2 Corintios 5:7 - Xochapa Mixteco

⁷ Ta vitin táku yo ta ndáa ni ini yo xíni yo ra, ta süvi xaꞌa ya xa xi̱ni xiꞌin nuu yo ra kua ndáa ini yo xíni yo ra.

2 Corintios 5:7 Referans Kwoze

2 Corintios 4:18

Xaꞌa ya ñaa kua köo xíka ini nde xaꞌa ñaꞌa ya vaꞌa xíto xiꞌin nuu yo, chi ya küvi kuni yo ku ya ndáa yaꞌvi ni ka nuu nde. Saa chi ñaꞌa ya xíni xiꞌin nuu yo ta kama ni va ndíꞌi xaꞌa ya, sundi ñaꞌa ya köo xíni xiꞌin nuu yo ta ndiꞌi saa va ichí íyo ya.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

HEBREOS 10:38

Ta naꞌa, na ndása vaꞌa Ndioxi, na köo ka kuachi kúu mií nuu ra, na ikán ku naꞌa, na kutaku xiꞌin ra xaꞌa ya ndee ni ndáa ini na xíni na ra. Sundi tá ná ndiko koo ini na, ta väꞌa mií kuni ra xiꞌin na.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

1 Pedro 5:9

Ndaku ni koo ini ndo, tuun ni kundaa ini ndo Tata yo Jesucristo, täxi ndo keꞌe ri nǎꞌa ndóꞌo̱. Chi tá kuꞌva ndóꞌo ndóꞌo̱, saa ndóꞌo ndiꞌi ni kúu na taꞌan yo, na kándixa Tata yo Jesucristo na ndóo ndiꞌi saa kúu xaꞌa ñuu ivi.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.