1 Timoteo 1:15 - Xochapa Mixteco

¹⁵ Ta vaꞌa ná kundaa ini un xiꞌin ya káꞌan i xiꞌin un, chi ya ndaa ni kua, ta ndiꞌi na xíniñuꞌu kundaa ini xaꞌa ya yóꞌó: Chi Tata yo Jesucristo ku ra ki̱xi ñuu ivi yóꞌó ya sikaku ra yo ivi kuachi, ta kúni i káꞌan i xiꞌin un, xiꞌna yeꞌe ku ra ndee ni kuachi íyo nuu ndiꞌi na ivi.

1 Timoteo 1:15 Referans Kwoze

San Marcos 2:17

Saa xi̱ni soꞌo Jesús ya ndi̱kaꞌan nda, ta ndi̱kuiin ra káꞌan ra xiꞌin nda, káchi ra saa: ―Na íyo vaꞌa ini, ta köo xíniñuꞌu na kuꞌun na nuu ndotor. Na kúꞌvi ku na xíniñuꞌu kuꞌun kutatan. Ta yeꞌe, vaxi i kana i ivi na väꞌa, süvi na vaꞌa vaxi i kana i ―káchi Jesús xiꞌin nda.

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Juan 12:47

Na xíni soꞌo tuꞌun ya káꞌan i, tá tu köo xíin na xaa súvi na ya, ta köo táxi i kuachi xaꞌa na, chi yeꞌe ta süvi ra vaxi taxi kuachi na ñuu ivi ku i, yeꞌe vaxi sikaku va ku i na.

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

San Lucas 5:32

Ta yeꞌe växi i chindee i na vaꞌa, na köo kuachi. Na íyo kuachi ku na vaxi i chindee i, ya ná ndiko koo ini na kuꞌun na ichí Ndioxi ―káchi ra xiꞌin nda.

1 Juan 3:5

Ta ndóꞌo̱ xa xíni ndo ya ki̱xi Tata yo Jesucristo ñuu ivi yóꞌó ki̱ndaa ra kuachi yo. Chi mií ra ta nda iin kuachi ra köo.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

1 Corintios 15:9

Chi yeꞌe, ta ra ni̱nu̱ ni kuu i nuu ndiꞌi nda taꞌan i, ni köo ichí i kaꞌan naꞌa xiꞌin i apóstol, saa chi ra xa̱a ndu̱vaꞌa ni xiꞌin naꞌa, na kúu veꞌe ñuꞌu Ndioxi, ndi̱xiyo i.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

San Mateo 9:13

Xíniñuꞌu ndo kundaa vaꞌa ini ndo unkua kúni kachi Ndioxi nuu tuꞌun ra, ya káchi saa: “Kúni i ná kundaꞌvi ni ini ndo kuni ndo inka naꞌa, chi ya ñaa ka kua ndee ni ndee nuu ñaꞌa ya sóko ndo nuu i”, káchi tuꞌun Ndioxi. Saa chi yeꞌe, ta växi i xaꞌa na vaꞌa, xaꞌa na väꞌa vaxi i, kaꞌan i xiꞌin na ya ná ndiko koo ini na kundikun na ichí Ndioxi ―káchi Jesús xiꞌin nda fariseo.

San Mateo 1:21

Kaku seꞌe yá ta chinuu un kivi ra kunani ra JESÚS, saa chi ra ikán ku ra sikaku na ñuu ra xaꞌa kuachi na.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Timoteo 4:9

Ta ya ndixa ni ku tuꞌun ya káꞌan i xiꞌin ndo yóꞌó, yakan ndiꞌi na xíniñuꞌu kandixa ya.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

1 Timoteo 3:1

Ta vaꞌa ná kundaa ini un xaꞌa ya káꞌan i xiꞌin un, chi ya ndaa ni kua káꞌan i xiꞌin un: Tá ndá nda ñani yo kúni kunuu nuu na veꞌe ñuꞌu, ta ya vaꞌa ni kua ndíkani ini nda ikan nda saa.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

El Apocalipsis 22:6

Saa ndi̱kaꞌan tatun Ndioxi xiꞌin i, káchi ya saa: ―Tuꞌun yóꞌó ku ya ndaa ni, ya ndixa ni. Mií Iva yo Ndioxi ku ra ta̱xi ya xínituni ndaꞌa nda ndi̱kaꞌan ndoso tuꞌun yuꞌu ra xinaꞌa, ta vitin xa ti̱ꞌvi ra tatun ra ya kuꞌun ya ndituꞌun ya xiꞌin na xáa chiñu nuu ra ya ná kundaa ini na xaꞌa ñaꞌa ya xa numí ni kuu.

