2 Corintios 1:19 - Xochapa Mixteco

¹⁹ Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

2 Corintios 1:19 Referans Kwoze

HEBREOS 13:8

Chi Jesucristo, ta köo ndísama ra, tá ndi̱xiyo ra xinaꞌa saa íyo ra vitin, ta saa koo ra ndiꞌi saa kivi ya vaxi.

El Apocalipsis 1:17

Tá xi̱ni i ra, ta ndakua kuaꞌan nima i, iin saa ndi̱kava i kuaꞌan i xaꞌa ra. Tá káa ra ndi̱xiꞌi saa ndu̱u i. Ñaa chi̱nuu ndaꞌa ra sata i, ta ndi̱kaꞌan ra xiꞌin i, káchi ra saa: ―Ku ïꞌvi un, saa chi yeꞌe, ta táku i nda kivi núnu̱ú, iin saa kutaku i nda kivi sindiꞌi.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

El Apocalipsis 2:18

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun, ya ndáa naꞌa, na kándixa yeꞌe, na ndóo ñuu Tiatira, na xáa kaꞌnu Ndioxi. Yeꞌe ku taa ra káꞌan xiꞌin ndo, yeꞌe ku Seꞌe Ndioxi, ta yéꞌe̱ ni nduchi nuu i nda tá kuva yéꞌe̱ ñu̱ꞌu̱ ya xíxi, saa yéꞌe̱ ya. Ta xaꞌa i yéꞌe̱ ya tá kuꞌva yéꞌe̱ kàà ya yáꞌa tá sikan ndíyakun na ya, ndúyeꞌe ni ya, saa yéꞌe̱ xaꞌa i. Ta káꞌan i xiꞌin ndo tuꞌun yóꞌó:

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.

El Apocalipsis 1:8

Ta Tata, Iva yo Ndioxi, ra ndee ni ka chee nuu ndiꞌi ñaꞌa ya íyo ñuu ivi yóꞌó xiꞌin nuu ndivi, káchi ra saa: Yeꞌe náni i “Alfa xiꞌin Omega,” chi yeꞌe ku ra núnu̱ú ta yeꞌe ku ra si̱ndiꞌi. Ta yeꞌe ku ra táku vitin, ra xa íyo nda tá yachi ku i, ta ndiko koo tuku i kixi i ―kachi Tata yo.

Los Hechos 18:5

Saa tá ndi̱xaa ra Silas xiꞌin ra Timoteo ñuu macedonia ta chiñu nuu ra Pablo kua xíka ra káꞌan ndoso ra tuꞌun Ndioxi. Vitin taan káꞌan ra xiꞌin na judío xaꞌa Jesús ya kúu ra Cristo.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

2 Pedro 1:17

Tá ndi̱kaꞌan Iva yo Ndioxi xiꞌin ra, saa kua ta̱xi ra ya chee ni xiꞌin ya toꞌo ni ndaꞌa ra, ke̱e ya nuu luvi ni káa nuu mií Iva yo Ndioxi, káchi ra saa: “Ra yóꞌó ku Seꞌe mani mií i, ra kúꞌvi ni ini i xíni i, kúsini ni i xiꞌin ra”, káchi Ndioxi.

HEBREOS 1:11

Ta ya íyo ñuu ivi yóꞌó ta vaxi tiempo ndiꞌi xaꞌa yaa ya, tá kuꞌva ndíꞌi xaꞌa toto tá kúyata ya, saa ndiꞌi xaꞌa ya. Sundi yóꞌo̱, ta nda iin tiempo ndïꞌi xaꞌa un.

Los Hechos 15:22

Saa ndi̱xinu ini nda apóstol xiꞌin na xikuaꞌa tin ndiꞌi ka na ndíkun Jesús, ñaa ndi̱kaxin nda sava nda taꞌan nda ya kuꞌun nda xiꞌin ra Pablo tin ra Bernabé ndaka nda tutu ikán ndaꞌa na köo kúu judío ndóo ñuu Antioquía. Ta nda ndi̱kaxin na ikán ku ra Judas, ra káꞌan na xiꞌin Barsabás, xiꞌin inka ra Silas. Nda kúnaꞌnu nuu na ndíkun Jesús ku nda ikán.

Los Hechos 9:20

Ta saa ndikun xa̱á ra káꞌan ndoso ra xaꞌa Cristo ini veꞌe ñuꞌu sinagoga mi ñuu Damasco ikán, káꞌan ndoso ra xaꞌa ra ya kúu ra Seꞌe Ndioxi ―káchi ra xiꞌin na.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 19:7

Saa ndi̱kuiin na judío káchi na saa: ―Ndeꞌe ta kúu mií nde ley nuu káꞌan ya kuvi ra, saa chi káꞌan ra xaꞌa ra ya kúu ra Seꞌe Ndioxi káchi ra ―káchi na xiꞌin ra Pilato.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 1:34

Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Lucas 1:35

Saa ndi̱kuiin tatun Ndioxi, káchi ya saa: ―Käka ini un chi mií Tachi I̱í Ndioxi ku ya kixi sata un, tá káa vikó saa koo ndee Ndioxi ra Chee ni kixi ya ndikasi ya yóꞌo̱, ñaa kee mií seꞌe un. Yakan kua koo ra, ra i̱í, saa kunani ra Seꞌe Ndioxi.

San Marcos 1:1

Soꞌva kua ku̱u tá ndi̱tuvi tuꞌun vaꞌa xaꞌa Tata yo Jesucristo, ra kúu Seꞌe Ndioxi ra ti̱ꞌvi Ndioxi vaxi sikaku na ñuu ivi.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

1 Tesalonicenses 1:1

Yeꞌe Pablo xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndiꞌi ndóꞌo̱ ñani yo xiꞌin kuꞌva yo, na veꞌe ñuꞌu ndóo ñuu Tesalónica. Káꞌan ndioxi nde xiꞌin ndiꞌi ndo. Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ra koo vaꞌa ni ini ndo.

2 Tesalonicenses 1:1

Yeꞌe Pablo, xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndóꞌo̱, na veꞌe ñuꞌu, na ndóo ñuu Tesalónica nuu káꞌan ndioxi nde xiꞌin ndo. Chi xa iin ku ndo xiꞌin Iva yo Ndioxi tin Tata yo Jesucristo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.