1 Pedro 3:9 - Xochapa Mixteco

⁹ Tá ndá na íkan ya väꞌa xiꞌin ndo, ta ïkan ndo ya väꞌa xiꞌin na, käꞌan kini ndo xiꞌin na, vaꞌa ka kaꞌan ndo xaꞌa na xiꞌin Ndioxi ná chikaa ra ya vaꞌa na, ta saa kua niꞌi tu ndóꞌo̱ va ya vaꞌa nuu ra. Chi xaꞌa ya ikán kua ka̱na ra ndóꞌo̱ ya niꞌi ndo ya vaꞌa nuu ra.

1 Pedro 3:9 Referans Kwoze

ROMANOS 12:17

Tá väꞌa íkan naꞌa xiꞌin ndo, ta ïkan ndo tá íkan na. Kundiꞌi ni ka ini ndo ikan ndo ya vaꞌa nuu ndiꞌi naꞌa.

ROMANOS 12:14

Ta kaꞌan ndo xiꞌin Ndioxi xaꞌa naꞌa, na xáa nduvaꞌa xiꞌin ndo. Nduku ndo ya vaꞌa nuu Ndioxi xaꞌa na, ta ndüku ndo chiꞌña sata na.

1 Tesalonicenses 5:15

Kuenta koo ndo, sïndiko koo ndo ya väꞌa nuu taꞌan ndo. Ndisaa ya vaꞌa ikan ndo xiꞌin taꞌan ndo, saa ikan ndo xiꞌin ndiꞌi naꞌa.

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

San Mateo 5:39

Ta yeꞌe káchi saa xiꞌin ndo, ndïko koo ndo ikan ndo saa xiꞌin naꞌa, na íkan ndá ka ñaꞌa xiꞌin ndo. Tá ndá naꞌa ka̱ni xaꞌnda iin ñaꞌñu nuu ndo, ta käni taꞌan ndo xiꞌin na, vaꞌa sindiko koo ndo inka ñaꞌñu nuu ndo ná kani na ndóꞌo̱.

1 Pedro 5:10

Sundi ndóꞌo̱ ta kündiꞌi ini ndo chi tá sindiꞌi ndi̱yaꞌa uvi ndaa kivi ya ndi̱xuꞌvi ni ndo, ta mií Ndioxi ku ra ndasa xuxa ini ndo, ta saa taxi ra ndee ndaꞌa ndo ya tuun ni kundikun ndo ra, saa niꞌi ndo ndee nuu ra ndundee ini ndo ta ta̱xi ra ichí ndaꞌa ndo tuun ni koo ndo xiꞌin ra.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

HEBREOS 6:14

káchi ra saa: “Ya ndaa kua chikaa ni i ya vaꞌa yóꞌo̱, ta ndasa kuaꞌa ni i seꞌe sikua un”, káchi Ndioxi xiꞌin ra.

San Lucas 18:18

Saa ku̱u xa̱a iin ra kuika nuu Jesús káꞌan ra xiꞌin ra, káchi ra saa: ―Tata Maestro, yóꞌo̱ ku ra vaꞌa ni, ta kaꞌan loꞌo un xiꞌin i, ¿unkua xíniñuꞌu i ikan i ya kuchiñu i koo i xiꞌin Ndioxi ndiꞌi kivi ya vaxi? ―káchi ra.

San Lucas 10:25

Ta saa ke̱e iin ra sínaꞌa ley Ndioxi ya ta̱a ra Moisés, kuaꞌan ra koto ndoso ra Jesús, ndi̱ndakan tuꞌun ñaꞌa ra, káchi ra saa: ―Tata Maestro, kúni i ndakan tuꞌun i yóꞌo̱, ¿unkua vaꞌa ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin ra.

San Mateo 19:29

Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

ROMANOS 8:30

Ta naꞌa yóꞌó ku na ndi̱kaxin Ndioxi yachi ka, saa ka̱na ra na ndu̱u na seꞌe ra, ka̱na ra na ndu̱u na tá íin naꞌa, na köo ka kuachi kúu mií nuu ra, ta ta̱xi ra koo na xiꞌin ra nuu íyo ndiꞌi ya luvi ni yéꞌe̱.

San Marcos 10:17

Xa kee tuku Jesús kuꞌun va ra kua, ta saa ndi̱xaa iin ra taa, xínu ra ndi̱xaa ra, si̱kusiti ra nuu ra, saa ndi̱ndakan tuꞌun ñaꞌa ra, káchi ra saa: ―Tata Maestro, vaꞌa ni taa kúu mií un, ta kaꞌan loꞌo un xiꞌin i unkua xíniñuꞌu i ikan i, ya kuchiñu kutaku i xiꞌin Ndioxi ndiꞌi saa kivi ―káchi ra.

Gálatas 3:14

Xaꞌa ya i̱kan Cristo saa kua vaꞌa ndi̱niꞌi ndiꞌi ni kúu naꞌa, na köo kúu judío ya vaꞌa taꞌan ya ndi̱niꞌi ra Abraham nuu Ndioxi. Ta tixin Jesucristo kua níꞌi yo ya vaꞌa xaꞌa ya ndáa ni ini yo xíni yo ra, ta saa kua ndíkiꞌin yo Tachi I̱í Ndioxi ya ndi̱kaꞌan ra taxi ra ndaꞌa yo.

HEBREOS 12:17

Xa kúndaa ini mií ndo ya ndo̱ꞌo ra, tá ndi̱ko koo ini ra ta ku̱ni ra ya chikaa iva ra ya vaꞌa ra, xa̱ku ndaꞌvi ni ra nuu ra, sundi köo ndi̱kuchiñu ka ra niꞌi ra ya vaꞌa xaꞌa ya xa ku̱ndasi ra ya.