1 Timoteo 4:13 - Xochapa Mixteco

¹³ Ta ya yóꞌó kua xíniñuꞌu un ikan un xiꞌin na ñani yo tin kuꞌva yo nda kivi ná xaa i: Vaꞌa kaꞌvi un tuꞌun Ndioxi xiꞌin na, ta xaꞌa ni un ndee xiꞌin na sixinu un ini na, saa sinaꞌa un na.

1 Timoteo 4:13 Referans Kwoze

Los Hechos 6:4

Ta ndeꞌe kaꞌan nde xiꞌin Ndioxi saa kaka nde sinaꞌa nde naꞌa xaꞌa tuꞌun ra ―káchi nda xiꞌin na.

Tito 2:15

Ta ya yóꞌó kua xíniñuꞌu un sinaꞌa un na ñani yo. Ta xa íyo ichí ta̱xi Tata yo Jesucristo ndaꞌa un ya xaꞌa un ndee xiꞌin na, saa ndaꞌi un xiꞌin na tá väꞌa íkan na. Ta nda iin na ná kündasi nuu kuni yóꞌo̱.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.

1 Timoteo 4:16

Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

1 Corintios 14:26

Ñani yo, ná koto ndo unkua vaꞌa xíniñuꞌu ndo ikan ndo tá ndíkitaꞌan ndo veꞌe ñuꞌu: Ta vaꞌa kata sava ndo yaa nuu Ndioxi, ta sava ndo sinaꞌa, ta sava ndo kaꞌan xaꞌa tuꞌun ya sítuvi Ndioxi nuu ndo, ta vaꞌa kaꞌan sava ndo tuꞌun ya ke̱e nuu ndivi, ya köo xíni ndo, ta ná koo naꞌa sindiko niꞌi tuꞌun ya káꞌan ndo. Saa ikan ndo ya vaꞌa chindee taꞌan ndo xiꞌin na veꞌe ñuꞌu ya taxi ndo ndee ndaꞌa na.

1 Corintios 14:3

Sundi naꞌa, na káꞌan ndoso tuꞌun yuꞌu Ndioxi ta káꞌan na saa xiꞌin taꞌan na ya táxi na ndee ndaꞌa taꞌan na ya ná kuaꞌnu ka na xiꞌin tuꞌun Ndioxi, saa síndiko na ini taꞌan na.

1 Corintios 14:6

Ñani yo, tá ná xaa i koto i ndóꞌo̱ ta ná kaꞌan i xiꞌin ndo tuꞌun ya köo kúndaa ini yo xiꞌin, ya ke̱e nuu ndivi, ná kachi yo. Ta ya uun kuiti va ku ya kaꞌan i xiꞌin ndo, chi kündaa ini ndo xiꞌin ya kaꞌan i xiꞌin ndo. Sundi ya vaꞌa ni kaꞌan i xiꞌin ndo ku tuꞌun ya si̱naꞌa Tachi I̱í Ndioxi nuu i kaꞌan i xiꞌin ndo, xiꞌin ya kaꞌan i xiꞌin ndo xaꞌa ya ndíchi ni kúu mií Ndioxi, án ya ndikani i nuu ndo kundaa ini ndo xaꞌa ya kaꞌan ndoso ndo tuꞌun vaxi yuꞌu Ndioxi, án ya sinaꞌa i ndóꞌo̱ xaꞌa tuꞌun ra ya vaꞌa kundaa ini ndo xiꞌin.

ROMANOS 12:8

Ta sava tuku yo ndi̱niꞌi taꞌvi xaꞌa yo ndee xiꞌin naꞌa, ta kuꞌva saa ná ikan yo xiꞌin na. Tá sava tuku yo ndi̱niꞌi taꞌvi ya siniꞌi yo ñaꞌa nuu inka na, ta kuꞌva saa ná ikan yo xiꞌin na, ná ikan yo ya xiꞌin ndinuꞌu nima yo. Tá sava tu yo ndi̱niꞌi taꞌvi ya kunuu yo nuu naꞌa, ta kuꞌva saa ná ikan yo xiꞌin na, ndinuꞌu ini yo ná ikan yo saa. Tá sava tuku yo ndi̱niꞌi taꞌvi ya kundaꞌvi ni ini yo kuni yo naꞌa, ta kuꞌva saa ná kundaꞌvi ni ini yo ikan yo saa xiꞌin na ta ná kusini ni yo.

2 Timoteo 3:15

Ta nda tá loꞌo ví un xa xíni un tuꞌun Ndioxi ya ta̱a na xinaꞌa, ta ya ikán kua kuchiñu xaa ndíchi ni yóꞌo̱. Ta ya ndíchi vaxi nuu Ndioxi kua kuniꞌi yóꞌo̱ kuꞌun un ichí nuu kaku un xaꞌa ya ndáa ni ini un xíni un Tata yo Jesucristo.