1 Pedro 2:8 - Xochapa Mixteco

⁸ Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.

1 Pedro 2:8 Referans Kwoze

1 Corintios 1:23

Sundi ndeꞌe, ta xaꞌa Jesucristo, ra ndi̱xiꞌi nuu cruzin xaꞌa kuachi va yo kua káꞌan ndoso nde xiꞌin na. Ta tuꞌun yóꞌó nda tá káa yu̱ú nuu káchiꞌi xaꞌa na kóyo na, saa káa ya nuu na judío. Ta na griego ndíkani ini na, tá káa ya kíꞌvi va, saa káa ya nuu na.

1 Pedro 2:7

Ndiꞌi ndóꞌo̱ kándixa ni Jesucristo ta nda tá káa yu̱ú ya ndee ni ndáa yaꞌvi saa káa ra nuu ndo, ta nuu naꞌa, na köo xíin kandixa ra, ta ni köo ndáa yaꞌvi ra nuu na, ta saa xáa ndúvi na tuꞌun Ndioxi ya káchi saa: Yu̱ú ya ku̱ndasi nda síkuaꞌa veꞌe. Ya ikán kua ndu̱u yu̱ú núnu̱ú ya ndee ni vaꞌa ndíkaa xaꞌa veꞌe, káchi tuꞌun Ndioxi.

ROMANOS 9:22

Saa i̱kan Ndioxi xiꞌin naꞌa, na chi̱tuni ra ndiꞌi xaꞌa: ndixaꞌa ndee ndiꞌi ini ra xaꞌa ya väꞌa i̱kan na nuu ra, nda kivi ti̱ndaa tiempo ya nda̱a ni ya si̱saa na ra, ta si̱ndiꞌi xaꞌa ra na xiꞌin ndee kúu mií ra, saa ku̱ndaa ini ndiꞌi ni kúu na ñuu ivi xaꞌa ya i̱kan ra.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.

1 Tesalonicenses 5:9

Chi Ndioxi ta köo ndi̱kaxin ra yoo ya sindoꞌo ra yoo, ndi̱kaxin ra yoo ya sikaku ra yoo tixin Tata yo Jesucristo.

San Lucas 2:34

Saa ndi̱kaꞌan ra tuꞌun yóꞌó xiꞌin na, káchi ra saa: ―Ndioxi ná chikaa ka ya vaꞌa ndóꞌo̱. Ta saa ndi̱kaꞌan ka ra xiꞌin yá María siꞌí ra loꞌo Jesús, káchi ra saa: ―Ndioxi ndi̱kaxin ra loꞌo seꞌe un yóꞌó ya ka̱ku ra, ta kuaꞌa ni na Israel sikaku ra. Ta inka na xïin ndikiꞌin vaꞌa ñaꞌa ndiꞌi xaꞌa na, saa chi ra yóꞌó kúu taa ra koo iin seña sinaꞌa Ndioxi nuu na ñuu ivi ta kuaꞌa ni na küaꞌa kandixa ñaꞌa,

2 Corintios 2:16

Ta nuu naꞌa, na kuaꞌan ichí nuu ndiꞌi xaꞌa na, tá íin xi̱ko̱ na ndíi va, saa íin xi̱ko̱ nde nuu na. Ta nuu naꞌa, na kuaꞌan ichí nuu kaku na, tá íin xi̱ko̱ na táku xáꞌan támi, saa íin xi̱ko̱ nde nuu na. Ta köo naꞌa kuchiñu xaa súvi vi chiñu yóꞌó tá tu süvi Ndioxi ku ra tíꞌvi na kuaꞌan na. Chi ndee ni va chiñu ku mií ya.

Gálatas 5:11

Ñani yo, tá tu yeꞌe sínaꞌa ku i naꞌa xaꞌa ya ná xaa súvi ka na costumbre ya ndikunuu tuni Ndioxi na, ni na judío ta xäa nduvaꞌa ka na xiꞌin i, ndíkuu. Chi tá saa ná kaꞌan i xiꞌin na ta säa ka ini na kuni yeꞌe xaꞌa ya sínaꞌa i ya ndi̱xiꞌi Jesucristo nuu cruzin xaꞌa kuachi yo, ndikuu.

1 Pedro 2:6

Saa káꞌan tuꞌun Ndioxi ya ta̱a na xinaꞌa, káchi ya saa: Koto ndo chinduꞌu i yu̱ú ya ndee ni ndáa yaꞌvi, ya luvi ni ndíkaa tutun xaꞌa veꞌe i ya kuaꞌa ñuu Sión. Ndiꞌi naꞌa, na kándixa ni taa ra káa tá káa yu̱ú ikán, ta nda iin kivi kükaꞌán nuu na, ni ndïkava ini na xiꞌin ra, káchi tuꞌun Ndioxi.