1 Timoteo 5:12 - Xochapa Mixteco

¹² Ta ìyo ni kundiso ná kuachi xaꞌa ya yáꞌa ná nuu tuꞌun Tata yo Jesucristo ya ki̱ndoo ná xaa súvi ná tá kuꞌva núnu̱ú.

1 Timoteo 5:12 Referans Kwoze

Santiago 3:1

Ñani mani, ná köo kuaꞌa ni na sínaꞌa tuꞌun Ndioxi tañu ndo, saa chi xa kúndaa ini mií ndo yáꞌa ni ka va ndee sitaxin Ndioxi yoo sínaꞌa tuꞌun ra, nuu na ivi taꞌan yo na ndíkun ra.

Gálatas 1:6

Ndee ni va ndíkanda ini i xíni i ndóꞌo̱, ñani yo, chi kama ni va ku̱xika ndo nuu Ndioxi. Xaꞌa ya vaꞌa ni ra xiꞌin ndo kúꞌvi ni ini ra xíni ra ndóꞌo̱ ya sikaku ra ndóꞌo̱ nuu ndee ya väꞌa. Ta vitin xa si̱ndikoo ndo tuꞌun vaꞌa xaꞌa Jesucristo, saa ndi̱kundikun ndo inka nuu tuꞌun ya ndíkani ini ndo ku tuꞌun vaꞌa sikaku ndóꞌo̱, ta süvi taꞌan ya ndi̱kaꞌan nde xiꞌin ndo kua, chi xa síin kua ikán.

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Timoteo 5:11

Ta ná kuâán ndi̱xiꞌi ndaa, ná vali kúni ta töso un kivi ná nuu lista un ya chindee taꞌan na ñani yo, na veꞌe ñuꞌu xiꞌin ná. Saa chi vaxi kivi ta kutoo tuku ná tindaꞌa ná xiꞌin taa, ta küchiñu ka ná xaa súvi ná chiñu ya ki̱ndoo ná ikan ná xaꞌa ichí Tata yo Jesucristo.

1 Timoteo 5:13

Ta süvi ndisaa ya ñaa kua ikan ná, chi kuni xúxan ná ta xaá ná kaka ná tá veꞌe, tá veꞌe. Ta süvi ndisaa ya xúxan kuni ná, ìyo ni kutoo ná kaka ná ndituꞌun vata ná, ta xáa ná kiꞌvi ná xiꞌin naꞌa, kaꞌan ná ya íin ya köo.