2 Corintios 1:15 - Xochapa Mixteco

¹⁵ Ta xaꞌa ya ndáa ni ini i ya kuchiñu ndo kundaa ini ndo xiꞌin ya ndi̱kaꞌan i xiꞌin ndo, yakan ndi̱kani ini i xaa i koto i ndóꞌo̱, ta vaꞌa ni kee ndo, chi uvi ichí vi xaa i nuu ndo.

2 Corintios 1:15 Referans Kwoze

1 Corintios 4:19

Sundi tá Ndioxi ná kachi, ta kama ni va xaa i koto i ndóꞌo̱. Ta saa kundaa ini i xaꞌa nda taꞌan ndo, nda ndee ni kútai ini xíka sínaꞌa, tá tu ya ndixa kua nde ni íyo ndee Ndioxi xiꞌin nda, án sana xiꞌin tuꞌun mií ya kána koo xi̱ní mií va nda kua káꞌan nda.

ROMANOS 1:11

Saa chi yeꞌe ta kúni i xaa i koto i ndóꞌo̱ ya ndituꞌun i xiꞌin ndo xaꞌa ya ndikiꞌin ndo ndee vaꞌa ya vaxi nuu Ndioxi, ya taxi ka ya ndee ndaꞌa ndo kandixa ni ka ndo Jesucristo.

ROMANOS 15:29

Ta ya ndaa kua, tá ná xaa i nuu ndo ñuu Roma, saa ndi̱tuꞌun ni i xiꞌin ndo xaꞌa ya vaꞌa, ya ndi̱niꞌi yo nuu Jesucristo.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

San Mateo 1:19

Ta ra vaꞌa, ra toꞌo ini ku ra José, ra kúni tindaꞌa xiꞌin yá, xaꞌa ya ikán kua köo ndi̱xiin ra kata ra tuꞌun xaꞌa yá nuu ndiꞌi na, vaꞌa ka ndi̱kani ini ra sindoo sěꞌe ra yá.

1 Corintios 16:7

Ta köo kúni i yaꞌa xaa i nuu ndo vitin, yakan tá ná kunaꞌa i saa xaa i koto i ndóꞌo̱, chi kúni i kuachi loꞌo i xiꞌin ndo, tá Ndioxi ná kachi.

2 Corintios 12:14

Ta vitin ta xa íyo ndúvi tuku i xaa i koto i ndóꞌo̱ ichí uni. Ta köo kúni i sindiꞌi i ini ndo ya chindee taꞌan ndo xiꞌin i. Chi yeꞌe, ta köo ndúku i ñaꞌa ya kúu mií ndo nuu ndo, mií va ndo ku ndo ndíꞌi ini i xaꞌa. Chi na iva siꞌí va ku na xíniñuꞌu nduku xuꞌun ya kuniñuꞌu na vali seꞌe na, ta süvi seꞌe vali na ku na xíniñuꞌu nduku xuꞌun xaꞌa iva siꞌí na.