1 Timoteo 1:8 - Xochapa Mixteco

⁸ Ta xa kúndaa ini yo ya vaꞌa ni ku ley Ndioxi tá tu xíniñuꞌu yo ya tá kuꞌva kúni mií Ndioxi.

1 Timoteo 1:8 Referans Kwoze

ROMANOS 7:16

Tá tu íkan i ñaꞌa ya väꞌa, ya köo kútoo i ikan i, ta ya ñaa kúni kachi ya: kúndaa ini i ya ndaa ni ku ley Ndioxi.

2 Timoteo 2:5

Ta saa tu íyo iin taa ra kuaꞌan ku̱nu, ra kéꞌe taꞌan xiꞌin inka ra, ta xíniñuꞌu ra ikán xaa súvi ra ndiꞌi chiñu ya táꞌnda nuu ndiꞌi naꞌa, na xínu, saa vaꞌa kuchiñu ra xinu koo ra niꞌi ra ñaꞌa ya taxi na ndaꞌa ra.

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

ROMANOS 12:2

Ta köo ndo tá kuꞌva íyo na ñuu ivi yóꞌó, vaꞌa ka nditaxi ndiꞌi ndo mií ndo ndaꞌa ra ná ndinama ra ya xínituni ndo. Ná nduxaa kuꞌva ndíkani ini ndo. Saa kuchiñu ndo kundaa ini ndo, ta xaa súvi ndo ya kúni mií ra, ta saa kua ikan ndo ya vaꞌa, ya ndaa, ya xáa sini ndo ini ra.

ROMANOS 7:18

Xa kúndaa va ini i, chi köo mií ya vaꞌa íyo vi ikin kuñu i, xaꞌa ya kúu i ra ñuu ivi yóꞌó. Saa chi ya vaꞌa ku ya kúni i ikan va i, sundi köo mií ndee ikin kuñu i ya ikan ya vaꞌa.

ROMANOS 7:22

Ndinuꞌu ni va ini i kúsini i xíni i ley Ndioxi.