1 Pedro 2:21 - Xochapa Mixteco21 Xaꞌa ya ñaa kua ka̱na Ndioxi ndóꞌo̱ ya xaꞌa ndee ni ini ndo kundoꞌo ndo tá kuꞌva ndo̱ꞌo mií Cristo xaꞌa ndo, kuꞌva saa xíniñuꞌu ndo ikan ndo, chi saa íyo ya si̱naꞌa ra ndóꞌo̱ ikan ndo. Gade chapit la |
Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.
Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.
Sundi vitin ta xa ku̱chiñu na nuu ri. Saa chi kiti Levo loꞌo ikán ndi̱taxi ri mií ri xaꞌa na ta nií ri ikán ku rá ta̱xi ndee ndaꞌa na. Ta saa tu tuꞌun ya ndaa, ya ndíkuiin na xaꞌa Tata yo Jesucristo, ta̱xi ya ndee ndaꞌa na. Xaꞌa uvi ndee yóꞌó kua ku̱chiñu na ku̱ndee na nuu kiti nǎꞌa. Ta nda loꞌo köo ndi̱ndiꞌvi na kuvi na, ta̱xi ndiꞌi na mií na ya kuvi na xaꞌa ya kándixa na Ndioxi.
Ndiꞌi ñaꞌa ya si̱kuaꞌa Ndioxi ta íyo ya xaa kaꞌnu ya ra, chi tixin ndee mií ra kua íyo ndiꞌi ya. Ta saa kúni ra ná niꞌi ndiꞌi na kúu seꞌe ra koo na xiꞌin ra nuu luvi ni káa. Xaꞌa ya ikán kua ta̱xi ra ndo̱ꞌo ni Tata yo Jesús ndi̱xiꞌi ra. Ikán ku nuu si̱xinu ra ndiꞌi chiñu ya kúni Ndioxi, saa ku̱u nuu ku̱chiñu ra ndu̱u ra taa, ra sikaku yoo, na kúu seꞌe ra.
Ta sínaꞌa ra na, káchi ra saa xiꞌin na: ―Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra xinaꞌa káꞌan ya xaꞌa ra kúu Cristo, ta xíniñuꞌu ra ndoꞌo ni ra, saa kuvi ra, ta sindiꞌi nditaku ra, káchi tuꞌun Ndioxi. Ta Jesús ku ra kúu Cristo, taa ra káꞌan tuꞌun Ndioxi xaꞌa. Ta suvi xaꞌa ra ikán kua káꞌan i xiꞌin ndo vitin ―káchi ra Pablo xiꞌin na.