2 Corintios 11:3 - Xochapa Mixteco

³ Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Corintios 11:3 Referans Kwoze

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Colosenses 2:4

Ndítuꞌun ndiꞌi i ya yóꞌó xiꞌin ndo ya ná täxi ndo sindaꞌvi ndá ka naꞌa ndóꞌo̱ xiꞌin tuꞌun vata ya sixinu na ini ndo.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

1 Timoteo 2:14

Ta köo ndi̱sindaꞌvi kiti nǎꞌa ra Adán, chi mií yá ñaꞌa kua si̱ndaꞌvi ri, saa ndi̱kava yá nuu kuachi.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

2 Pedro 3:17

Ñani mani, ndóꞌo̱ ta xa kúndaa va ini ndo xaꞌa ya kuu, yakan kuenta ni koo ndo täxi ndo sindaꞌvi nda väꞌa ñaa ndóꞌo̱ ya kuꞌun ndo ichí väꞌa nuu nduvita ini ndo, ta kündikun tuun ka ndo Tata yo Jesucristo.

Gálatas 4:11

Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Pedro 3:3

Ya núnu̱ú xíniñuꞌu ni ndo kuñuꞌu ini ndo ku ya yóꞌó, ndá kuꞌva koo tá xa ku̱yati vaxi kivi sindiꞌi, chi kivi ikán kua koo kuaꞌa ni naꞌa, na ndikani ini ndisaa xaꞌa ya väꞌa, ya kútoo ni mií ikin kuñu na ikan na, ta na ikán ta kuaku ndaa na ndóꞌo̱.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

Tito 1:10

Saa chi íyo kuaꞌa ni nda köo xíin kandixa, ta ndá yokan tuꞌun ya íin ya köo káꞌan nda, saa síndaꞌvi nda naꞌa kuakiꞌvi na ichí väꞌa xaꞌa tuꞌun ya káꞌan nda xiꞌin na. Ta nda íkan saa ku sava nda ñúꞌu tañu ndo ñaa, chi káꞌan nda ya xíniñuꞌu ndiꞌi naꞌa ndikunuu tuni Ndioxi na, saa kua ndikuiso vaꞌa ra na, káchi nda.

1 Timoteo 1:3

Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.

Colosenses 2:18

Ta täxi ndo sindaꞌvi naꞌa ndóꞌo̱, na káꞌan ya ndee ni vaꞌa xáa toꞌo na Ndioxi, káchi na. Saa chínuu vaꞌa ni na tuꞌun na, ta ndása ni̱nu̱ na mií na nuu naꞌa, ta xáa kaꞌnu ni na tatun Ndioxi. Saa káꞌan na ya sítuvi Ndioxi nuu na ta kúni na ná ikan ndo tá kuꞌva íkan mií na, ta ya ndáku ini mií va na kua káꞌan na saa. Sundi ndóꞌo̱, ta küni soꞌo ndo ya káꞌan na xiꞌin ndo, täxi ndo sindaꞌvi na ndóꞌo̱, chi ni süvi ya ndaa loꞌo kua káꞌan na xiꞌin ndo. Ndisaa kuiti ya kána koo xi̱ní mií na kua káꞌan na xiꞌin ndo.

2 Corintios 11:29

Tá ndá naꞌa ndúvita ini ta nda yeꞌe ndúvita ini xiꞌin na, tá ndá na síndikava inka naꞌa nuu kuachi, ta ndee ni sáa ini i xíni i na íkan saa.

ROMANOS 12:8

Ta sava tuku yo ndi̱niꞌi taꞌvi xaꞌa yo ndee xiꞌin naꞌa, ta kuꞌva saa ná ikan yo xiꞌin na. Tá sava tuku yo ndi̱niꞌi taꞌvi ya siniꞌi yo ñaꞌa nuu inka na, ta kuꞌva saa ná ikan yo xiꞌin na, ná ikan yo ya xiꞌin ndinuꞌu nima yo. Tá sava tu yo ndi̱niꞌi taꞌvi ya kunuu yo nuu naꞌa, ta kuꞌva saa ná ikan yo xiꞌin na, ndinuꞌu ini yo ná ikan yo saa. Tá sava tuku yo ndi̱niꞌi taꞌvi ya kundaꞌvi ni ini yo kuni yo naꞌa, ta kuꞌva saa ná kundaꞌvi ni ini yo ikan yo saa xiꞌin na ta ná kusini ni yo.

El Apocalipsis 20:2

Saa ti̱in tatun ikán kiti ko̱ó nǎꞌa, ri kúu ko̱ó yata. Ri ikán ku kiti nǎꞌa ri ínuu nuu ndiꞌi tachi nduvaꞌa, ta Satanás ku kivi ri ikán. Saa ka̱tun tatun ri xiꞌin cadena níꞌi ya, ya kunuꞌni ri iin mil kuiya.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

Efesios 4:22

Xaꞌa ya ñaa kua köo ka ndo tá kuꞌva ndi̱xiyo ndo yachi. Vaꞌa sindoo ndaꞌa ndo kuꞌva yata ya ndi̱xiyo ndo, chi ya ikán ta kúni ya sindaꞌvi ya ndóꞌo̱ ya xaa súvi ndo ya kúni mií ya.

El Apocalipsis 12:15

Saa xa̱á kiti ko̱ó nǎꞌa ikán táva ri tikuii yuꞌu ri, tá káa nduta tañuꞌu saa káa rá xáta ri sata yá. Íkan ri saa xiꞌin yá ya kúni ri tani yá xiꞌin nduta tañuꞌu ikán.