1 Timoteo 2:10 - Xochapa Mixteco

¹⁰ Ta ya ndee ni xíniñuꞌu ná ikan ná ku ñaꞌa ya vaꞌa ni, xaꞌa ya xáa toꞌo ni ná Ndioxi.

1 Timoteo 2:10 Referans Kwoze

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

El Apocalipsis 2:19

Xíni ndiꞌi va i ya vaꞌa íkan ndo, ta xíni i ya kúꞌvi ni ini ndo xíni ndo yeꞌe, saa xíni i ya kándixa ni ndo yeꞌe, ta vaꞌa ni xáa chiñu ndo nuu i, saa xíni i ya kúndee ni ini ndo xiꞌin ya tíxuꞌvi ndo, ta köo síndikoo ndo ichí i. Ta kuaꞌa ni ka ya vaꞌa íkan ndo vitin, nuu ya i̱kan ndo tá núnu̱ú.

Los Hechos 9:36

Ta kivi ikán íyo iin yá kándixa Jesús ñuu Jope náni yá Tabita, ta tuꞌun griego kúni kachi ya Dorcas. Ta nina ya vaꞌa íkan yá, chíndee ni yá na ndaꞌvi.

2 Pedro 3:11

Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Los Hechos 9:39

Saa ke̱e nda ikán ndi̱xaꞌan nda nuu ra Pedro ta ndi̱kiꞌin ra kuaꞌan ra xiꞌin nda. Ndi̱xaa nda xiꞌin ra veꞌe yá, nda̱a nda xiꞌin ra piso ni̱nù nuu índuꞌu ikin kuñu yá. Ta iin ndi̱katin ná ndi̱ndoo ndaa xáku ni ná xaꞌa yá. Sínaꞌa ná toto ya si̱kuaꞌa yá ta̱xi yá ndaꞌa ná, tá täꞌan kuvi yá.

1 Timoteo 2:9

Saa káꞌan i xiꞌin un xaꞌa ná síꞌi, ya ná kundixi vií ná, ta ná kündixi kini ni ná, toꞌo ná kundixi ná. Ta saa toꞌo ná katun ná xi̱ní ná, ná küñuꞌu ni ná kàà ya oro án yu̱ú ya ndee ni saví náꞌa, ni ná kündixi ná toto yaꞌvi ni.

1 Timoteo 2:11

Tá síkuaꞌa ná tuꞌun Ndioxi, ta vaꞌa táxíín ná koo ná kuni soꞌo ná, toꞌo ná kundoo ná.