1 Pedro 1:17 - Xochapa Mixteco

¹⁷ Ta ndóꞌo̱, tá káꞌan ndo xiꞌin Ndioxi, ta kaꞌan ndo xiꞌin ra ya kúu ra Iva ndo. Ta vaꞌa va chi köo ndi̱kaxin ra nda iin naꞌa, iin kuꞌva xáa nani ra kuachi xiꞌin ndiꞌi na. Xaꞌa ya ñaa kua xíniñuꞌu ndo xaa súvi ndo ndiꞌi ñaꞌa íkan ndo xiꞌin ya toꞌo, nani ndóo naꞌa ndo ñuu ivi yóꞌó.

1 Pedro 1:17 Referans Kwoze

San Mateo 6:9

Ta vaꞌa, tá káꞌan ndo xiꞌin ra, ta soꞌva kaꞌan ndo xiꞌin ra: “Tata Iva yo Ndioxi, ra íyo nuu ndivi, ná xaa toꞌo ni naꞌa kivi un.

Filipenses 2:12

Na taꞌan yo, na kúꞌvi ni ini i xíni i, yachi tá ndi̱xiyo i xiꞌin ndo ta ndiꞌi saa ichí xa̱a súvi ni ndo tuꞌun Ndioxi ya ndi̱kaꞌan i xiꞌin ndo. Ta saa tu vitin va, vani köo íyo i xiꞌin ndo ta ndee ni ka xíniñuꞌu ndo xaa nduxa ndo ya ikan ndo ya vaꞌa taꞌan ya íkan naꞌa, na síkaku Ndioxi. Ikan ndo saa xaꞌa ya xáa toꞌo ndo Ndioxi, saa tu xaꞌa ya íꞌvi ndo xíni ndo ra.

2 Corintios 7:1

Ta saa ñani mani yo, xa ndi̱kaꞌan Ndioxi xiꞌin yo ya ki̱ndoo ra xiꞌin yo, yakan ná kundaa ni yo mií yo, ná kuxika yo nuu ndá ka ñaꞌa väꞌa, ya xáa yakua ikin kuñu yo xiꞌin ya vaꞌa yo. Ná nditaxi ndiꞌi yo mií yo ndaꞌa Ndioxi, ya xaa toꞌo yo ra, saa kua nduu yo na i̱í nuu ra.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

Efesios 1:17

Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Gálatas 2:6

Ta nda ñani yo ndóo ñuu Jerusalén, nda kúnaꞌnu, ndíso chiñu xiꞌin na veꞌe ñuꞌu, ta nda iin ya köo ndi̱kaꞌan nda xiꞌin i ya nama i kuꞌva sínaꞌa i naꞌa. Ta saa ni yeꞌe ta köo xíka ini i xaꞌa ya káꞌan nda, ni nda naꞌnu ni va ku nda. Saa chi nuu Ndioxi ta iin káchi íin ndiꞌi va yo ivi yóꞌó nuu ra.

ROMANOS 11:20

Saa ndixa íyo ya, vaꞌa kundaa ini ndo. Chi ya ndi̱taꞌnda ndaꞌa itun olivo tàtà ikán, ta xaꞌa ya köo ndi̱xiin na kandixa na Cristo kua. Yakan vaꞌa ndi̱kundikun ndóꞌo̱ íin tá íyo itun olivo ikú. Yakan kütai ni ini ndo, vaꞌa ni ka ná ku íꞌvi ndo kuni ndo Ndioxi.

San Mateo 22:16

Ñaa ti̱ꞌvi nda ikán nda taꞌan nda, nda ítaꞌan xiꞌin nda ñúꞌu xiꞌin partido ra Herodes, saa ndi̱xaa nda nuu Jesús ndi̱kaꞌan nda xiꞌin ra, káchi nda saa: ―Tata Maestro, xíni nde ya káꞌan un ya ndaa. Ta ndinuꞌu ni ini un sínaꞌa un naꞌa xiꞌin ya ndaa xaꞌa ichí Ndioxi. Ta köo xáꞌni un mií un ya káꞌan naꞌa xaꞌa ya sínaꞌa un na, saa chi köo kíꞌin un kuꞌva xiꞌin na tá kuꞌva íin na, iin káchi íkan un xiꞌin ndiꞌi va na.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

Colosenses 3:25

Ta saa ndikaꞌán ini ndo ndiꞌi naꞌa, na íkan ya väꞌa ta kuꞌva saa ndikiꞌin na yaꞌvi na, saa chi Ndioxi ta iin káchi xaa nduvaꞌa ra xiꞌin ndiꞌi naꞌa.

Efesios 6:9

Saa ndóꞌo̱ xáa chiñu naꞌa nuu, koto vií ndo xiꞌin na xáa chiñu xiꞌin ya nduxa nuu ndo, ta käꞌan ndo xiꞌin na ya ndee ni sitixuꞌvi ndo na tá väꞌa íkan na chiñu nuu ndo, chi Ndioxi ra íyo nuu ndivi ku ra kíꞌin kuenta xiꞌin na ñaa. Ta suvi tu ra kíꞌin kuenta xiꞌin mií va ndo, chi iin káchi ndáa yaꞌvi ndiꞌi ndo nuu ra.

Efesios 3:14

Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,

1 Pedro 3:15

Ya ndee ni xíniñuꞌu ndo ikan ndo kua yóꞌó, ná kuñuꞌu ni ini ndo ya xaa kaꞌnu ni ndo Tata yo Jesucristo. Ta ndiꞌi saa ichí koo ndúvi ndo ya ndikani ndo nuu naꞌa, na ndákan tuꞌun ndóꞌo̱ xaꞌa ya kándixa ndo ra.

2 Corintios 5:6

Xaꞌa ya ñaa kua ndee ni ndáa ini yo Ndioxi ndiꞌi saa kivi. Ta xa kúndaa ini yo tá kivi táku yo ini ikin kuñu yo ya kúu mií yo vitin, ta täꞌan tindaa yo koo yo xiꞌin Tata yo Jesucristo.

2 Corintios 1:2

Ta ndiꞌi saa kivi ná niꞌi ni ndo ya vaꞌa nuu Iva yo Ndioxi xiꞌin Tata yo Jesucristo, saa ná koo vaꞌa ni ini ndo.

2 Corintios 7:11

Na taꞌan yo, koto mií ndo, ndá kuꞌva chi̱ndee ya suchi ini ta̱xi Ndioxi ndo̱ꞌo ndo: Ta vaꞌa xaa súvi ndo ya chi̱kaa ini ndo ikan ndo xiꞌin ra taꞌan ndo ñaa. Chi ndóꞌo̱ ta kúni ndo sinaꞌa ndo mií ndo ya köo kuachi ndo ta kúndasi nuu ndo xíni ndo kuachi. Saa ndíꞌi ni ini ndo xaꞌa tindoꞌo ya íyo nuu ndo. Ta vitin, kúni ndo kuni ndo yeꞌe, chi ndíꞌi ni ini ndo xaꞌa i. Ta íyo ndúvi ndo ya taxi ndo kuachi xaꞌa ra taꞌan ndo ñaa. Xaꞌa ya íkan ndo saa ta sínaꞌa ndo mií ndo ya köo íyo yuꞌu ndo xiꞌin ra, ta ya ñaa kúni kachi ya kíndoo ndika ndo xaꞌa kuachi ra taꞌan ndo ñaa.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.