1 Timoteo 5:7 - Xochapa Mixteco

⁷ Saa kaꞌan un xiꞌin ndiꞌi na, kaꞌnda chiñu un nuu na ya ná kundaa na, na veꞌe na, ya ná köo naꞌa kaꞌan xaꞌa na ya köo xíto vií na, na veꞌe na.

1 Timoteo 5:7 Referans Kwoze

1 Timoteo 4:11

Ta ya káꞌan i xiꞌin un yóꞌó kua sinaꞌa un ndiꞌi naꞌa, saa kaꞌnda chiñu un nuu na ná xaa súvi na ya.

Tito 2:15

Ta ya yóꞌó kua xíniñuꞌu un sinaꞌa un na ñani yo. Ta xa íyo ichí ta̱xi Tata yo Jesucristo ndaꞌa un ya xaꞌa un ndee xiꞌin na, saa ndaꞌi un xiꞌin na tá väꞌa íkan na. Ta nda iin na ná kündasi nuu kuni yóꞌo̱.

Tito 1:13

Ta ya ndaa ni ndixa kua ndi̱kaꞌan ra xaꞌa na, yakan yóꞌo̱, ta ndee koo ini un xiꞌin na ndaꞌi un xiꞌin na ya ná ïkan na ya väꞌa, sinaꞌa un na, ya ná kutuun tuꞌun Ndioxi nima na ta ná kundaa ni ini na ra.

2 Timoteo 4:1

Ta ya káꞌan i xiꞌin un ta nuu Iva yo Ndioxi xiꞌin Tata yo Jesucristo, ra kúu rey xáꞌnda chiñu nuu yo kua káꞌan i xiꞌin un, chi mií ra ku ra xaa nani kuachi xiꞌin na táku tin na ndíi. Xaꞌa ya ñaa kua káꞌan i xiꞌin un,

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

1 Timoteo 1:3

Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.