1 Timoteo 6:4 - Xochapa Mixteco

⁴ Chi nda maestro ikán ta ndee ni kútai ini nda xiꞌin mií nda. Ta nda loꞌo köo xíni nda. Xaꞌa ya nina kútoo nda kaꞌan kuachi nda xiꞌin naꞌa unkua káꞌan iin iin nuu tuꞌun xaꞌa ya ikán kua xáa nda táva nda kuachi xiꞌin na veꞌe ñuꞌu, xáa na kûní ini na xíni taꞌan na, síkani taꞌan nda na, káꞌan kini na xiꞌin taꞌan na, ndíkani väꞌa ini na xíni taꞌan na,

1 Timoteo 6:4 Referans Kwoze

2 Timoteo 2:23

Ta küni soꞌo un ndá ka tuꞌun kíꞌvi ya káꞌan kuachi naꞌa xaꞌa, ya köo ndáa yaꞌvi káni taꞌan na xaꞌa. Saa chi ya ñaa, ta ya síkani taꞌan naꞌa va kua.

2 Timoteo 3:4

Saa ndixiko vata na naꞌa, na ítaꞌan vaꞌa xiꞌin na, ni köo ìyo koo ini na, kutai ni ini na xaꞌa ya xíni ni na, saa kutoo ni na xaa sií na ini mií na, ta küaꞌa na kañuꞌu na Ndioxi.

1 Timoteo 3:6

Nda ñani yo, nda kúni kuu mií taꞌan chiñu yóꞌó, ta köo xíniñuꞌu koo nda, nda sikan xa̱á xíni tuꞌun Ndioxi, saa chi ìyo ni ndutái ini nda ta koyo nda nuu ya väꞌa, tá ndo̱ꞌo mií kiti nǎꞌa.

Judas 1:10

Ta saa íkan nda vata ñaa, nda sínaꞌa tuꞌun Ndioxi, chi ni köo íꞌvi nda káꞌan ndikuu nda xaꞌa ñaꞌa ya köo kúndaa ini nda xiꞌin. Tá íkan kiti köo ya xínituni va saa íkan nda chi síndiꞌi xaꞌa nda mií va nda.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

1 Timoteo 1:7

Kúni na kuu na maestro na yáꞌa ni ndíchi sínaꞌa ley Ndioxi ya ta̱xi ra ndaꞌa ra Moisés, ta ni köo kúndaa ini na xiꞌin ya káꞌan ya ni ya sínaꞌa na.

1 Timoteo 1:4

Ta kaꞌan un xiꞌin na, ná ndïtuꞌun na kuento yata ya köo ndáa yaꞌvi, ni ná ndïtuꞌun na xaꞌa xií síkua na ndá na veꞌe ku xií na, chi yakan ta ndee ni kǎni kuaꞌan ya, takua síkani taꞌan ya na, ta köo chíndee taꞌan ya xiꞌin na ya kundaa ini na xaꞌa chiñu kúni Iva yo Ndioxi. Chi ndisaa ya ndáa ni ini yo xíni yo Tata yo Jesucristo va kua ndee ni ndáa yaꞌvi.

Santiago 1:19

Ñani yo xiꞌin kuꞌva yo, yeꞌe ta kúni i ndituꞌun i xiꞌin ndo ya ná kundaa ini ndo ya xíniñuꞌu ni ndo sikuaꞌá ndo kuni soꞌo ndo ya káꞌan inka naꞌa xiꞌin ndo, xiꞌna kuni soꞌo ndo ya káꞌan na xiꞌin ndo, saa ndi̱kuiin ndo yuꞌu na. Ta säa kama ni ndo.

Tito 3:9

Ta küni soꞌo un ya ndítuꞌun kuachi na ñani yo xaꞌa ñaꞌa ya köo ndáa yaꞌvi ndítuꞌun na xaꞌa xií síkua na. Vaꞌa kuxika un nuu ya ñaa, xiꞌin ya kánitaꞌan na xaꞌa, ta káꞌan kuachi na xaꞌa ley ya ta̱a ra Moisés, chi ya ñaa ta köo chíndee ya nda iin naꞌa.

