1 Pedro 2:16 - Xochapa Mixteco

¹⁶ Chi ndóꞌo̱ ta ndo xa xíka ndíka ku ndo, köo núꞌni ka ndo ndaꞌa ya väꞌa ya ikan ndo ya väꞌa, yakan ndóꞌo̱ ta täa nuu ndo ya ñaa ya ikan ndo ndá ka chiñu väꞌa. Ya vaꞌa ni kua koo ndo tá kuꞌva íin naꞌa, na xáa chiñu nuu Ndioxi.

1 Pedro 2:16 Referans Kwoze

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

ROMANOS 6:22

Ta vitin ta xa ndi̱saña ndo ndaꞌa kuachi nuu xi̱ñuꞌu ndo. Xa ta̱xi ndo mií ndo xáa chiñu ndo nuu Ndioxi, saa ndu̱u ndo naꞌa na i̱í nuu ra, ta xaꞌa ya ñaa kua ndi̱niꞌi ndo nuu ra ya koo ndo xiꞌin ra ndiꞌi saa kivi ya vaxi.

1 Corintios 7:22

Saa chi tá ra sa̱ta naꞌa xáa chiñu nuu na kúu un tá kivi ka̱na Tata yo yóꞌo̱. Ta vitin xa ndi̱sa̱ña ndika un i̱kan Tata yo. Ta saa tu naꞌa, na ndóo ndika tá kivi ka̱na Tata yo na, ya kundikun na ra, ndu̱u na tá íin naꞌa, na sa̱ta ra ndíkun ñaꞌa na.

ROMANOS 6:18

Ñaa ndi̱saña ndo ndaꞌa kuachi ku̱aꞌan ndika ndo, ta vitin ndi̱kiꞌvi ndo ichí Ndioxi tá íin ndo sa̱ta ra xáa chiñu nuu ra, saa íin ndo, íkan ndo ya vaꞌa, ya ndaa.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

Santiago 1:25

Sundi naꞌa, na köo ndi̱ndoso ini xaꞌa tuꞌun Ndioxi ya xíni soꞌo na, ta xáa súvi na ya káꞌan ya, ta vaꞌa ni kée na, chi sáña ndíka na xaꞌa kuachi na.

Santiago 2:12

Xaꞌa ya ñaa kua vívií ndituꞌun ndo, ta vívií koo ndo ñani yo. Chi ndóꞌo̱ ta tá íin naꞌa, na xaa nani Ndioxi kuachi xiꞌin xaꞌa ley ra ya sa̱ña ndíka ndóꞌo̱, saa íin ndo.

Efesios 6:6

Tá xáa súvi ndo chiñu nuu na, ta vaꞌa ikan ndo ya xiꞌin ndinuꞌu nima ndo, ta ïkan ndo ya ndisaa tá xíto na nuu ndo xáa chiñu ndo. Chi ndóꞌo̱ ta tá íyo ndo xáa chiñu xiꞌin ya nduxa nuu Cristo, saa íin ndo. Tá xáa súvi ndo chiñu nuu na xiꞌin ndinuꞌu nima ndo, ta saa kua xáa súvi ndo ya kúni mií Ndioxi.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.

Colosenses 3:24

Ta ndikaꞌán ini ndo, chi vaxi kivi ta niꞌi ni ndo ya vaꞌa, ya ki̱ndoo Tata yo Jesucristo taxi ra ndaꞌa ndo. Saa chi nuu mií ra xáa chiñu ndo.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.

1 Tesalonicenses 2:5

Xa xíni mií ndo nda iin ichí köo ndi̱kaꞌan vata nde xiꞌin ndo ya sixinu nde ini ndo, ni köo ndi̱sindaꞌvi nde ndóꞌo̱ ya taxi ndo xuꞌun ndaꞌa nde. Mií Ndioxi ku ra ndíkuiin xaꞌa ya káꞌan nde xiꞌin ndo.

San Juan 15:22

’Tá tu köo ndi̱kixi i ñuu ivi yóꞌó ndituꞌun i xiꞌin na, ta köo kuachi na, ndíkuu. Ta vitin ta küvi kaꞌan na ya köo xíni na, chi xa ndi̱tuꞌun i ya ndaa xiꞌin na, yakan ndíso mií na xaꞌa kuachi na, chi xa ku̱ndaa ini na xaꞌa ya ndaa ta köo xíin na xaa súvi na ya.