1 Pedro 1:12 - Xochapa Mixteco

¹² Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

1 Pedro 1:12 Referans Kwoze

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

Efesios 3:10

Xaꞌa ya i̱kan Ndioxi soꞌva kua kúni ra ná kuni ndiꞌi na tatun ra, na naꞌnu xáa chiñu nuu ra xiꞌin ndiꞌi ndee tachi nduvaꞌa ya xáa chiñu maꞌñu ndivi ni̱nù. Ta xaꞌa ya i̱kan ra soꞌva xiꞌin na veꞌe ñuꞌu kua kúni ra ná kundaa ini ndiꞌi ndee yóꞌó, ya iindaa mituꞌun mií Ndioxi ku ra ndee ni ndixa ndíchi nuu ndiꞌi ni kúu ñaꞌa.

1 Corintios 2:10

Sundi mií Ndioxi ku ra ndi̱naꞌa ya yóꞌó nuu yo tixin Tachi ra ya kuchiñu yo kundaa ini yo xaꞌa ya. Saa chi ndisaa mií Tachi ra kua xíto ndoso ndiꞌi ni kúu ñaꞌa. Nda ñaꞌa ya küvi kundaa ini yo xiꞌin, saa tu ndiꞌi ya ndíchi ni, ya íyo sěꞌe, ta ndisaa mií Tachi ra kua kúndaa ini xaꞌa ndiꞌi ya kúu mií Ndioxi.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

1 Pedro 1:25

Sundi tuꞌun Ndioxi ta nda iin kivi ndïꞌi xaꞌa ya, ndiꞌi saa kivi kutaku ya. Ta tuꞌun vaꞌa yóꞌó kua xi̱ni soꞌo ndo xaꞌa Tata yo Jesucristo.

El Apocalipsis 5:11

Tá ndi̱ꞌi saa ndi̱koto i, ta xi̱ni soꞌo i káꞌan kuaꞌa ni na tatun Ndioxi, na ikán ta yaꞌa ni kuaꞌa millón ku na. Saa chu̱tu ndaa na nuu índuꞌu ra kaꞌnu, ra índuꞌu nuu tai toꞌo, xiꞌin kumi saa ya táku tin oko kumi saa na xikuaꞌa ikán.

2 Corintios 6:6

Xaꞌa ya vaꞌa ni íyo nde nuu naꞌa kua sínaꞌa nde mií nde nuu na ya kúu nde taa, nda xáa chiñu nuu Ndioxi, chi íyo ni ya xínituni nde xaꞌa ya xíni nde ya ndaa, ta xáꞌa ndee ni ini nde nuu ndiꞌi ya, ni köo ndíko koo ini nde, vaꞌa ni ini nde xiꞌin naꞌa. Íkan nde saa xaꞌa ya íyo Tachi I̱í Ndioxi xiꞌin nde, ta ndinuꞌu ni ini nde kúꞌvi ini nde xíni nde na,

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.

Gálatas 1:12

Chi süvi na ivi yóꞌó ku na ndi̱taxi ya ndaꞌa i, ta ni süvi na ivi yóꞌó ku na ndi̱sinaꞌa ya yeꞌe. Mií Tata yo Jesucristo ku ra ta̱xi ya ndaꞌa i tá ndi̱tuvi ra nuu i.

ROMANOS 10:15

Ta ¿unkua ikan na kuꞌun na ndituꞌun na tuꞌun Ndioxi xiꞌin inka naꞌa, ta köo naꞌa tiꞌvi na kuꞌun na? Tá káchi tuꞌun Ndioxi ya ta̱a na xinaꞌa: “Vaꞌa ka vi kúni yo tá xa̱a naꞌa ndítuꞌun na tuꞌun vaꞌa xaꞌa Ndioxi xiꞌin yo”, káchi ya ta̱a na.

ROMANOS 1:17

Ta tuꞌun vaꞌa xaꞌa Jesucristo kua sínaꞌa yoo ndá kuꞌva kua ndíkuiso vaꞌa Ndioxi naꞌa nuu ra. Saa ndása ra na ivi na vaꞌa, na köo ka kuachi kúu mií nuu ra. Tá kuꞌva káꞌan mií tuꞌun Ndioxi ya ta̱a na xinaꞌa, káchi ya saa: “Naꞌa na ndíkuiso vaꞌa Ndioxi, na ndúu tá íin naꞌa, na köo ka kuachi ku mií nuu ra, na kándixa ni ñaꞌa, na ikán ku na kuchiñu kutaku xiꞌin Ndioxi”, káchi tuꞌun ra.

San Lucas 15:10

Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

San Lucas 9:6

Saa ke̱e nda ndi̱kiꞌin nda kuaꞌan nda ndiꞌi ni kúu ñuu vali, kuaꞌan nda ndítuꞌun nda tuꞌun vaꞌa xaꞌa Jesucristo xiꞌin ndiꞌi naꞌa, ta síndaꞌa nda na kúꞌvi.

San Lucas 2:26

Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

ROMANOS 1:15

Xaꞌa ya ikán kua kúni ni i xaa i ndikani i tuꞌun vaꞌa xaꞌa Jesucristo nuu ndóꞌo̱ ndóo ñuu Roma.

Los Hechos 16:10

Tá ndi̱xani ra Pablo ta ndikun saa xa̱a súvi nde ñaꞌa nde, ta ndi̱kiꞌin nde kuaꞌan nde estado Macedonia, chi ku̱ndaa ini nde Ndioxi ku ra kúni kuꞌun nde kaꞌan ndoso nde tuꞌun vaꞌa xaꞌa Jesús xiꞌin na ñuu ikán.

Los Hechos 10:44

Káꞌan ka ra Pedro ta nu̱u Tachi I̱í Ndioxi sata na xíni soꞌo ya káꞌan ra.

Los Hechos 8:25

Sindiꞌi tá ndi̱kaꞌan ndoso ra Pedro xiꞌin ra Juan tuꞌun vaꞌa xaꞌa Jesús ya ti̱ꞌvi Ndioxi ra ki̱xi ra sikaku ra yo ñuu ivi yóꞌó, ta ndi̱xika nda mií ñuu Samaria ndi̱tuꞌun nda xiꞌin naꞌa. Ta saa ndi̱ko koo tuku nda kuaꞌan nda ñuu Jerusalén, ta ndítuꞌun nda xiꞌin ndiꞌi na ndóo ñuu vali nuu yáꞌa nda kuaꞌan nda ichí.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

Los Hechos 4:8

Ta ndee ni íyo Tachi Ndioxi xiꞌin ra Pedro, ta saa ndi̱kuiin ra káꞌan ra: ―Ndóꞌo̱ tata na chiñu nuu ñuu yo xiꞌin ndóꞌo tata na xikuaꞌa nuu yo Israel.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Pedro 4:6

Xaꞌa ya ñaa kua xa ndi̱kaꞌan ndoso naꞌa tuꞌun vaꞌa xaꞌa Tata yo Jesucristo xiꞌin naꞌa, na xa ndi̱xiꞌi, ya kuchiñu kutaku ya vaꞌa na nuu Ndioxi, vani xa̱a nani na ñuu ivi yóꞌó kuachi xiꞌin na tá kivi xi̱taku na.