El Apocalipsis 5:9

Saa xa̱á kumi saa ya táku ikán xiꞌin oko kumi saa na xikuaꞌa, xíta na iin yaa xa̱á nuu kiti Levo loꞌo ikán, káchi na saa: Yóꞌo̱ ku un kúu mií ichí tiin un tutu ñaa. Ta kúu mií un ichí kaꞌnda un uxa saa sello kixin kúu mií ya. Saa chi yóꞌo̱ ku un ndi̱soko xiꞌin mií nuu Ndioxi, si̱tikueꞌe ni na yóꞌo̱, ta xa̱ꞌni na yóꞌo̱, ndi̱xiꞌi un. Ta xiꞌin nií un nduta ndi̱xita, cha̱ꞌvi un xaꞌa kuachi na ñuu ivi, ya kuchiñu na nduu na seꞌe Ndioxi. Cha̱ꞌvi un xaꞌa ndiꞌi ni kúu nuu naꞌa, xiꞌin ndiꞌi ni kúu na káꞌan ndá ka inka nuu tuꞌun. Saa i̱kan un xaꞌa ndiꞌi ni kúu na ndóo ndiꞌi saa ñuu vali tin ñuu naꞌnu ya ñúꞌu ndiꞌi ni kúu ñuu ivi.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

2 Timoteo 2:11

Ta ya káꞌan i xiꞌin ndo yóꞌó, ta ya ndaa ni kua: tá tu xíꞌi yo xiꞌin ra, ta saa kutaku tu yo xiꞌin va ra.

Los Hechos 3:26

Tá si̱taku Ndioxi Seꞌe ra ta xiꞌna nuu yo judío kua ti̱ꞌvi ñaꞌa ra ki̱xi ra ya ta̱xi ra ya vaꞌa ndaꞌa yo kutaku yo, ta saa ná ndiko koo ini iin iin ndo xaꞌa ya väꞌa íkan ndo, ta ná ndikundikun ndo Ndioxi ―káchi ra Pedro xiꞌin na.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

El Apocalipsis 21:5

Saa ndi̱kaꞌan ra índuꞌu nuu tai toꞌo, káchi ra saa: ―Ndasa xa̱á ndiꞌi i ñaꞌa ya si̱kuaꞌa i yachi. Saa ndi̱kaꞌan tuku ra xiꞌin i, káchi ra saa: ―Taa tuꞌun ya káꞌan i xiꞌin un, chi ya ndaa ni ndixa ku ya káꞌan i xiꞌin un ―káchi ra xiꞌin i.

1 Juan 5:11

Ta ya ndíkuiin ini yo kua yóꞌó, ta̱xi Ndioxi ichí táku yo xiꞌin ra ndiꞌi saa tiempo. Chi Jesucristo Seꞌe ra ku ra táxi táku yo xiꞌin ra.

1 Timoteo 1:19

Ta xaꞌa ni un ndee ya kundaa ni ini un kuni un Ndioxi, ya xaa súvi un ya táxi ya xínituni un ndaꞌa un. Saa chi sava na ta köo ndi̱kan na saa, ni xa xíni na unkua vaꞌa, ta köo ndi̱xiin na xaa súvi na ya, yakan kua ndi̱ꞌi xaꞌa na, köo ndáa ka ini na xíni na Tata yo Jesucristo. Tá ndóꞌo itun barco tá ndíꞌi xaꞌa nu ini nduta ñûꞌu, saa ndo̱ꞌo na.

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

Los Hechos 11:18

Tá xi̱ni soꞌo na ya ndi̱kaꞌan ra Pedro, ta ku̱taxin yuꞌu na. Ñaa xa̱á káꞌan na ya vaꞌa xaꞌa Ndioxi, káchi na saa: ―Tá tu saa ku̱u, ta kúni kachi ya, nda na köo kúu judío va ta̱xi Iva yo Ndioxi ichí ndaꞌa ya ndiko koo ini na xaꞌa kuachi na, ta saa kutaku na xiꞌin ra ―káchi na.

Los Hechos 11:1

Saa ku̱u ku̱ndaa ini nda apóstol xiꞌin na kándixa Jesús na ndóo estado Judea, xaꞌa na köo kúu judío ya ndi̱kiꞌin tu na ikán va tuꞌun Ndioxi.

San Lucas 15:2

Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa: ―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.

ROMANOS 11:14

Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.

1 Timoteo 6:13

Ta nuu Ndioxi ra táxi táku ndiꞌi ñaꞌa ñuu ivi yóꞌó kua xáꞌnda chiñu i nuu un, xiꞌin nuu Tata yo Jesucristo kua xáꞌnda chiñu i nuu un, chi Jesucristo ku ra ndi̱kuiin xaꞌa ya ndaa tá kivi xi̱ndichi ra nuu ra Poncio Pilato,

San Mateo 18:11

Saa chi yeꞌe, Taa ra xa̱a ñuu ivi yóꞌó, ta xa̱a i ñuu ivi yóꞌó ya sikaku i na nda̱ñuꞌu.