1 Pedro 3:19 - Xochapa Mixteco

¹⁹ Ta xiꞌin ikin kuñu ra ya xa̱á, küvi kuni yo kua ndi̱xaꞌan ra ndi̱kaꞌan ndoso ra xiꞌin tachi na ndíi ñúꞌu veꞌe kàà.

1 Pedro 3:19 Referans Kwoze

1 Pedro 4:6

Xaꞌa ya ñaa kua xa ndi̱kaꞌan ndoso naꞌa tuꞌun vaꞌa xaꞌa Tata yo Jesucristo xiꞌin naꞌa, na xa ndi̱xiꞌi, ya kuchiñu kutaku ya vaꞌa na nuu Ndioxi, vani xa̱a nani na ñuu ivi yóꞌó kuachi xiꞌin na tá kivi xi̱taku na.

El Apocalipsis 20:7

Tá ndi̱ꞌi ndi̱yaꞌa mil kuiya ikán, saa tiꞌvi Ndioxi tatun ra ya tava ya kiti nǎꞌa, keta ri ini veꞌe kàà nuu ndíkaa ri.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

1 Pedro 3:20

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.