1 Timoteo 6:5 - Xochapa Mixteco

⁵ ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

1 Timoteo 6:5 Referans Kwoze

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.

Tito 1:11

Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

2 Timoteo 3:8

Ta nda vata ñaa, ta tá kuꞌva ndi̱xiyo ra Janes xiꞌin ra Jambres xinaꞌa, saa íkan nda, chi saa i̱kan nda ikán, ke̱ꞌe taꞌan nda xiꞌin ra Moisés. Ta kuꞌva saa íkan nda vata ñaa, süvi ya ndaa kua káꞌan nda nda ndu̱chiꞌña ya xínituni ku nda yakan ni köo ndáa ka ini nda xíni nda Tata yo Jesucristo.

1 Timoteo 6:6

Chi ya ndixa kua vaꞌa ni kée yo xaꞌa ya ndíkun yo Tata yo Jesucristo, tá tu íyo vaꞌa ni ini yo xiꞌin ndisaa ñaꞌa ya xa kúu mií yo, ta köo xíka ka ini yo koo ni ka ñaꞌa yo.

1 Timoteo 3:3

Ta ná kuu nda taa, nda köo kútoo kaka koꞌo ndixi, ni küvi sa̱á kama ni nda án kanitaꞌan nda xiꞌin naꞌa, xíniñuꞌu nda kaꞌnu ni koo ini nda, ná sïkuaꞌa nda kuachi xiꞌin naꞌa, saa ná kütoo ni nda xuꞌun.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 12:33

Saa ndi̱kaꞌan tuku Jesús xiꞌin na, káchi ra saa: ―Tá íyo itun vaꞌa, ta kuiꞌi vaꞌa kúun ndaꞌa nu. Tá tu íyo itun väꞌa, ta kuiꞌi väꞌa kúun ndaꞌa nu. Ya kuchiñu yo kundaa ini yo án nu vaꞌa ku nu án nu väꞌa ku nu, ta vaꞌa kiꞌin yo kuenta xaꞌa kuiꞌi kúun ndaꞌa nu.

1 Timoteo 1:6

Chi sava na ta xaꞌa ya köo ndi̱xiin na xaa súvi na ndiꞌi ya yóꞌó, yakan ku̱xika na ta saa xa̱á na ndítuꞌun na ndisaa xaꞌa ñaꞌa ya köo ndáa yaꞌvi.

El Apocalipsis 18:3

Ta ndiꞌi na inka ñuu, si̱kuaꞌa na ya kini ni tá kuꞌva íkan na ñuu Babilonia. Tá íin naꞌa na xíꞌi ni vinu ta síxini rá na, saa íin na ñuu ikán. Chi nduta vino rá xíꞌi ni na ku ya káꞌan xaꞌa ndiꞌi nuu ya väꞌa, ya kini ni íkan na ta kúsini ni na xiꞌin ya íkan na. Chi na ñuu Babilonia ta táa sii na inka naꞌa ya ikan na ya väꞌa íkan na. Saa ndiꞌi nda rey ñuu ivi, iin ndi̱kitaꞌan yuꞌu nda xiꞌin na íkan taꞌan ya väꞌa íkan na ñuu ivi. Saa na xíko ñaꞌa nuu na ñuu Babilonia ndu̱kuika ni na xaꞌa ya ndee ni kuaꞌa ya savi kúu mií na ñuu Babilonia, káchi tatun ikán xiꞌin i.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.

2 Pedro 2:15

Chi si̱ndoo nda ichí vaꞌa ya ndaa, ta nda̱ñuꞌu nda kuaꞌan nda ichí taꞌan ya ndi̱xika ra profeta Balam seꞌe ra Beor, chi ra ikán ta ku̱too ni ra chaꞌvi naꞌa ra xaꞌa ya i̱kan ra ya väꞌa.

1 Timoteo 3:8

Ta saa tu nda chíndee taꞌan xiꞌin na ínuu nuu na veꞌe ñuꞌu, xíniñuꞌu nda koo nda taa nda ínuu vaꞌa tuꞌun xaꞌa, ta ná sixinu nda tuꞌun ya káꞌan nda, saa ná kuu nda taa nda köo kútoo kaka koꞌo ndixi, ta ná sïndaꞌvi nda naꞌa xiꞌin ya vata, tava nda xuꞌun ndaꞌa na.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.

San Mateo 21:13

Saa ndi̱kaꞌan ra xiꞌin ndiꞌi na, káchi ra saa: ―Soꞌva káchi tuꞌun Ndioxi ya ta̱a na xinaꞌa: “Veꞌe i ta kunani ya veꞌe nuu kuꞌun naꞌa kaꞌan na xiꞌin i”, káchi tuꞌun Ndioxi. Ta ndóꞌo̱ ta väꞌa íkan ndo, chi ndása ndo ya tá káa iin kava nuu ndíkitaꞌan na kuiꞌna, saa ndása ndo ya ―káchi Jesús xiꞌin na.

El Apocalipsis 18:13

Ni köo ka na sata kuaꞌa canela, ni iku ya yaꞌvi ni ya támi xáꞌan, ni na sata xuxa vaꞌa síchoꞌma na, án xuxa itun, án nduta támi ni xáꞌan án nduta vino, án ceite, án ita harina, xiꞌin trigo, ni sindiki, ni levo, ni kuai, ni itun carreta, ni na xáa chiñu nuu na, köo ka naꞌa sata ñaꞌa.

1 Corintios 11:16

Tá ndá na kúni sikuaꞌa kuachi xaꞌa ya yóꞌó, ta xíniñuꞌu na kundaa ini na ya ñaa kua sínaꞌa i naꞌa ndiꞌi ni kúu veꞌe ñuꞌu, ta kuꞌva saa kua kándixa ndiꞌi va na.

1 Timoteo 4:7

Ta küni soꞌo un kuento vata, ya köo ndáa yaꞌvi ndítuꞌun naꞌa. Ya vaꞌa ni kua xaꞌa ni un ndee kuu un iin taa, ra vaꞌa ni xáa súvi ya kúni Ndioxi.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.