1 Timoteo 4:10 - Xochapa Mixteco

¹⁰ Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

1 Timoteo 4:10 Referans Kwoze

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

1 Juan 2:2

Chi Jesucristo ku ra ndi̱soko mií, ndi̱xiꞌi ra xaꞌa kuachi ndiꞌi yo yakan vaꞌa xa̱a kaꞌnu ini Ndioxi xaꞌa yo. Ta süvi iindaa xaꞌa kuachi yoo ndi̱xiꞌi ra. Ndi̱xiꞌi ra xaꞌa kuachi ndiꞌi ni kúu na ñuu ivi.

1 Timoteo 2:6

Saa ta̱xi ra mií ra ndi̱xiꞌi ra xaꞌa kuachi ndiꞌi yo. Ta xaꞌa ya i̱kan ra saa kua cha̱ꞌvi ra xaꞌa yo, ya vaꞌa ku̱chiñu yo ndi̱saña ndika yo nuu kuachi yo. Ta ya yóꞌó ku tuꞌun vaꞌa ya ta̱xi Iva yo Ndioxi ndaꞌa na ñuu ivi yóꞌó, tá kivi chi̱tuni mií ra.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

HEBREOS 13:13

Saa tu yoo va, ná kundikun yo Jesucristo, ta ná kana koo yo kuꞌun yo xiꞌin ra nuu ñuu, ná kükaꞌán nuu yo ndoꞌo yo xaꞌa ra, tá kuꞌva ndo̱ꞌo ni mií ra.

1 Pedro 1:21

Xaꞌa ya vaꞌa i̱kan Tata yo Jesucristo kua xa̱á ndo kándixa ni ndo Iva yo Ndioxi, ra si̱taku Tata yo Jesucristo tañu na ndíi, saa ta̱xi ni Ndioxi ya toꞌo ndaꞌa ra. Yakan kua ndátun ni ndo, saa ndáa ni ini ndo ya xaa súvi ndiꞌi ra ya ndi̱kaꞌan ra xiꞌin ndo taxi ra ndaꞌa ndo.

HEBREOS 11:26

Ta chi̱kaa ni ini ra vaꞌa ka tixuꞌvi ra ndoꞌo ra tá kuꞌva ndoꞌo ni mií Cristo, ta köo ndi̱kuni ra ya kuika kúu mií na ñuu Egipto. Saa chi ndee ni tuun ndáa ini ra xíto ra nuu ya vaꞌa niꞌi ra nuu Ndioxi.

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

San Mateo 27:43

Káꞌan ra kándixa ra Ndioxi, ta ná sikaku ñaꞌa ra vitin, tá tu ndixa ya ndaa kua kúu ra Seꞌe Ndioxi ―káchi nda kúsiki ndaa ñaꞌa nda.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

2 Corintios 1:10

Siloꞌo yuꞌu kuvi nde, ta iindaa mií Ndioxi ku ra si̱kaku ndeꞌe, köo ndi̱xiꞌi nde. Chi kúndaa ini nde ya síkaku ra ndeꞌe, ta saa xíni nde ya sikaku tuku va ra ndeꞌe,

1 Timoteo 2:3

Tá tu íkan yo saa ta vaꞌa ni íkan yo, ta saa Ndioxi, ra sikaku yoo, ta kusini ni ra xiꞌin yo.