Biblia Todo Logo
Bib sou entènèt

- Piblisite -




1 Timoteo 4:16 - Xochapa Mixteco

16 Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

Gade chapit la Kopi




1 Timoteo 4:16
38 Referans Kwoze  

Xíniñuꞌu nda kuu nda taa, nda ndee ni kándixa tuꞌun ya ndaa ni si̱naꞌa nde. Saa kua vaꞌa xaꞌa nda ndee xiꞌin nda ñani yo tin kuꞌva yo, ta saa sixinu nda ini na köo xíin kandixa vaꞌa.


Tá kuꞌva kúni un ikan nda ñani yo, kuꞌva saa xíniñuꞌu un vívií koo un nuu na ya ná kuni na ikán na tá íkan un. Tá sínaꞌa un na ñani yo ta ndinuꞌu ni ini un sinaꞌa un na, toꞌo ndituꞌun un tuꞌun ya ndaa xiꞌin na.


ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.


Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.


Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.


Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.


Sundi yóꞌo̱, ta xíniñuꞌu un xaa súvi un tuꞌun ya ndaa ya xa si̱kuaꞌa un, chi xa xíni un ya ndaa ni kua, ta saa xíni vaꞌa un na si̱naꞌa ya yóꞌó.


Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.


Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.


Ta xa kúndaa ini un tá kivi ke̱e i chí ñuu Éfeso saa ndi̱kiꞌin i kuaꞌan i chí ñuu Macedonia ta ndi̱kaꞌan i xiꞌin un ndoo un koo un ñuu Éfeso ñaa, ya ná kaꞌnda chiñu un nuu sava naꞌa, na sínaꞌa ya vata, ya ná sïnaꞌa ka na kuꞌva saa.


Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.


Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.


Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.


Ta ndeꞌe kaꞌan nde xiꞌin Ndioxi saa kaka nde sinaꞌa nde naꞌa xaꞌa tuꞌun ra ―káchi nda xiꞌin na.


’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.


Ta yeꞌe kúni i ya kundaa ini ndo xaꞌa na káꞌan xiꞌin ndo ya sindoo ndo ichí väꞌa kuaꞌan ndo, ta tá íin na síkaku ndóꞌo̱ ya ná küꞌun ndo ichí nuu kuvi ndo ndiꞌi xaꞌa ndo, saa íin na, chi síkaku na ya vaꞌa ndo, saa ndíꞌi xaꞌa kuaꞌa ni kuachí ndo nuu Ndioxi.


Ta ya yóꞌó kua xíniñuꞌu un sinaꞌa un na ñani yo. Ta xa íyo ichí ta̱xi Tata yo Jesucristo ndaꞌa un ya xaꞌa un ndee xiꞌin na, saa ndaꞌi un xiꞌin na tá väꞌa íkan na. Ta nda iin na ná kündasi nuu kuni yóꞌo̱.


Ta vaꞌa kaꞌan ndo xiꞌin ra ñani yo, ra Arquipo, ya xíniñuꞌu ra xaa súvi ra chiñu ya ta̱xi Tata yo Jesucristo ndaꞌa ra.


Tá íyo i xiꞌin naꞌa, na vita ni ini, na sikan kándixa Tata yo Jesucristo, ta tá íin na ikán saa ndúu i, ya kuchiñu chindee taꞌan i xiꞌin na, ná kachi yo. Yakan tá kuꞌva íin ndá ka mií naꞌa, kuꞌva saa ndúu i nuu na ya kuchiñu chindee taꞌan i xiꞌin sava na kaku na.


Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.


Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.


Ta Ndioxi chíndee yeꞌe ndiꞌi saa kivi, yakan vaꞌa táku i nda kivi vitin, ndíchi i nuu ndo. Ta káꞌan ndoso i tuꞌun Ndioxi xiꞌin na vali tin na naꞌnu. Ta köo ndi̱nama i ya káꞌan i xiꞌin na, tá kuꞌva ndi̱kaꞌan ra Moisés tin nda ndi̱kaꞌan ndoso tuꞌun yuꞌu Ndioxi xaꞌa ñaꞌa ya kuu kivi vaxi, saa íyo ya káꞌan i xiꞌin na.


Mií yeꞌe Pablo ku ra chi̱kaa ndaꞌa nuu tutu yóꞌó ya ndíkuiin i chaꞌvi i nuu un xaꞌa ya níka ra Onesimo ñani yo nuu un, ta ndïndoso ini un chi saa tu mií va un níka un nuu i xaꞌa ya ndi̱kaku un, táku un vitin.


Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.


Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.


Chikaa ni soꞌo un xiꞌin ya káꞌan i xiꞌin un yóꞌó, ta xaa súvi un ya, saa kuni naꞌa ya vaꞌa ni xáa chiñu un iin iin kivi.


Swiv nou:

Piblisite


Piblisite