Los Hechos 15:2

Ta saa xa̱á ra Pablo xiꞌin ra Bernabé ndáꞌi ni nda xiꞌin nda ikán, chi süvi ya ndaa kua sínaꞌa nda. Ñaa ndi̱taꞌnda chiñu kuꞌun ra Pablo xiꞌin ra Bernabé xiꞌin inka ka nda ndíkun Jesús ya kuꞌun nda ñuu Jerusalén xaa nani nda chiñu ikán xiꞌin nda apóstol tin na xikuaꞌa veꞌe ñuꞌu ikán.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.

2 Tesalonicenses 2:4

Saa xáa ra kanitaꞌan ra xiꞌin Iva yo Ndioxi ta kanitaꞌan tu ra xiꞌin ndiꞌi ndioxi ya ndíi xáa kaꞌnu na ñuu ivi yóꞌó án ndá ka ya xáa kaꞌnu na. Saa kiꞌvi ra ndikunduꞌu ra nda ini veꞌe ñuꞌu kaꞌnu Iva yo Ndioxi, ta kaꞌan ra kúu ra ndioxi.

Colosenses 2:18

Ta täxi ndo sindaꞌvi naꞌa ndóꞌo̱, na káꞌan ya ndee ni vaꞌa xáa toꞌo na Ndioxi, káchi na. Saa chínuu vaꞌa ni na tuꞌun na, ta ndása ni̱nu̱ na mií na nuu naꞌa, ta xáa kaꞌnu ni na tatun Ndioxi. Saa káꞌan na ya sítuvi Ndioxi nuu na ta kúni na ná ikan ndo tá kuꞌva íkan mií na, ta ya ndáku ini mií va na kua káꞌan na saa. Sundi ndóꞌo̱, ta küni soꞌo ndo ya káꞌan na xiꞌin ndo, täxi ndo sindaꞌvi na ndóꞌo̱, chi ni süvi ya ndaa loꞌo kua káꞌan na xiꞌin ndo. Ndisaa kuiti ya kána koo xi̱ní mií na kua káꞌan na xiꞌin ndo.

Filipenses 2:14

Ndá ka mií chiñu íkan ndo ta vívií ikan ndo ya, käꞌan kuachi ndo, ta ni käni taꞌan ndo xiꞌin taꞌan ndo xaꞌa ya íkan ndo.

Filipenses 2:3

Ndiꞌi ya íkan ndo, ta nda iin ya chïnuu vaꞌa ndo tuꞌun ndo xiꞌin, kütai ni ini ndo xaꞌa ya íkan ndo. Ni̱nu̱ xaa ndo mií ndo. Chinuu vaꞌa ni ndo tuꞌun na taꞌan ndo, tá íin naꞌa, na ndee ni ka ndáa yaꞌvi nuu ndo, saa ikan ndo xiꞌin na.

Filipenses 1:15

Sundi sava na ta káꞌan ndoso na xaꞌa ra xiꞌin ya uní ini, chi kúni na keꞌe taꞌan na xiꞌin i ya sikáku na kuachi xiꞌin i. Sundi sava na ta ndinuꞌu ni va ini na káꞌan ndoso na xaꞌa tuꞌun ra.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.

Gálatas 5:26

Ta saa ná küu yo naꞌa, na ndee ni kútai ini, ni ná sïsaa yo ini taꞌan yo ya kani taꞌan na xiꞌin taꞌan na, saa ná chïkaa yo ya uni xiꞌin taꞌan yo.

