1 Pedro 4:19 - Xochapa Mixteco

¹⁹ Xaꞌa ya ñaa kua ndiꞌi ndóꞌo̱ tá ndóꞌo ni ndo tíxuꞌvi ni ndo xaꞌa ya xáa súvi ndo ya kúni Ndioxi, ta vaꞌa nditaxi ndiꞌi ndo mií ndo ndaꞌa ra xaꞌa ya vaꞌa ni si̱kuaꞌa ra ya vaꞌa ndo, chi nda iin ichí sïndoo ndaꞌa ra ndóꞌo̱, ta saa niꞌi ndo ndee ya ikan ka ndo ya vaꞌa.

1 Pedro 4:19 Referans Kwoze

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

1 Pedro 3:17

Tá tu saa kúni mií Ndioxi kundoꞌo ndo xaꞌa ya íkan ndo ya vaꞌa, ta vaꞌa ni kée ndo, süvi ka vi tá tu tíxuꞌvi ndo xaꞌa ya íkan ndo ya väꞌa.

1 Pedro 2:15

Saa chi Ndioxi ta kúni ra ya ná ikan ndo ya vaꞌa, saa kua küchiñu na kíꞌvi, na köo xíin kundaa ini xaꞌa ya ndaa, küchiñu na taxi na kuachi síki xaꞌa ndo.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

Los Hechos 7:59

Tá súkun na yu̱ú sata ra Esteban ta xa̱á ra káꞌan ra xiꞌin Ndioxi, káchi ra saa: ―Tata Jesús, ndikiꞌin un ya vaꞌa i ―káchi ra.

San Lucas 23:46

Saa iin ndendee ndi̱ndaꞌi koꞌo Jesús, káchi ra saa: ―¡Tata, ndítaxi i ya vaꞌa i ndaꞌa un! ―káchi ra xiꞌin Ndioxi. Tá ndi̱kaꞌan ra saa ta ndi̱xiꞌi va ra.

1 Pedro 3:20

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.