1 Timoteo 1:14 - Xochapa Mixteco

¹⁴ Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.

1 Timoteo 1:14 Referans Kwoze

2 Timoteo 1:13

Ta yóꞌo̱, ta xíniñuꞌu un xaa súvi un tuꞌun vaꞌa ya xa si̱naꞌa i yóꞌo̱, tá íyo ya i̱kan i, saa koo ya ikan un, vií koo un, ndǎku koo un. Ta sïndoo un ya ndáa ni un xíni un Ndioxi ni sïndikoo un ya kúꞌvi ni ini un xíni un inka na taꞌan yo xaꞌa ya ndíkun na Tata yo Jesucristo.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

1 Juan 4:10

Káꞌan i xiꞌin ndo unkua káchi mií ya ndaa ni kúꞌvi ini Ndioxi xíni ra yoo, saa chi süvi yoo ku yo xiꞌna ndi̱kuꞌvi ini kuni Ndioxi, xiꞌna mií ra ku ra xa̱á kúꞌvi ni ini xi̱ni yoo ta xaꞌa ya ikán kua ti̱ꞌvi ra Seꞌe ra, ra kúu Jesucristo. Ta ra ikán ndi̱soko ra mií ra ndi̱xiꞌi ra xaꞌa yo, cha̱ꞌvi ra xaꞌa kuachi yo nuu Ndioxi.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

El Apocalipsis 22:21

Ta Jesucristo ra chee nuu yo ná ikan ra ya vaꞌa xiꞌin ndo. Saa ná koo.

1 Tesalonicenses 5:8

Sundi yoo ndíkun Tata yo Jesucristo, ta nduvi xíka yo nuu yéꞌe̱, yakan ná koo kaxin teꞌe ini yo. Tá íkan yo saa ta saa kua ndáa ni ini yo xíni yo ra, saa kúꞌvi ni ini yo xíni yo ra. Ta saa kua ndási ndaꞌa ra nima yo tá íin nda lapa nda íyo kàà ndási ya kándika nda, saa íin yo. Ta ndíkaa teꞌe ya téꞌe xi̱ní nda ya ndási ya xi̱ní nda, kuꞌva saa íkan ra xiꞌin yo ndáa ra xíni yo xaꞌa ya kúndaa teꞌe ini yo ya sikaku ra yoo.

Los Hechos 15:11

Ta xa xíni yo süvi ya ikán kua ndi̱sikaku yoo, chi xaꞌa ya kándixa yo Tata yo Jesús va kua síkaku uun ra yoo ta saa síkaku tu ra na ikán va ―káchi ra Pedro xiꞌin na.

1 Corintios 3:10

Ta yeꞌe, Ndioxi ku ra i̱kan ya mani xiꞌin i ta̱xi ra ichí ndaꞌa i ya koo i tá káa iin ra xíni, ra ndíso chiñu síkuaꞌa veꞌe, saa káa i, táva i yu̱ú xaꞌa ya, ta inka ku nda síkuaꞌa ya. Ta nda síkuaꞌa veꞌe nuu ta̱va i yu̱ú xaꞌa, ta ndee ni xíniñuꞌu nda kiꞌin vaꞌa nda kuenta ndá kuꞌva síkuaꞌa nda ya.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

Gálatas 1:13

Ta xa kúndaa ini mií ndo xaꞌa i ndá kuꞌva ndi̱xiyo i yachi, xa̱a súvi ni i costumbre mií nde judío. Xa xi̱ni soꞌo ndo xaꞌa i ya ndee ni xi̱ndikun i na veꞌe ñuꞌu xaꞌa ya kándixa na Jesucristo, ta ndee ni ku̱ni i sindiꞌi xaꞌa i na.

1 Timoteo 2:15

Xaꞌa ya ikán kua sikaku Ndioxi ná síꞌi tá íyo ná káku seꞌe ná, chi ndáa ni ini ná xíni ná ra, saa kúꞌvi ni ini ná xíni ná ra, ta ndúu i̱í ni ka va ná xaꞌa ya vaꞌa íkan ná nuu ra.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

1 Timoteo 6:11

Sundi yóꞌo̱, ñani yo Timoteo, ta ïkan un saa, vaꞌa kuxika un nuu ya ñaa chi ra xáa chiñu nuu Ndioxi kúu un, ta xaꞌa ni un ndee ya ikan un ndisaa ya vaꞌa, ya ndaa kúni Ndioxi saa kundaa ni ini un kuni un ra, ta kuꞌvi ni ini un kuni un naꞌa, ta xaꞌa ndee ini un xiꞌin ndiꞌi ndá ka tindoꞌo ya vaxi nuu un, vií koo un xiꞌin ndiꞌi na.

2 Timoteo 2:22

Ta ïkan un taꞌan ya kútoo ni na kuâán vali ñuu ivi yóꞌó ikan na, ndi̱xita un mií un nuu ya. Xaꞌa ni un ndee ya xaa súvi un ya vaꞌa, ya ndaa, ta saa ná kundaa ni ini un kuni un Ndioxi, saa ná kuꞌvi ni ini un kuni un naꞌa, ta xaꞌa un ndee ya koo vaꞌa ini un xiꞌin na. Ta saa ikan un xiꞌin ndiꞌi na ñani yo, na kándixa ni Iva yo Ndioxi xiꞌin ndinuꞌu ini na.

Tito 2:2

Saa sinaꞌa un nda ñani yo, nda xikuaꞌa, ya ná koo kaxin ni ini nda, ná koo ni ya toꞌo nda, ndá ya íkan nda ta xiꞌna ná ndikani vaꞌa ini nda saa ikan nda ya. Saa sinaꞌa un nda ndee ni ná kundaa ini nda kuni nda Tata yo Jesucristo ya taxi ra ndee ndaꞌa nda, saa ná kuꞌvi ni ini nda kuni taꞌan nda, ta káꞌnu ni ná koo ini nda xiꞌin taꞌan nda.

San Mateo 20:9

Saa ndi̱xaa na ndi̱kee sindiꞌi, na ndi̱kee kàà uꞌun xikuáa ta ki̱ꞌin na yaꞌvi taꞌan ya kíꞌin na xáa chiñu iin nduvi ndaa.