1 Pedro 2:19 - Xochapa Mixteco

¹⁹ Saa chi naꞌa, na ndee ni ndóꞌo ta niꞌi ni na ya vaꞌa nuu Ndioxi tá ndóꞌo na saa, tá chíkaa naꞌa kuachi síki sata na xaꞌa ya kúni na xaa súvi na ya kúni mií Ndioxi.

1 Pedro 2:19 Referans Kwoze

1 Pedro 2:20

Tá ndá ndóꞌo̱ tíxuꞌvi xaꞌa ya väꞌa íkan ndo, ta köo xíniñuꞌu naꞌa kaꞌan vaꞌa na xaꞌa ndo ya tíxuꞌvi ni ndo. Sundi tá tu vaꞌa ni kéꞌe ndo, ta vaꞌa xaꞌa ndee ni ini ndo xaꞌa ya tíxuꞌvi ni ndo íkan na, chi tá xáꞌa ndee ini ndo ta vaꞌa ni kúni Ndioxi xiꞌin ndo.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

San Lucas 6:32

’Tá tu kúꞌvi ini ndo xíni ndo ndisaa na kúꞌvi ini xíni ndóꞌo̱, ta köo ndáa yaꞌvi ya nuu Ndioxi, saa chi saa íkan tu naꞌa, na köo xíni Ndioxi va.

ROMANOS 13:5

Yakan kua xíniñuꞌu yo kuni soꞌo yo ya káꞌan na chiñu xiꞌin yo. Süvi xaꞌa ya íꞌvi yo nuu na xaa nduvaꞌa na xiꞌin yo kua, saa chi ya yóꞌó ku ya kúni Ndioxi, tá íkan yo saa ta íyo vaꞌa ini yo, nda ya xínituni yo ta köo táxi ya kuachi xaꞌa yo.

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

2 Corintios 8:1

Ñani yo, ndóo ñuu Corinto, kúni nde ndituꞌun nde xiꞌin ndo ya ná kundaa ini ndo xaꞌa ya vaꞌa ni ndi̱niꞌi uun na taꞌan yo nuu Iva yo Ndioxi. Xaꞌa na ñani yo na veꞌe ñuꞌu ndóo kuaꞌa ni ñuu ya ñúꞌu estado Macedonia kua káꞌan i xiꞌin ndo.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

HEBREOS 10:2

Saa chi tá tu ndíkuchiñu ley ikán ndasa vaꞌa ya nima na nuu Ndioxi xaꞌa kuachi na, ta kündiꞌi ka ini na xaꞌa kuachi na, ta ni köo xíniñuꞌu soko ka na kiti sana na xaꞌa ya síndikaꞌán ya xínituni na mií na ya íyo ka kuachi na, ndikuu.

1 Pedro 4:15

Yakan tá ndóꞌo̱ ndo, ta süvi xaꞌa ya xáꞌni ndo ndìì án ya kuiꞌna ndo, án ya íkan ndo ndá ka ya väꞌa, án ya kuakiꞌvi niꞌnu yuꞌu ndo xiꞌin naꞌa kua ndóꞌo ndo.