1 Timoteo 6:6 - Xochapa Mixteco

⁶ Chi ya ndixa kua vaꞌa ni kée yo xaꞌa ya ndíkun yo Tata yo Jesucristo, tá tu íyo vaꞌa ni ini yo xiꞌin ndisaa ñaꞌa ya xa kúu mií yo, ta köo xíka ka ini yo koo ni ka ñaꞌa yo.

1 Timoteo 6:6 Referans Kwoze

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.

1 Timoteo 6:8

Yakan kua ná kusini ni yo tá íyo ñaꞌa xíxi yo tin íyo toto ndíxi yo, ya xa vaꞌa ni kua ñaa va.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

Filipenses 1:21

Chi tá tu táku i, ta xaꞌa ya xaa súvi i chiñu nuu mií Cristo kua táku i, án tá yeꞌe ndi̱xiꞌi ku i, ta vaꞌa ni ka kée va i.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

San Lucas 3:14

Ta saa ndi̱xaa tu sava nda lapa va, ndi̱ndakan tuꞌun ñaꞌa nda, káchi nda saa: ―¿Ta ndeꞌe, unkua xíniñuꞌu nde ikan nde? ―káchi nda xiꞌin ra. Saa ndi̱kuiin ra, káchi ra saa: ―Sïkuiꞌna ndo ñaꞌa na, ni sïꞌvi ndo na, täxi ndo kuachi siki xaꞌa na, kindoo ini ndo xiꞌin yaꞌvi ndo ―káchi ra xiꞌin nda.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

San Lucas 12:15

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.