin ñuu tíin i na: taa ku nda ñaꞌa ku ná, ndiꞌi na tíin i kuaꞌan xiꞌin i veꞌe kàà. Ndakua íyo ini i kaꞌni i na, ya ná ndiꞌi xaꞌa na.

2 Pedro 2:7

Sundi ra Lot ta ndikaku va ra i̱kan Ndioxi, iin taa ra vaꞌa ni ndi̱xiyo ra, ta ni köo ndíkundee ka ini ra xaꞌa ya väꞌa i̱kan naꞌa, na väꞌa xi̱ndoo tiempo ndi̱xiyo ra.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

Judas 1:7

Ta saa ndi̱kaꞌán tu ini ndo xaꞌa ya ndo̱ꞌo na ñuu Sodoma xiꞌin na ñuu Gomorra xiꞌin ka ñuu ya xi̱ndoꞌni yati xiꞌin ya. Iin si̱ndiꞌi vaꞌa Ndioxi xaꞌa na chi kini ni i̱kan na, ndi̱xika sií nda taa xiꞌin ná ñaꞌa ta saa i̱kan tu ná ñaꞌa va. Saa ndi̱kiꞌvi nda taa xiꞌin taꞌan mií nda, ta saa i̱kan tu ná ñaꞌa va. Ta yáꞌa ni ndee kundoꞌo na koko na xiꞌin ñu̱ꞌu̱ ndiꞌi saa kivi ya vaxi. Ya yóꞌó sínaꞌa yoo ya ná ïkan yo saa.