2 Corintios 1:12 - Xochapa Mixteco

¹² Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 1:12 Referans Kwoze

1 Corintios 2:13

Sundi ndeꞌe, ta ndítuꞌun nde xaꞌa ya ndíchi xiꞌin naꞌa, ta ya sínaꞌa Tachi I̱í ra ndeꞌe kua ndítuꞌun nde xaꞌa xiꞌin na. Ta süvi taꞌan tuꞌun ndíchi ya íyo xi̱ní na ñuu ivi yóꞌó kua ndítuꞌun nde xiꞌin na. Xiꞌin tuꞌun ndíchi, ya vaꞌa ke̱e nuu ndivi kua ndíkani nde xaꞌa ñaꞌa ya vaꞌa, ya ke̱e nuu ndivi xiꞌin na.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

1 Tesalonicenses 2:10

Ta mií ndo ku ndo ndíkuiin xaꞌa nde xiꞌin Ndioxi, chi tá kivi ndi̱xiyo nde xiꞌin ndo ta vívií ni va ndi̱xiyo nde xiꞌin ndo, tá kuꞌva íyo naꞌa, na i̱í ini, na nda̱a̱ ni ini, na ndǎku ini, kuꞌva saa ndi̱xiyo nde xiꞌin ndo.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.

HEBREOS 13:18

Ta kaꞌan ni ndo xaꞌa ndeꞌe xiꞌin Ndioxi, saa chi xíni nde ya íyo vaꞌa ya xínituni nde nuu ra, ta ndisaa ya vaꞌa kúni nde ikan nde nuu ra.

2 Corintios 8:8

Ta ya káꞌan i xiꞌin ndo kuꞌva soꞌva, ta süvi yeꞌe xáꞌnda chiñu ku i nuu ndo, káꞌan i xiꞌin ndo saa ya kúni i ná kuni ndo ndá kuꞌva íyo ndúvi inka na taꞌan yo ya chindee taꞌan na xiꞌin na taꞌan yo, na ndaꞌvi. Ta kuꞌva saa kúni i ná ikan ndo tá kuꞌva íkan na taꞌan yo ikán. Saa kua vaꞌa sinaꞌa ndo mií ndo nuu na ya ndixa kua kúꞌvi ni ini ndo xíni ndo na.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

Los Hechos 23:1

Saa ndi̱koto ra Pablo nuu ndiꞌi na xikuaꞌa ndóo ikán, ta ndi̱kaꞌan ra xiꞌin na, káchi ra saa: ―Na taꞌan yo, nda kivi vitin ta íyo vaꞌa ni va ya xínituni i nuu Ndioxi ―káchi ra xiꞌin na.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Timoteo 1:5

Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

Filipenses 1:10

Ta saa kuchiñu ndo ndikaxin ndo ikan ndo nina ya vaꞌa, ya ndee ni ndáa yaꞌvi nuu Ndioxi, ta kivi ná ndiko koo Jesucristo ta nditaꞌan ra ndóꞌo̱ ya íyo vií ni ndo nuu ra, ta köo kuachi kúu mií ndo.

Efesios 6:14

Yakan tuun ni kundikun ndo ichí Ndioxi, ikan ndo tá kuꞌva íkan nda lapa ndíkaa tuun ñií toko nda nuu ndíkaa i̱chi nda, ta kuꞌva saa xíniñuꞌu ndo koo ndúvi ndo xiꞌin ya ndaa. Saa tu tá kuꞌva ndáa nda lapa kándika nda xiꞌin kàà ya ndási kándika nda, ta kuꞌva saa xíniñuꞌu ndo koo ndo xiꞌin ya vaꞌa, ya ndaa, ya ná sïtikueꞌe kiti nǎꞌa ndóꞌo̱.

Gálatas 6:4

Ta koto ndoso ndo mií ndo xaꞌa ñaꞌa íkan ndo, saa kusini ni ndo xiꞌin ya íkan ndo. Tá tu vaꞌa ni ka íkan ndo ndá ka chiñu túvi ndo, ta käꞌan ndo xaꞌa ya íkan inka naꞌa.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Corintios 1:17

Ta ¿án ndíkani ini ndo ya köo ndi̱kiꞌin vaꞌa i kuenta tá kivi ndi̱kani ini i xaa i koto i ndóꞌo̱, túvi ndo? ¿Án xíka ini ndo xaꞌa i ya uvi yuꞌu i, ta íkan i tá íkan na ñuu ivi yóꞌó, tá káꞌan na: “vaꞌa va”, káchi na, ta iin naꞌa loꞌo ta xa káꞌan tuku na “küvi vi”, káchi tuku na. Sundi yeꞌe, ta köo ndi̱kan i saa xiꞌin ndo.

1 Corintios 5:8

Yakan kua xíniñuꞌu yo sindoo yo ndiꞌi ya väꞌa ikán yo, saa koo yo tá kuꞌva kúni mií Ndioxi, nduu yo tá íin naꞌa, na ndixa ni ndaa ini, na ndǎku ini. Tá ná ikan yo saa kua nduu yo tá íin naꞌa, na táva viko pascua nuu xíxi na xita vaꞌa ya köo uxan iya yata xiꞌin, chi uxan iya yata kua káa tá káa ndiꞌi nuu kuachi ya kini ni káa.

1 Corintios 4:4

Sundi yeꞌe ta kúndaa teꞌe ini i ya köo ñaꞌa väꞌa ndi̱kan i túvi i, ta ni küvi kaꞌan tu i ya köo kuachi i, chi mií Ndioxi ku ra xíni vaꞌa xaꞌa i, ya xaa nani ra kuachi i.

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.

Tito 2:7

Tá kuꞌva kúni un ikan nda ñani yo, kuꞌva saa xíniñuꞌu un vívií koo un nuu na ya ná kuni na ikán na tá íkan un. Tá sínaꞌa un na ñani yo ta ndinuꞌu ni ini un sinaꞌa un na, toꞌo ndituꞌun un tuꞌun ya ndaa xiꞌin na.

1 Corintios 1:17

Ta vaꞌa ná kundaa ini ndo chi Cristo ta köo ndi̱tiꞌvi ra yeꞌe ya sikuchi i naꞌa. Sundi ti̱ꞌvi ra yeꞌe ya kaꞌan ndoso i tuꞌun vaꞌa xaꞌa ra xiꞌin na ivi, ya kuchiñu na kaku na. Ta köo ndíkaꞌan i xiꞌin na xiꞌin tuꞌun ndíchi ni, ya ná sïndiꞌi xaꞌa i ndee, ya ná chïkaa ni̱nu̱ ni i ya ndi̱xiꞌi Cristo ndaꞌa cruzin.

1 Corintios 12:8

Saa chi táxi Tachi I̱í Ndioxi ya vaꞌa ndaꞌa sava na, ya kúchiñu na kúndaa ini na xiꞌin tuꞌun ya ndee ni ndíchi, ta sava tuku na ndee ni íyo ya xínituni na, ndíchi ka vi íyo ya káꞌan na.