Gálatas 5:15

Sundi tá kánitaꞌan ndo xiꞌin taꞌan ndo, xáa nduvaꞌa ndo xiꞌin taꞌan ndo, ta ndóꞌo̱ síndiꞌi xaꞌa taꞌan mií va ku ndo.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

1 Corintios 11:18

Saa chi xi̱ni soꞌo i xaꞌa ndo, tá ndíkitaꞌan ndo xáa kaꞌnu ndo Ndioxi veꞌe ñuꞌu, ta ndóꞌo̱ ndítaꞌvi taꞌan va ku ndo, káchi na xaꞌa ndo. Ta ndíkani ini i va saa ndixa va kua íkan ndo, túvi i.

1 Corintios 11:16

Tá ndá na kúni sikuaꞌa kuachi xaꞌa ya yóꞌó, ta xíniñuꞌu na kundaa ini na ya ñaa kua sínaꞌa i naꞌa ndiꞌi ni kúu veꞌe ñuꞌu, ta kuꞌva saa kua kándixa ndiꞌi va na.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

1 Corintios 3:3

Saa chi nina ya kúni mií ndo íkan ndo. Yakan kua kǔní ini ndo xíni taꞌan ndo, ta káni taꞌan ndo xiꞌin taꞌan ndo, saa nda taꞌvi taꞌan ndo xiꞌin taꞌan ndo. Ya yóꞌó ku ya káꞌan xaꞌa ndo ya täꞌan kuaꞌnu ndo xiꞌin tuꞌun Ndioxi, chi íkan ndo tá íkan naꞌa, na ñuu ivi na köo xíni tuꞌun Ndioxi.

ROMANOS 14:1

Na taꞌan yo, ndúku i ya mani nuu ndo ya ndikuiso vií ndo na taꞌan yo, na vita ni ini xiꞌin tuꞌun Ndioxi. Tá tu köo íyo yuꞌu ndo xiꞌin na xaꞌa ya káꞌan na, ta käni taꞌan ndo xiꞌin na.

ROMANOS 13:13

Vívií ná koo yo, tá kuꞌva íin naꞌa, na xíka nduvi teꞌe, saa ná koo yo. Ta ná küꞌun yo nuu viko nuu xíxi náꞌna naꞌa, ta xíꞌi ni na, ni nuu kini ni káa, nuu ñúꞌu taa xiꞌin ná síꞌi. Nda iin ñaꞌñu yóꞌó köo xíniñuꞌu yo kuꞌun yo. Ná käni taꞌan yo xiꞌin nda iin naꞌa, ni ná küu uni ini yo kuni yo inka naꞌa.

ROMANOS 12:16

Ta vívií koo ndo xiꞌin taꞌan ndo, käni taꞌan ndo. Kütai ni ini ndo nuu naꞌa, vívií koo ndo xiꞌin na, ta saa ikan ndo xiꞌin ndiꞌi na, ni na ndáꞌvi ku na, ta koto vií ndo na. Ta ndäsa xíni ni ka ndo mií ndo nuu inka naꞌa.

ROMANOS 2:8

Sundi sava naꞌa, na ikú ni ini, na köo xíin ikan ya vaꞌa, ndisaa ya väꞌa kúni na ikán na, na ikán ta kundoꞌo ni na ikan Ndioxi chi sáa ni ini ra xíni ra na, yakan yáꞌa ni xaa nduvaꞌa ra xiꞌin na.

Los Hechos 18:15

Sundi xaꞌa tuꞌun va xiꞌin kivi na ya vaxi nuu ley mií va kua káni taꞌan ndo. Xaꞌa ya ñaa kua xäa nani i kuachi xiꞌin ndo, vaꞌa xaa nani mií va ndo ya xiꞌin taꞌan ndo ―káchi ra xiꞌin na.

Los Hechos 8:9

Ta ñuu ikán íyo iin ra náni Simón, ta ra tasi ku ra. Ta kuaꞌa ni naꞌa si̱ndaꞌvi ra nuu ndi̱xika ra ñuu Samaria. Ndee ni taa kúu mií ra, káchi na xaꞌa ra.