Biblia Todo Logo
Bib sou entènèt

- Piblisite -




1 Timoteo 1:19 - Xochapa Mixteco

19 Ta xaꞌa ni un ndee ya kundaa ni ini un kuni un Ndioxi, ya xaa súvi un ya táxi ya xínituni un ndaꞌa un. Saa chi sava na ta köo ndi̱kan na saa, ni xa xíni na unkua vaꞌa, ta köo ndi̱xiin na xaa súvi na ya, yakan kua ndi̱ꞌi xaꞌa na, köo ndáa ka ini na xíni na Tata yo Jesucristo. Tá ndóꞌo itun barco tá ndíꞌi xaꞌa nu ini nduta ñûꞌu, saa ndo̱ꞌo na.

Gade chapit la Kopi




1 Timoteo 1:19
25 Referans Kwoze  

Xíniñuꞌu kuu nda taa nda kándixa ni tuꞌun vaꞌa xaꞌa Tata yo Jesucristo ya si̱tuvi Ndioxi nuu yo ku̱ndaa ini yo, ta saa ná koo vaꞌa ya xínituni nda, ná täxi ya kuachi xaꞌa nda.


Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.


Chi naꞌa, na kúni ndukuika ni ñuu ivi yóꞌó, ta ìyo ni sindaꞌvi ya väꞌa na, saa koyo na nuu kuachi, chi kuaꞌa ni ya väꞌa ndíkani ini na xaꞌa ta ni süvi ya ndáa yáꞌvi kua, takua sítivi na mií na xiꞌin ya, ta xáa na kuaꞌan na ichí nuu ndiꞌi xaꞌa na.


Xíniñuꞌu nda kuu nda taa, nda ndee ni kándixa tuꞌun ya ndaa ni si̱naꞌa nde. Saa kua vaꞌa xaꞌa nda ndee xiꞌin nda ñani yo tin kuꞌva yo, ta saa sixinu nda ini na köo xíin kandixa vaꞌa.


Xíni ndiꞌi i ya vaꞌa íkan ndo, xíni i ya loꞌo ni ndee kúu mií ndo, ta saa xáa súvi ni ndo ya káꞌan tuꞌun i, ta ni köo ndi̱kuaa ndo yeꞌe nuu naꞌa. Xa xu̱na i yéꞌe nuu ndo, ta nda iin naꞌa küchiñu ndikasi ya.


Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.


Ta kuxika na ichí Ndioxi ya vaꞌa, ya ndaa, küaꞌa ka na kuni soꞌo na ya, saa xaá na kuni soꞌo na kuento vata.


Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.


Chi sava na taꞌan yo xaꞌa ya xi̱ni soꞌo na ya ndi̱kaꞌan na ikán xiꞌin na, yakan ku̱xika na köo ndá ka ini na xíni na Tata yo Jesucristo. Ta mií ra ná chikaa ni ya vaꞌa yóꞌo̱. Saa ná koo.


Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.


Tá tu kúni ndo kindoo vaꞌa ndo xiꞌin Ndioxi tixin ley ra, ta kúni kachi ya xa ku̱xika va ndo nuu Cristo, ta saa ku̱xika tu ndo nuu ya ndi̱niꞌi uun ndo nuu ra kúꞌvi ini ra xíni ra ndóꞌo̱ va.


Ta ¿án xaꞌa ya íkan ndo saa kua kúni ndo sinaꞌa ndo mií ndo unku ndo ndixa ndaa ni ndíkun Tata yo Jesucristo, túvi ndo? ¡Ta süvi saa íyo ya!


Yakan ndikaꞌán ini ndo xaꞌa ya si̱kuaꞌá ndo tá sikan xa̱á ndo kándixa ndo yeꞌe. Ndiko koo ini ndo kuꞌun ndo ichí Ndioxi. Tá tu köo xíin ndo kuni soꞌo ndo ya káꞌan i xiꞌin ndo, ta iin kuu soꞌva ndiko koo i xaa i nuu ndo, tá íkan ra kuiꞌna, ni köo xíni naꞌa ndá kivi kua kuakiꞌvi ra síkuiꞌna ra veꞌe na, ta kuꞌva saa ikan i xiꞌin ndo, iin ku̱u soꞌva ndiko koo i, ta sitixuꞌvi ni i ndóꞌo̱.


Ta ndóꞌo̱, süvi xiꞌin ya ndíꞌi ni ini ndo ku ya kuchiñu ndo sikuaꞌnu sukun loꞌo ndo mií ndo, saa chi iindaa Ndioxi kuu ra xáꞌnda chiñu ndá kuꞌva sukun koo ndo.


Xaꞌa ya ndáa ni ini un xíni un Tata yo Jesucristo, ta tá káa iin ra kéꞌe taꞌan saa káa un, chikaa ni ka un ndee ikan un tá kuꞌva íkan iin ra lapa ra ndee ni chíkaa ndee tá kuaꞌan ra nuu kuachi. Ta saa ikan un ya ná kuchiñu un niꞌi un koo un xiꞌin Ndioxi ndiꞌi saa kivi ya vaxi. Chi xaꞌa ya kutaku un xiꞌin ra kua ka̱na ra yóꞌo̱, ta nuu ndiꞌi na kua ki̱ndoo un ya xaa súvi un tuꞌun ra ya kándixa un.


Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.


Swiv nou:

Piblisite


Piblisite