1 Pedro 2:15 - Xochapa Mixteco

¹⁵ Saa chi Ndioxi ta kúni ra ya ná ikan ndo ya vaꞌa, saa kua küchiñu na kíꞌvi, na köo xíin kundaa ini xaꞌa ya ndaa, küchiñu na taxi na kuachi síki xaꞌa ndo.

1 Pedro 2:15 Referans Kwoze

1 Pedro 3:17

Tá tu saa kúni mií Ndioxi kundoꞌo ndo xaꞌa ya íkan ndo ya vaꞌa, ta vaꞌa ni kée ndo, süvi ka vi tá tu tíxuꞌvi ndo xaꞌa ya íkan ndo ya väꞌa.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

San Mateo 7:26

Tá íyo iin taa ra köo ndíchi xiní, ra si̱kuaꞌa veꞌe nuu yoti, saa íin na xíni soꞌo tuꞌun káꞌan i, tá köo xáa súvi na ya káꞌan i xiꞌin na.

1 Tesalonicenses 5:18

Ndiꞌi saa ichí taxi ndo tixaꞌvi ndaꞌa ra xaꞌa ndiꞌi ñaꞌa, saa chi saa kúni Ndioxi ikan ndo xaꞌa ya ndíkun ndo Jesucristo.

1 Tesalonicenses 4:3

Chi Ndioxi ta kúni ra ya ná nduu ndo naꞌa, na i̱í nuu ra iin iin kivi, ta ná kuxika ndo nuu ndiꞌi kuachi kini íyo ñuu ivi yóꞌó.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

ROMANOS 1:21

Vani xa xíni naꞌa ya íyo Ndioxi, ta ni köo ndi̱xiin na xaa toꞌo na ra, ni köo ndi̱taxi na tixaꞌvi ndaꞌa ra. Ta saa ndu̱ndee ka ya ndíkani ini mií na xaꞌa ndisaa chiñu kiꞌvi. Ñaa ndu̱tuun vaꞌa ka nima na.

Judas 1:10

Ta saa íkan nda vata ñaa, nda sínaꞌa tuꞌun Ndioxi, chi ni köo íꞌvi nda káꞌan ndikuu nda xaꞌa ñaꞌa ya köo kúndaa ini nda xiꞌin. Tá íkan kiti köo ya xínituni va saa íkan nda chi síndiꞌi xaꞌa nda mií va nda.

1 Pedro 4:2

xaꞌa ya íyo ndúvi na ya xaa súvi na ya kúni mií Ndioxi tiempo ya táxi ra táku ka na ñuu ivi yóꞌó, ta köo íyo ka na tá kuꞌva kúni mií ikin kuñu na.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

San Mateo 25:2

Ta uꞌun ná ikán ta xa íyo ndúvi ná, ta inka uꞌun ná ikán ta ni köo íyo ndúvi ná.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.