2 Corintios 3:5 - Xochapa Mixteco

⁵ Ta köo kúni kaꞌan nde xaꞌa ya ndíchi ni kúu mií nde, yakan vaꞌa ni íkan nde saa chi süvi saa íyo ya. Ndiꞌi ya íkan nde ta nuu mií Ndioxi kua vaxi ndiꞌi ndee ndaꞌa nde ya íkan nde saa.

2 Corintios 3:5 Referans Kwoze

2 Corintios 12:9

Saa ndi̱kaꞌan ra xiꞌin i, káchi ra saa: “Vaꞌa ná kusini ni un, chi köo xíniñuꞌu un ya ñaa, ya kúꞌvi ni ini i xíni yóꞌo̱ kua xíniñuꞌu ni un, saa chi tá ndóꞌo un saa, ta saa kua ndúndee ka un xiꞌin ndee i ya ta̱xi i ndaꞌa un íyo xiꞌin un”, káchi ra xiꞌin i. Yakan vitin ta kúsini ni va i tá kúvita ni ini i, chi saa kua xíni i ya íyo ndee Tata yo Jesucristo xiꞌin i.

Filipenses 4:13

Ta kúchiñu i xáꞌa ndee ini i xiꞌi ndiꞌi ni kúu va ya, chi Cristo ku ra táxi ndee ndaꞌa i yáꞌa i nuu iin iin ya.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

Filipenses 2:13

Saa chi Ndioxi ku ra chíkaa ya vaꞌa ini ndo ya kuni ndo ikan ndo ya vaꞌa, ta suvi ra chíndee ndóꞌo̱ ya xaa súvi ndo ya kúni mií ra.

San Juan 15:5

’Yeꞌe ku itun uva chee, ta ndóꞌo̱ ku teꞌe ndaꞌa nu. Na ítaꞌan tuun xiꞌin i ta koo tuun tu yeꞌe xiꞌin na, ta kuaꞌa ni ya vaꞌa ikan na xáa saa. Chi tá tu köo ítaꞌan tuun na xiꞌin i, ta nda iin ñaꞌa küchiñu na ikan na.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.

1 Corintios 3:6

Yeꞌe ra, tá íkan iin ra chíꞌi, saa i̱kan i xiꞌin ndo, chi̱ꞌi i tuꞌun Ndioxi nima ndo. Ta ra Apolos ku ra káa, tá káa ra kóso tuꞌun Ndioxi nima ndo. Sundi mií Ndioxi ku ra táxi xáꞌnu ya.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

2 Corintios 4:7

Tuꞌun vaꞌa xaꞌa Jesucristo ta tá káa íin ya kuika saa íin ya. Ta ndiꞌi yo kándixa tuꞌun yóꞌó tá íin kisi ñuꞌú ya ñúꞌu ya kuika ikán saa íin yo. Yakan vaꞌa xíto inka naꞌa ndee ya íyo xiꞌin yo ta nuu Ndioxi vaxi ya, süvi nuu mií yo vaxi ya.

1 Corintios 3:10

Ta yeꞌe, Ndioxi ku ra i̱kan ya mani xiꞌin i ta̱xi ra ichí ndaꞌa i ya koo i tá káa iin ra xíni, ra ndíso chiñu síkuaꞌa veꞌe, saa káa i, táva i yu̱ú xaꞌa ya, ta inka ku nda síkuaꞌa ya. Ta nda síkuaꞌa veꞌe nuu ta̱va i yu̱ú xaꞌa, ta ndee ni xíniñuꞌu nda kiꞌin vaꞌa nda kuenta ndá kuꞌva síkuaꞌa nda ya.

2 Corintios 2:16

Ta nuu naꞌa, na kuaꞌan ichí nuu ndiꞌi xaꞌa na, tá íin xi̱ko̱ na ndíi va, saa íin xi̱ko̱ nde nuu na. Ta nuu naꞌa, na kuaꞌan ichí nuu kaku na, tá íin xi̱ko̱ na táku xáꞌan támi, saa íin xi̱ko̱ nde nuu na. Ta köo naꞌa kuchiñu xaa súvi vi chiñu yóꞌó tá tu süvi Ndioxi ku ra tíꞌvi na kuaꞌan na. Chi ndee ni va chiñu ku mií ya.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

ROMANOS 15:18

Süvi xaꞌa ya íkan mií i kua ndítuꞌun i xaꞌa xiꞌin ndo, chi xaꞌa ya íkan Jesucristo chíndee ra yeꞌe ndítuꞌun i xaꞌa ra xiꞌin naꞌa, na köo kúu judío, ya ná kuni soꞌo na tuꞌun ra, ta xaa súvi na ya kúni Ndioxi. Ta xa xáa súvi na ya káꞌan i xiꞌin na, ta süvi ndisaa ya káꞌan i xiꞌin na kua íkan na saa, chi xíto tu na ya íkan i xiꞌin va na, yakan vaꞌa xáa súvi na ya káꞌan Ndioxi.

2 Timoteo 2:2

Taꞌan ya xi̱ni soꞌo un ndi̱kaꞌan i tá si̱naꞌa i kuaꞌa ni naꞌa, taꞌan ya ikán kua xíniñuꞌu un sinaꞌa un ñani yo nda ndinuꞌu ni ndíkun Tata yo Jesucristo ta saa ná koo ya sinaꞌa nda inka naꞌa.