Biblia Todo Logo
Bib sou entènèt

- Piblisite -




1 Pedro 2:25 - Xochapa Mixteco

25 Chi yoo ta tá íin kiti levo, kiti nda̱ñuꞌu saa ndi̱xiyo yo. Ta vitin ndi̱ko koo yo nuu Tata yo Jesucristo ta ndee ni vaꞌa ndáa ra yoo, tá íkan iin ra ndee ni vaꞌa ndáa kiti levo sana ra, saa íkan ra xiꞌin yo.

Gade chapit la Kopi




1 Pedro 2:25
24 Referans Kwoze  

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.


Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.


’¿Ta unkua ndíkani ini ndóꞌo̱? Tá íyo iin taa kúu mií ra iin ciento levo sana ra. Tá ná ndañuꞌu iin sana ra, ta saa sindoo ra kumi xiko xaꞌun kumi ti ikán, ta kuꞌun ra nduku ra kiti nda̱ñuꞌu.


Saa chi tá ná ndiko koo Tata yo Jesucristo, ra ndáa yoo, ra chee nuu yo, ra íyo tá íyo nda ndáa levo, ta saa kua niꞌi yo iin corona ya ndee ni luvi ta nda iin ichí ndïꞌi xaꞌa ya.


Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.


Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.


Ta xaꞌa ya kúu sutu ikán ra ivi, ra vita ni ini taꞌan mií yo ivi yóꞌó, yakan vaꞌa kúndaꞌvi ini ra xíni ra naꞌa, na nda̱ñuꞌu, na köo kúndaa vaꞌa ini xaꞌa tuꞌun Ndioxi.


Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.


Swiv nou:

Piblisite


Piblisite