1 Pedro 1:25 - Xochapa Mixteco

²⁵ Sundi tuꞌun Ndioxi ta nda iin kivi ndïꞌi xaꞌa ya, ndiꞌi saa kivi kutaku ya. Ta tuꞌun vaꞌa yóꞌó kua xi̱ni soꞌo ndo xaꞌa Tata yo Jesucristo.

1 Pedro 1:25 Referans Kwoze

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

1 Juan 1:1

Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.

2 Pedro 1:19

Ta xaꞌa ya xa xi̱ni nde xiꞌin ya xi̱ni soꞌo nde kua ndinuꞌu ni kándixa nde tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, chi ya ndaa ni ku ya. Ta vaꞌa ni íkan ndo ya ndee ni xíni soꞌo ndo ya. Chi tuꞌun ikán ta tá káa ñu̱ꞌu̱ ya síndiyeꞌe nuu naá ni saa káa ya. Chi Cristo ku ra síndiyeꞌe nuu naá ni, ta tá káa kiti kimi kéta tá túvi, saa káa ra, ta kuꞌva saa síndiyeꞌe ra nima ndo.

San Lucas 16:17

’Ta kúni i ná kundaa ini ndo, vani ndiꞌi xaꞌa ñuu ivi yóꞌó xiꞌin ndivi, sundi ley Ndioxi ya xa íyo xinaꞌa, ta nda iin kivi ndïꞌi xaꞌa ya ―káchi Jesús.

Efesios 2:17

Chi tá kivi ki̱xi ra ta ndi̱kaꞌan ndoso ra tuꞌun vaꞌa ya koo vaꞌa ni ini ndóꞌo̱ ndi̱xiyo xíka ni nuu ra, xiꞌin ndeꞌe ndi̱xiyo yati ni nuu ra.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:1

Tá täꞌan xi̱koo ñuu ivi yóꞌó, ta xa íyo va ra kúu tuꞌun Ndioxi, ta ra kúu tuꞌun Ndioxi ikán xa íyo va ra xiꞌin Ndioxi tá yachi, ta suvi mií ra kúu tuꞌun ikán ku ra kúu Ndioxi.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.

1 Pedro 1:23

Saa chi ndóꞌo̱, ta ndi̱kaku uvi tuku ndo, ta köo ndi̱kaku ndo tixin iva siꞌí ndo na ñuu ivi yóꞌó, chi tixin tuꞌun Ndioxi ya táku ndiꞌi saa kivi kua ka̱ku ndo.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

Tito 1:3

Ta vitin ku nuu ndi̱xinu kivi ya ndi̱naꞌa Iva yo Ndioxi ra síkaku yoo, ndi̱naꞌa ra tuꞌun vaꞌa xaꞌa Tata yo Jesucristo nuu ndiꞌi naꞌa. Xaꞌa ya ikán kua ti̱ꞌvi ra yeꞌe ya kaka i kaꞌan ndoso i tuꞌun ra xiꞌin naꞌa.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

1 Corintios 2:2

Saa tá ndi̱xiyo i xiꞌin ndo, ta chi̱kaa ini i kaꞌan i xiꞌin ndo ndisaa xaꞌa Cristo, ta köo ndi̱xiin i kaꞌan i xiꞌin ndo ndá ka ñaꞌa, ndisaa xaꞌa ya ndi̱xiꞌi ra nuu cruzin kua ndi̱kaꞌan i xiꞌin ndo.

HEBREOS 6:5

Na ikán ta kúndaa ini na ya vaꞌa ni ku tuꞌun Ndioxi, saa kúndaa ini na ya ndee ni ndee kúu mií ra kaꞌnda chiñu ra kivi vaxi.

El Apocalipsis 14:6

Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.